KW

لحد امتى هنجرى ؟

عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 10 ديسمبر - 19:03

أحمد
تلميذ في الصف الثالث الابتدائي
يقوم من النوم
علي الشنطة جري
علي المدرسة
يقعد علي الدكة بتاعتة وسط صحابة الاربعين في الفصل
الجو حر او برد
مش فاهم حاجة
كل دماغة في الكورة
يخرج جري علي البيت
ياكل و جري علي الدرس
يتضرب لانة مش مذاكر
يرجع البيت جري عشان يلحق ينام
عشان بكرة عندة مدرسة




و تلف الايام و تدور
و بكرة يجي علية الدور





أحمد
طالب جامعي
يقوم من النوم براحته
مهو سهران طول الليل قدام النت
يلبس و يتشيك مهو رايح الجامعة
و ما ادراك ما الجامعة
ينزل جري يدور علي التاكسي
اصلة اتاخر علي ميعاد ..... المحاضرة
يرجع علي الغدا
رنة علي التلفون
الشلة علي الكافية
ينزل جري عشان يلحقهم قبل ما .... يقوموا
يرجع البيت طالع عينة من كتر ... المذاكرة
ينام
لا طبعا لسة عندة مذاكرة .... علي النت



و تلف الايام و تدور
و بكرة يجي علية الدور



أحمد
موظف في الحكومة
يصحي يدوب جري يخطف اي حاجة ياكلها
ينزل جري عشان يلحق الاتوبيس
و دايما بيوصل متاخر
و يجري ورا الاتوبيس حوالي نص كيلو
رغم كدة عندة كرش ... ازاي معرفش
يجري علي سلالم المصلحة
اصلة اتاخر علي .... شغلة
بين شرب الشاي و الجرايد و فوت علينا بكرة
بسرعة خلص شغلة
جري علي بتاع البطيخ
مهو اي موظف مينفعش يدخل بيتة الا ببطيخة
جواز مرور للبيت
ضمان يسكت بيه جهاز الستيريو اللي في البيت
جري علي الغدا
قبل ما يخلص
جري علي السرير
قبل ما يحتل
جري علي القهوة
قبل ما حد غيرة يحجز الكرسي الموقر بتاعة
جري علي البيت قبل ما الشبشب يجهز





و تلف الايام و تدور
و بكرة يجي علية الدور




جري أحمد الابتدائي حصل أحمد اللي في الجامعة
جري أحمد اللي في الجامعة حصل أحمد الموظف
جري أحمد الموظف حصل كل اللي سبقوة
في مكان معدتش فية جري

و الغريب انو مفيش ولا احمد وقف و قال انا بجري لية
مين اللي بيجري ورايا
دايرة مقفولة
ساقية و بنلف فيها




تصور وسط الجري دة
يوم الصبح كالعادة
طلعت الشمس من الغرب بدل الشرق
تفتكر اي احمد من دول هياخد بالة منها
ازاي
دة عمرة اساسا ما بص ليها


مش فارقة معاها الدنيا شتا ولا حر
دفا ولا برد
نهار و لا ليل
طوبة ولا امشير
مهو علي الجري متعود
حتي لو قطعوله رجليه





كل يوم تسمع احنا في زمن السرعة
ملعونة السرعة اللي بالشكل دة
ملعونة السرعة اللي بتاخد عمرنا من غير ما نحس بية
و لا من غير ما نعمل حاجة فية
مش عاوزها السرعة دي
عاوز ابقي في عصر الديناصورات
بس استفيد من حياتي
اعمل حاجة لاخرتي
بدل ما اقعد اجري
مش عارف بجري من اية ولا ورا اية




ااقف انت
و سيب اللي يجري يجري
فكركويس
جهز نفسك
بص حوليك
و بعدين ابدا امشي
صدقني هتحصل اللي بيجري و تسبقة كمان
وفي الاخر بدل ما تقول
بنلف في دواير .. و الدنيا تلف بينا
هتقول
الله
قد اية حلوة الحياة

اعمل لدنياك كأنك تعيش أبدا
وأعمل لاخرتك كأنك تموت غدا




█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
إرسال مساهمة في موضوع
اعلانات مشابهة