KW

افتح شبابيك الهوى جيتك اليوم بحساس من زود الوله عده ايطير

619
معلن جديد
معلن جديد
ذكر
الجنسية :
عدد المشاركات عدد المشاركات : 677
تقييم المشترين تقييم المشترين : 3
العمر العمر : 16
معاينة صفحة البيانات الشخصي للعضو

في الأربعاء 2 فبراير - 3:10


افتح شبابيك الهوى جيتك اليوم
بحساس من زود الوله عده ايطير


جيتك مثل طفلن له ايام محروم
عن حضن امه بعدته المقادير


وجيتك مثل عودن له ايام مهموم
وده يلاقي باخر الوقت تقدير


وجيتك حضن عاشق وهايم ومغروم
وده يضمك لين تصبح على خير


متى تحس ان الهوى شي مقسوم
من قسمة الخالق على خلقه يصير


ومتى تحس اني لك اطيح واقوم
واتعب على شانك واقدرك وآغير


لي في هواك احلام وامال وعلوم
واحزاب واصحاب وقصيد وجماهير


وهموم وافكار وهواجيس وحلوم
وادروب واخطار وعذاب ومشاوير


وحب وغلا واخلاص ومعاند ولوم
واحساس والهام وشعور وتفاكير


وصحبة سهر ومقاطعة لذة النوم
واشواق جياشه وعشق وتعابير


في ذمتك مابان لك شي مكتوم
من بعد ماصورت الاوضاع تصوير


لاتحسب انك شي عابر ومعدوم


وتاريخ حبك فاق كل الاساطير


في كل شي اتخيلك واسمعك دوم
واتأملك في الوقت الأول ولآخير


من ماضي الأيام ليومك اليوم
وغلاك عندي ماحصل فيه تغيير


وانا لك الله مأقبل البيع والسوم
ولا ارضى علي ولاعليك المخاسير


لاْني الوحيد اللي على بحرك يعوم
واللي عرف مرساه في رحلة السير


لحظه حبيبي قبل يسبقني النوم
بضم صدرك لين تصبح على خير



dream girl
معلن جديد
معلن جديد
انثى
الجنسية :
عدد المشاركات عدد المشاركات : 805
تقييم المشترين تقييم المشترين : 12
العمر العمر : 30
واتساب واتساب : 0
معاينة صفحة البيانات الشخصي للعضو

في الثلاثاء 8 فبراير - 3:13

جميل جدا يا 619

شكرا لك على الشعر الحلو ده


إرسال مساهمة في موضوع
اعلانات مشابهة