KW

مسجات ليبية

نور الله
معلن جديد
معلن جديد
انثى
الجنسية :
عدد المشاركات عدد المشاركات : 34
تقييم المشترين تقييم المشترين : 0
معاينة صفحة البيانات الشخصي للعضو

في الخميس 25 فبراير - 22:09


مسجات ليبية ... أتمنى ان تعجبكم

بعاد عزاز وديمة عليكم خاطري هدراز ... لو كان تندروا .
-----------------------
القلب عندك والعيون مشولك ومازال سلك الروح نبعتهولك .
-----------------------
نهيت خاطري ماباش ينسى ريده وكل يوم جايبلي أحلام جديدة
نهيت خاطري حلف قال ماننسى سريب الغالي
هو رفقتي وهو علي غالي غالي غالي
-----------------------
غلاكم ما عنده ميزان يفيض حنان يخلي اللي فارغ مليان
-----------------------
ليش ادسي في غياب العزيز تحسي ... نا عارفك ياعين
-----------------------
يابعيد الطاري حتى وإنت زولك ع النظر متواري .. مازلت تخطر
-----------------------
وين ما الليل يجيها تسيل فاقدة غالي عزيز عليها ... العين باكية
-----------------------
وين ماتغيبوا مدة حال غايتي ناخد نفس مانرده لين ترجعوا
-----------------------
وإنت مانك فيها ... تغيب الطعمة ياالعزيز عليها ... لوريت دنيتي
-----------------------
أوقات يزهى خاطري ويروق وأوقات في غيم ورعد وبروق
وأوقات نزهى ساعة وأوقات حزني يجتمع بأنواعه
وأوقات فيها تخونني الشجاعة وسيل دمعتي ع الخد دار شقوق
-----------------------
الجرح من الاحباب واعر طبه ولكن جروح الكارهين شفاه
والجرح من واحد عزيز تحبه يطول وماينفع معاه دوا
والعبد مايقدر يعاند ربه هاللي خلق كل العبيد سوا
واللي تشكره يصعب عليك تسبه واللي يكرهك يمنع عليك دواه
-----------------------
خارج نطاق التغطية ياسادة عزيز باعني مارن في ميعاده
ليش رخاني وخارج نطاق التغطية خلاني
نقول نتركه يعاود حنيني ثاني نلقاه منشغل ويفوتني كالعادة
-----------------------
لوكان مانك غالي لاندورك ولانحسبك في بالي ولو كان مانك زين
ولوكان مانك من عرب زينين ولو كان مانك خير من الأخرين
ماكانت عيوني بالدموع تعاني وماني على شانك اليوم حزين وضايق
ملاجي نين هذا حالي ....
-----------------------
سلامك وصلنا يانظيف النية قبلناه منك يابعيد الدار
سلامي عليك وجملتك جميلة على قد مافي الأرض من نوار
وعلى قد ماهبن أرياح عشية وعلى قد مارفرف الطير وطار
-----------------------
عم ياجميل الوصف والتوصيف ليك دايرين أسحار وتقاطعني
وإلا سحابة عابرة في صيف وعين من معيان فيك فجعني
-----------------------
***((لأي شاب بنت دارت روحها غالطة في الرقم وبتفتح راس موضوع))***
((( سامحونا يابناويت مش الكل طبعا)))
مانك اللي غلطانة حسك رقيق وشفرتك ليبيانا
ليش طالبة رنة مع تسكيرة
عادة قديمة ماتفيد بصيره
وخليك رزينة من بنات الخيرة
لايخيب طبعها ولاتجي ندمانة
-----------------------
مافي مرض غير فقد الرفاقة اللي في الملاقة كيف العسل في الريق ساعة مذاقه .
-----------------------
ويش السبب ماقابلاتك عيني , مشغول وإلا بالزعل ناسيني .
وين ديارك ؟ غيابك شغلني ماسمعت أخبارك!!
من قبل عندي كاثرات أعذارك ونجاملك ونقول بكرة يجيني
غير اسمعني !!
مجروح منك خاطري واجعني شاريك وإنت للجفا بايعني
ونا قبل ديمة حاسبك خاويني
عيبة منك ..!؟
ادير السوايا كيف ما يواتنك حاجة غريبة ياعزيزي كنك
مشتاااااااااق غير أمته تشوفك عيني

زهرة الرافدين
معلن جديد
معلن جديد
انثى
الجنسية :
عدد المشاركات عدد المشاركات : 2
تقييم المشترين تقييم المشترين : 0
معاينة صفحة البيانات الشخصي للعضو

في الجمعة 26 فبراير - 18:22

شكررررررررررررررررررررررررررررراااااااا
the hardy boys
معلن جديد
معلن جديد
ذكر
الجنسية :
عدد المشاركات عدد المشاركات : 331
تقييم المشترين تقييم المشترين : -3
العمر العمر : 31
معاينة صفحة البيانات الشخصي للعضو

في السبت 27 فبراير - 19:01

شكررررررررررررررررررررررررررررررررررررأ
إرسال مساهمة في موضوع
اعلانات مشابهة