KW

مشكلة عدم تاثر الجسم بالمكملات

عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الإثنين 26 مارس - 1:19

مشكلة عدم تاثر الجسم بالمكملات


الموضوع الجديد الناس الي خدت مكملات وجسمها مجبش او محستش بأي تغيير


بمعنى ان الواحد حاول يتخلص من النحاافه مثلا وجرب يااخد مكمل غذائي وقعد فتره يخده بس المكمل معملش اي حاجه معااه او هوه محسش بأي تغيير في جسمه بمعنى اصح كأنه مخدش حاجه اصلا!!!


طبعا الموضوع ده بيتعب ناس كتير اوي اوي بتعااني منه بس احنا هنتكلم في الموضوع ده بالظبط بنفس الطريقه الي بنتكلم في باقي الموضوع وربنا يوفقنا للصواب يارب اامين

اولا موضوع عدم استجاابة الجسم للمكمل او للتغذيه عمتا مع رياضة كمال الاجسام عباره عن سلسله مكونه من 4 حلقاات:


1- قابلية الجسم للمكمل او التغذيه (وجود ضعف وراثي او مرض يمنع الجسم من الاستفاده بالمكمل)
2- الراحه (النوم بمعنى اصح)
3-المجهود المبذول في التمرين
4- التأكد من انا المكمل اصلي بنسبة %100


ممكن نسمي الموضوع ده بالحلقه المفقوده !!!!


الاربع حلقات دول مينفعش خاالص يكون منهم اي حلقه مفقوده خالص الا مش هيستفاد الجدسم ومش هنلاقي النتيجه الي احنا عوزنها " هنتكلم علي كل نقطة بأيجاز علي شان نوضح بالظبط احنا ناقصنا ايه وكل واحد يدور علي الحلقه المفقوده عنده!

1- موضوع عدم استجاابةه الجسم للمكمل بسبب وراثي يعني الشخص ملهوش اي زنب فيه وديه بتبقه مشكله رخمه بصرااحه جدا جدا لانك انته ممكن تروح تكشف وتعمل تحاليل وتاخد فيتامينات وحجات كتير كتير وبرده متجبش نتيجه ويقولك الدكتور انته معندكش حاجه وواحد تاني يقولك انته ممكن يكون عندك مشكله في معدتك (فطريات او ديدان ) والحجات ديه بتاكل الاكل ومش عارف ايه وانته لا حول الله عمال تجرب ومش عارف تعمل ايه وفي الاخر تيأس ومتعرفش تعمل ايه وطبعا يز ما اتعودنا هنحط بعض الاقتراحات للموضوع ده في الاخر وعن تجاارب وان شاء الله تجيب نتيجه مع النااس

2-الرااحه : ناس كتير خدت مكملات وبحكم شغلهم او الدراسه او السفر بيبقه عدد ساعات نومها بسيط او مثلا بيشتغل باليل

وينام بالنهار وديه مشكله كبيره جدا ممكن الناس متخدش بالها منها وانا هقولكم علي تجربه بسيطه اوي تخص الموضوع ده ومش بعيده اخويه (انا اخواتي 3 واحد في السعوديه مدرب في نادي كبير هناك وواحد هنا مش هطول عليكم اخويه الي هنا ده كان والدي جايبلنا المايوبليكس احنا الاتنين مع بعض وكنا بنتمرن مع بعض بس هوه كان بييجي من التمرين الساعه 11 ويروح الشغل ييجي الساعه 9 الصبح واستمرينا نتمرن انا وهوه مع بعض وانا ما شاء الله المكمل اشتغل معايه وبدأت اظبط يوم بعد يوم وهوه لا حول الله بدأ اللموضوع يعكس معاه خالص وجسمه يظبط شويه وينزل وبعدين بدا انه يحصله ارهاق وجسمه نزل جاامدد جدا اقل ما كان عليه وزهق ومباقاش يتمرن وانا خدت باقي المكمل بتاعه وخدته ليه ههههههه بستغل الموقف علي طول) بس حبيت اوضح بمثال مشكلة الراحه ايه وبرده هنحاول اننا نحط ليه شوية حلول في الاخر والله المستعان

3-المجهود المبذول في التمرين : وديه من المشااكل الي بتحصل للاعبين كتير اوي داخل الصالات ازاي بقه:
المكمل لمه بتخده في مكملات بتدي بور عالي بتخليك ممكن تتمرن اكتر ما انته بتتمرن في عدد التمارين بالزات وبتحس انك ممكن تزود اوزان بمعدل اعلى من وانته مش واخد المكمل وده بسبب البور العالي الي بيديه المكمل نفسه فالناس بتنسى نفسها وببتمرن كتير اوي وتخش تمارين زياده ويضيع كل البور الي عنده ويطلع الفيده الي المكمل كلها ويفقد كل المجهود في التمرين وهوه فاكر انه كل ما يتمرن اكتر مع المكمل هيجيب بسرعه وييجي يلاقي نفسه بينزل مش بيزيد ويده بتبقه مشكله رخمه جدا ممكن ما نخدش بالنا منها لانها مش محسوسه اوي وان شاء الله ليها حل بازن الله في الاخر والله المستعان

4-التأكد من صلاحية المكمل وانه مش مضروب(متصنع تحت بير السلم يعني من الاخر)
طبعا يده حاجه مش محتاجه كلام خاالص وطبعا هنا مصر ام الدنيا والسلالم هنا كتير جدا والمكملات بتتعمل بكل سهوله(لبن نيدو + سيرلاك+سكر مطحون +الوان صناعيه +ههههه طعم الشيكولاته ) واشرب يامعلم وانته تاخد المكمل من هنا وتقعد واااااااااااااااء واااااااااااء بدل ما الجسم يزيد السريلاك يشتغل هههههههههههههههه طبعا لا تعليق والكل عارف ان هنا في مصر بالزات الخير كله والشعب الطيب طيب فعلا!!
اما بالنسبه لموضوع المكملات المصنعه في مصر انا مش مقتنع بيها خالص خالص يقولك ماس ميكر مصنع بمعرفة وزارة الصحه انا من وجهة نظري انا ااسف انا مشترهوش ولو ببلاش طبعا كل واحد حر في رأيه !!

طبعا ديه الاربع حلقات والي لاااازم تكون كامله علي شان السلسله تكمل ويبدا الجسم فعلا يستفاد وهنتكلم عن حلول كل حلقه بازن الله والله المستعان :

اول حاجه موضوع الحاله الوراثيه ديه بالزات في موضوع النحافه ديه ملهاش الا علاج واحد هوه انك تتعرض علي دكتور
فاااااااااااااااهم وعارف بالامراض الواراثيه يكون عنده خبره بالموضوع ده بالزات(يعني دكتور نحافه وسمنه كويس ) تقله

مثلا يادكتور انا عندي نحافه وراثيه لان مثلا عندي في العيله والدي مثلا نحيف او كان نحيف وهوه في سني كده وتوضحله

ان فيه حالات وراثيه في العيله عنددها نفس المشكله وتسهل عليه المضووع هيديلك العلاج المناسب للموضوع ده وتبقه خلصت منه ان شاء الله وفي نفس الوقت تقول للدكتور انك هتاخد مكمل غذائي هوه يحددهولك بالنسبه لحالتك يعني انته لو عندك نقص احماض امينيه يحددلك المكمل الي بيزود الاحماض بروتينات يوصفلك المكمل وهكزاا وان شاء الله الحل ده هوه افضل حل للموضوع ده وان شاء الله يخلص بسرعه بأزن الله


تاني حاجه الراااحه والموضوع ده مشكلته ان المعروف ان عدد ساعات النوم الي الواحد بينامها بالليل صعب جدا جدا ان الجسم يقدر يعوضها بالنهار حتا لو نام النهار كله 8 ساعات باليل افضل من 12 بالنهار وديه من الناحيه العلميه وده كلام ميختلفش عليه 2 وبالنسبه لحل المشكله ديه هيه صعبه شويه بس ده اقتراح انك تحاول تظبط من ميعاد شغلك لو يمكن طبعا ناس كتيييير اوي هتقولي ياكوتش احنا مش هينفع خالص اننا نغير من يعاد الشغل هنعمل ايه هقولك حاول انك تتمرن عادي بس متبزلش مجهود كتير في التمرين يعني متحولش تجهد نفسك وحاول انك ترتااح علي قد ما تقدر وتاخد فتره نومكوتدي الجسم حقه في عدد ساعات النوم وتبعد عن اي حاجه زي المنبهات ايل ممكن تسهرك علي شان ديه بتهد كل الي انته بتعمله وان شاء الله تجيب نتيجه معاك

تالت حاجه المجهود المبذول في التمرين لازم لازم لازم تاخد بالك كويس اوي لعبة الحديد مش كل ما تلعب كتير جسمك هيزيد بسرعه لا خد بالك من الموضوع ده حاول انك تلعب الي هيفيدك بس يعني التمارين الاساسيه ليك بس ممكن انك تغير التمارين بس بمعدل 6 تمارين متحولش انك تزود الدخلات يعني هتلعب مثلا ظهر مجموعه مكونه من 6 تمارين او 7 بس متحولش تزود العبهم صح وبتركيز ومتحولش انك تفتري علي نفسك في التمرين خد بالك من النقطه يده وحاول تتفاداها وان شاء الله سهل انك تخلص منها


وااخر حاجه انك تاخد بالك من ان المكمل سليم واصلي %100 وديه مينفعش الا لمه يكون معاك واحد خبير في موضوع المكملات ديه يعني عارف اماكنها وازاي يعرف انها مش مضرروبه وجودتها يشوف الاستيكر الي على العلبه ويتاكد يعني من الاخر يكون واحد قديم وخبره جمده جدا في الموضوع ده ويكون محل ثقه ليك انته تثق فيه انه يجبلك المكمل ده لان شنباات كتير اوي اوي بيضحك عليهم بالزات في حكاية المكملات ديه وربنا يبعد عناا الوحش ياارب

وفي الاخر متنسااش المكمل الغذاائي مش هيشتغل لوحده من غير تغذيه لازم التغذيه تكون سليمه

يعني لازم تهتم بالعصااير والفواكه والنشوياات تكتر منها علي قد ما تقدر(بقول للمره المليون البطاااطس)

يعني تهتم بالتغذيه السليمه وتحاول انك تكمل السلسله ومتفقدش اي حلقه فيها مع المكمل والتمرين الكويس اقسم بالله هتتحسن جدا جدا وده مش كلام ديه تجابر ناس وابطال كتير وربنا يوفق الجميع
عارف اني طولت ورخمت بس والله انا بحب الناس ديه جدا ونفسي اني اوصل لناس كلها المعلومات بمنتهى البصاطه والرصااحه وربنا يوفق الجميع




█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
إرسال مساهمة في موضوع
اعلانات مشابهة