KW

قصة سعودية رومانسية [ أسئلك باللي خلق قلبك اكرهني ]

عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 16 أبريل - 0:02

أنقل لكم قصه رومانسيه سعوديه من كاتبتها ( رحيق العفة )


( أسئلك باللي خلق قلبك اكرهني )


أتمنى أن ترقى لأذواقكم ..


واقتراح أن يتم تنزيل القصة
على أجزاء كل 3 أيام ..


اما الآن سوف يتم تنزيل الفصل الأول ..



اتمنى لكم طيب المتابعة




█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 16 أبريل - 0:03

- الفصل الأول -


ناصر:يلا يلا تأخرنا بتول وينك تراك اخريتنا مره ماصارت كل هذا لبس الحفله لك ولا لهم اخلصي علينا .


بتول :يوووووه وشفيك ناصر تراك ازعجتنا لازم اكشخ مو بانا بنت سلمان ؟؟؟؟

ناصر : اخلصي اخلصي امي وابوي ينتظرونك تحت .!!

بتول : امي وابوي اللي ينتظرون ولا انت اللي منت قادر تصبر كم دقيقة .. على العموم ترى نوف ماهي بطايره ..ههههههههه

ناصر : الشرهه مو عليك على اللي واقف قدامك ومضيع وقته ..


نزل ناصر الصالة لقى امه وابوه ابو سالم ينتظرون سعد وفارس وبتول ينزلون ..

سالم 22 سنه ،، ناصر 20 سنه ،، فارس 19 سنة ،، بتول 18 سنة ،، سعد 10 سنوات


ام سالم : اقول سالم وينه ما اشوفه ؟؟

فارس وهو يتبخر : يمه سالم عجزت فيه من الصبح نقومه وماهو راضي يقوم يقول ابغى انام تعبان

ابو سالم : ينام ؟؟؟ سعد روحله وانا ابوك وقوله ابوي يبيك تحت ..

//



الجد
سامي قرر ان الحفله ما تصير الا في بيته بيت العايله الكبير والحفله
لحفيداته ( ألماس والتوأم الهنوف والعنود ) بمناسبة تخرجهم من المدرسة


ومثل ماهو معروف عنه انه يحب البنات اكثر من الشباب وعشان كذا مدلعهم آخر دلع وهذي عادة البطرانين


//

في بيت راشد الابن الكبير لرجل الاعمال سامي السامي كان الجو ازعاج مره ألماس دوختهم بصياحها
الماس بصوت عالي : ريتا وين جزمتي السلفر ،، راما وين فستاني اخلصي جيبيه بسرعه ماصارت .. افففففففففف

راشد ابو خالد : يابنيتي صوتك عالي ليه معصبه واليوم حفلتك روقي وانا ابوك ترا السالفه ما تستاهل !!

نايف : خلها يبه خلها ، هذي اذا ما عصبت يمكن تموت

الماس : نايف اطلع منها ترا ماني فايقتلك

نايف : طيب يا مدام الماس مو وقت هبالك ،، تراك اخرتينا اللي يسمعك يقول انه عرسك مو حفلة تخرجك !!


الماس : اسمعني يا نويف ترا أبـ...

ابو خالد معصب : خلاص يا عيال الوقت راح بهواشكم انا طالع للسياره وباخذ معي امكم حمودي


نوف وهي طالعه من الغرفة وبيدها عباتها : لا لا يبه انا جاهزه خذني معك ،، اذا انتظرت نايف والماس ماني بخالصه

ابو خالد : يلا اجل انا تحت

الماس وهي تطالع نايف بنص عين : افففف آخرتي بروح معك
الله يعيني عليك

نايف وهو يحط رجل على رجل : اقول بلا حكي فاضي ترا مالك الا انا ههههههه


،،

/


ابو خالد (راشد ) زوجته شريفه

خالد 28 سنة متزوج من برا العايله وهالشي امه وابوه ماهم راضين عنه بس مشوها عشان عين
خالد وعنده ولد وبنت فيصل وريتاج


وعايش مع ابوه فبيت واحد لكن بجناح معزول خاص فيه

:

نايف 24 سنه توه متخرج من كلية الهندسه

نوف 20 سنه هاديه و عقلها يوزن بلد و اكثر ما يميزها جمالها وغاليه مره عند جدها سامي لو تطلب النجوم جابهم لها

ألماس 17 سنه خريجه لسانها طويل بس قلبها طيب مره وحساسه على اصغر الاشياء

محمد آخر العنقود 11 سنه دلوع الماما والبابا



//


طبعا آخر من يوصل للعزايم والاعراس هو بيت ابو دانه لأنه أبو البنات واذا انتهت وحده تبقى الثانيه
ما جهزت وهذي حالتهم

فواز زوجته عبير اللي ما ينادونهم الا بـ أم البنات او ابو البنات وهذا الشي اللي


مضيق صدر ابو دانه كان يتمنى ان الله يعطيه ولد يرفع فيه راسه ويسكت الناس .. والريم ماصدقت خبر


صارت الشنب الثاني بعد ابوها

دانه 22 سنه بنت لعوب آخر همها سمعت اهلها في الحقيقه هي مابـ نيتها

تزعجهم او تجيب الكلام لهم لانها احيانا تكون طيبه زياده عن اللزوم لكن افعالها تشهد لها بهالشي ..

وهي مخطوبه لولد عمها نايف اللي ما بينهم اي علاقة حب بالعكس علاقة مصلحة بين عايلتين حاولو بكل الطرق يربطونهم في بعض


وللاسف محد متضرر من هذا كله الا نايف اللي داس على حياته عشان بس يرضي امه وابوه .. وكان يحاول

دايما يرضي دانه ويقدم لها اللي تبيه قبل لا تطلبه لكن هي ما تشوفه شي .. فقرر انه يعاملها عادي مثل
ما تعامله .... مصلحه وبس ..


نجود 19 سنه صديقة نوف الروح بالروح ما يفترقون الا ساعة النوم فيهم من صفات بعض كثير وخاصة

بالشكل جمالهم واحد ودايما يقولون الناس انهم خوات مو بنات عم وهالشي كان يفرحهم ..

نجود عكس اختها دانه دايما تنصحها وتذكرها بمركز ابوها وجدها وان اي غلطة ماراح تكون في
صالحهم وراح يدفعون ثمنها كلهم


الهنوف + العنود توأم العايله 17 سنه يتبعون الماس بكل شي تعمله يقلدونها في اللبس وحتى في
التخصص اللي ناويه تدخله الماس وهم صديقات مررره لدرجة انهم ما يعرفون احد ولا يتقربون لاحد
من صديقاتهم هم وبس


الريم آخر العنقود 16سنه تكره قعدات البنات تجيها حساسية اذا شافتهم بس 24 ساعه مع عيال
عمها وعيال عمتها تحب قعدتهم وسوالفهم يمكن لانها ما تحس بأنوثتها الا اذ قعدت معهم ..

والعيال عاجبتهم السالفه لان ما يجيبلهم أخبار البنات الا هي ..







█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 16 أبريل - 0:03



في بيت الجد :
العايلة كلها متجمعه حسب رغبة الجد سوالف وضحك ووناسه لاخر حد .

ام سالم وام دانة وام خالد ومرة خالد (نورة) والجده سلمى .سوالف وحش وفلانه تطلقت وفلانه
تزوجت وكل وحده تقول بنتي احسن بنت وفشخرة ع الفاضي

والبنات يسمعونهم ويضحكون .


هناك نوف ونجود فرحانات ان عيون الشباب عليهم وما خلو من الاتيكيت والابتسامات الحلوة شي.

أما بتول قاعده مع المراهقات( العنود + الهنوف + الماس )اللي ازعجوها بسوالفهم المليقه
واعجابهم بفلان وعلان واهو ما درى عنهم.


ومن زاوية ثانية في البيت ..


الريم متوسطة القعده اللي كلها شباب (سالم+ نايف + ناصر+ فارس )


/:


خالد : أقول يبه سامي وراك ما قمت تزورنا وتطل علينا بالشركه زي دايم ؟

سامي : والله يا بو فيصل الحال ما عاد زي اول الحين كبرت ومالي قدره البركة فيكم

خالد : الله يخليك لنا ويطول لنا بعمرك

ابو سالم : آمين أصلا حنا بدون هالوحش ما نقدر نحرك شي خبرته تكفينا كلنا و نورثها لعيالنا من
بعدنا جدك يا خالد مدرسة ما شاءالله

فواز ابو دانه : اي والله ياخوي انك صادق هالحلال كله ما جا بين يوم وليله جا من تعب وكد الله يبارك فيه



سامي : الله يسلمكم ويطرح فيكم البركة ،، بناتي وينهم ما سلمو علي ؟؟ ماعادو يجون مثل اول لازم

اناديهم واحرجهم عشان يسلمون "؟؟ والا اقوم انا لهم عشان اسلم عليهم ؟؟


راشد ابو خالد : أفا لا يبه خلك هم يجون بس تلقاهم منشغلات في حفلتهم الحين اناديهم لك

راشد : يا الماس المااااااااااااااس ؟؟

الماس بصوت ناعم زياده عن اللزوم : هلا يبه


راشد : افا يا بنيتي ابوي زعلان عليكم هو ليه ما جيتو تسلمون عليه ها ؟؟ علامكم اليوم ؟؟؟ نادي
بنات عمك وعمتك وتعالو ترا مافيه الا خالد ..


الماس ركضت من الخرعه عند البنات وبصوت عالي : الله ياخذ هالوجيه علامكم نسيتو جدي
ونسيتوني معكم ياويلكم

دانه : افففففففف استلمو الحين الكلام والمحاضرات و الخطب


نجود ونوف وهم يقومون بسرعه : يلا يلا يا بنات امشو نسلم وان شاءالله ما تكرر ،، كله منكم
اخذتونا بهالحفله ونسينا جدي

الهنوف والعنود : يلا يلا



//



الصاله اللي فيها سامي وعياله قبلها في صاله للشباب لازم يمرون عليها البنات

البنات وهم يمشون بغرور ومياعه ويعملون نفسهم ماهم منتبهين لوجود الشباب

الشباب من سمعو اصوات الكعب سكتو ووجهو عيونهم لمكان واحد

دخلو البنات من قدامهم بهدوء

وبعدها دخلو على الجد وسلمو عليه بوجود خالد اللي يعتبر بمثابة اخوهم لانه اكبر احفاد سامي السامي


دانه : مرحبا


نجود والبنات : السلام عليكم

وراحو وباسو راس جدهم وقعدو شوي عنده لانهم ما يحبو جلست الكبار يطفشون بسرعه

وقبل ما يطلعون راحت نوف عند جدها وقعدت بجنبه وقالت :

جدي حبيبي ابغى اطلب منك طلب

سامي : انتي ما تطلبي يا نوفه انتي تامري وانا جدك

<< سمع اسمها ناصر وفز قلبه و ابتسم ابتسامه خبيثه وقام

ووقف بنص الصاله يبغى يشوف نوف تكمل كلامها لما تشوفه والا لا ؟؟

نوف وهي مستحيه : تسلم والله يا جدي هذا العشم

وتكمل كلامها وهي ما انتبهت لناصر : جدي دامنا فيها وشرايك

نطلع حنا البنات والله صار لنا اسبوع ما طلعنا


جدها : والله يا نوفه ما ودي اردك بس الوقت ماكنه متأخر ؟

ابو خالد : نوف !! الله يهداك يا بنيتي ابوي ماله الا انتي وطلعاتك ؟ ماهو بوقتك ماهي عاجبتك هالجمعه

نوف رفعت راسها وشافت ناصر قدامها وماسك ضحكته : انحرجت مررره وقالت لابوها يعني مو
مهتمه : لا يبه بالعكس وش احلى من هالجمعه بس البنات وكلوني وطلبو مني اوصل هالكلام لجدي
و و و وبس


ناصر وسع ضحكته وقال : وكلوني ؟؟ يا كبرها يا بنت عمي هههههه

نوف : وش اللي يضحك ؟؟ ما عطوك في المدرسه معنى كلمة وكلوني ؟؟ ولا يهمك انا اقولك : يعني
حملوني المسؤوليه نوف وهي تلف وجهها وبصوت واطي: وعساك تفهم يا ناصر


ناصر تنحنح وجلس بجنب خالد ووجه صار يعطي الوان اول مره ترد عليه نوف اللي يخبره انها دايم
تستحي .. بس الايه شكلها انقلبت\



جدها :خلاص خلاص اجهزو ولا يهمك كم نوف عندي !!

ناصر عشان يرد اعتباره : من جدك يا ابو راشد ؟ فيه بنات يطلعون بهالوقت ؟؟ يا جدي الحين تلقى
المجمعات مليانه من هالشباب التافه ولف لنوف وغمزلها


نوف وهي متنرفزه ،، بس من برا ولا كأن فيه احد يتكلم :

لفت لجدها : ايه يا جدي وش صفيتو عليه !!

جدها : اقول يا ناصر دامك طاق الصدر رح ودهم


ناصر بصدمه : لا لا يا جدي انا مواصل صارلي يومين واصل للآخر ادور الفراش لا تكفى يا جدي اعفيني ?

سلمان ابو سالم : افا يا ناصر تقول لجدك لا ؟ عيب وانا ابوك


ناصر وهو عيونه بتطلع من العصبيه : ابشر يا جدي بوديهم وامري لله

وهو طالع قرب عند نوف وقال بصوت واطي : وانتي حسابي معك بعدين


نوف : تسلملي يا جدي الله يخليك لنا ولا يحرمنا منك يا رب


جدها وهو فرحان : روحو وانبسطو واي شي تبونه خليه على ناصر وانا احاسبه بعدين

نوف باست راسه : ابشر فمان الله







█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 16 أبريل - 0:04

//


نوف وهي طالعه تبغى تبشر البنات اركضت بسررررررعه و طلع فوجهها ناصر

وقال :اوريك يانوييف والله ما انساها لك.

نوف : هههههههه عشان تعرف تسهر مع ...... والا خلني ساكته

ناصر انصدم : مع منو ؟؟؟ من تقصدين

نوف جت بتصعد السلم : شدراني ؟؟ اسأل نفسك وش مسهرك يومين ؟

ناصر : طيب يا نويييييييف اذكريها

نوف : لو سمحت اسمي نوفه الغاليه مو نويف افففففف متى بتعرف الذوق

ناصر وهو شوي ويشق ملابسه : انتي بتجنيني ؟؟ والله لو ما انك غاليه كان قتلتك

نوف استحت واصعدت لانها حست انها مصختها شوي

اول ما اصعدت الا البنات في استقبالها وقالتلهم شصار عند جدهم واستانسوا ان ناصر بيوديهم لانهم بيهبلو فيييييه



/


ناصر بصراخ : يلا ما صارت والله انكم عله

البنات بصوت واحد : ان شاءالله مستر ناصر ثواني ونكون عندك .

البنات لبسوا عباياتهم وشيالهم ونزلوا للسياره وضحكهم يسمعونه

جيران جيرانهم من صوتهم العالي


ركبوا كل البنات ورى يعني مستحين انهم يركبون قدام عند

ناصر .:seko:

لف ناصر عليهم وقال واهو معصب : انتو ما تستحوون شايفيني سواق عندكم كلكم راكبين ورى يلا بسرعه وحده تركب قدام ولا ترى مافي رووحه .

كلهم ما رضوا يركبون قدام عند ناصر

ناصر : بتول قومي لا والله لاقتلك ترا تلفون واحد لجدي تنزلون كلكم ترا النفس عليكم طيبه


نوف وبصوت متعمده يوصل لناصر : هذا اذا قدرت هههههههه


ناصر لف لورا : نويف اسكتي لا اخنقك


نوف كشفت عن وجهها وعطته وجه البراءه : الله يسامحك يا ولد عمي


ناصر فقلبه : لا لا يا نويف لا هالوجه بالذات مقدر اتحمله

ناصر : يا بنات الله يرضالي عليكم وحده تركب قدام والله مهي بحاله صوتي راح والكلام بالاول
والاخير لك يا بتول عيب تخلين اخوك كذا


بتول : نايف والله ماني براكبه أبقعد عند بنات عمي فديتهم


ناصر : طااااااااايب طاااااااااايب ما قصرتو على هالحركه بس والله لاوريكم

نوف نزلت بهدوء من البي أم دبليو : واركبت عند ناصر

ناصر استغرب الحركه وفرح بنفس الوقت : فديتك والله يا نويف محد حاس بناصر الا انتي


نوف : لا اتعب اعصابك وانا اختك هذولا يستاهلون بحر ،، بر مو تمشيه وتسوق نفس الناس ،،
يكبرون الموضوع هالبزارين ياليتني جالسه عند دانه

ناصر بصوت عالي : فديت الفاهمين يا ناس





>>> تدري وش اللي يفرقـك بين هالناس
يومـك ملكت القلب ولحـدٍ قـدر لـه


عدل شماغه بالمنظره ومشى


وطول الطريق عينه عليها وعين نوف على شوارع الرياض كل ما تطلع مع ناصر تحس انها اول مره تشوف الرياض !!


قبل ما ينزلو لمجمع الحياة مول :

نوف مصدومه : ناصر !!! وراك تسبحت بغرشة العطر الله يهداك ؟؟وش هالحركات القديمه ؟



البنات نزلو من السياره واتركوهم مالهم خلق سوالف الحبيبه

ناصر فرحان : اقول نويف وانتي وش دخلك ها ؟ انتي اللي شاريتها لي ؟ والا انتي زوجتي ؟؟ هي وحده منهم ؟؟


نوف وكأن أحد عطاها طراق : لا لا ان شاءالله ،، انا اقصد ان ريحت العطر مهيب حلوه هذي كل السالفه !!


ناصر : آهآ خبري انك شاريه وحده زيها لخالد اخوك !!

نوف : ها ؟ وانت شدراك ؟ بعدين انا كنت اشوف انها حلوه اول بس الحين لا ،، كرهتني فيها ،، ونزلت وسكرت الباب بقوه


ناصر الوناسه مو سايعته : هههههههه وانا حمار بروح ارقد ؟ العن ابو النوم فيه احد ينام وعنده هالقمر ؟
وراح يركض يبغى يلحق عليها



ناصر وهو يمشي ووراه 6 بنات كل وحده احلى واكشخ من الثانيه

يقول فقلبه : لحوووووول وش يفكني الحين من الشباب لو احد تحرش بوحده والله لاذبحه

نجود وهي ماسكه في يد نوف : نوفه حبيبتي والله ما كنت متوقعه نطلع بهالساعه ياااااي يا زين الحياه مول بهالوقت

الهنوف : الماس الماس شوفي ذاك يازينه

الماس : وع يا ذوقك يحوم الكبد ،، ولا واحد من اللي بالمول عجبني !!


العنود : بالعكس شوفي ابو غتره اللي هناك ابو سكسوكه والله انه خياااااااال ياليت الله يرزقني بواحد زيه آآه

بتول بصوت واطي : يامال اللي ماني بقايله صوتكم عالي كنكم اول مره تشوفون رياجيل انتم مشفح ؟؟

الماس : تكفين تبوله حياتي خذيني معك عن هالبزارين والله اوجعو راسي

الهنوف والعنود ماسكات يدين بعض : هين يا لمووووو حنا بزارين !!


.........

جلسو على طاولة ينتظرون الطلب

ناصر يتلفت على الشباب ومنقهر انه ما يقدر يخليهم يبعدون عيونهم عن اهله

ناصر شابك يدينه مع بعض : يلا يا بنات وش تبغون تعشون ؟ بسرعه ترا الزحمة كل مالها تزيد

نجود : ناصر تونا بسم الله !! على طول تبي تعشينا

نوف وكأنها زعلانه : لهالدرجه ضايق صدرك منا

ناصر : لا والله يا بنات بس اول مره ادخل الحياة مول وانا معي 6 بنات !!

نوف بلثامها : اها ،، يعني انت تجيه دايم بس بدون 6 بنات !! لا لا صراحه مالومك

ناصر : نوف ! شفيك ! انا اقصد مو حلوه يعني

نوف اي صح مايصير يشوفك حد ويزعل !!

ناصر : وش قصدك ؟ ترا من اول ما كنا في البيت وانتي تحكي كلام ماني فاهمه !

نوف : سلامتك يا ناصر ولا شي انا بأمشي مابي عشا

البنات كلهم : يووو يا نوف لا تخربينها عاد

نوف: انا ما خربت شي بس جد السالفه زادت عن حدها من اول ما طلعنا وهو ماله خلق يقعد معنا
ثانيه وحده ،، لو احد غيرنا كان قعد معه بالساعات لا والكشره ماليه وجهك

ناصر : نوف توك شزينك شفيك قلبتي ؟ لا تقوليني كلامن ما قلته ! مين هالناس اللي تقصدينهم ؟؟

نوف وهي معصبه : ولا شي ولا شي خلاص ما اقصد شي انسى يا ناصر

ناصر : طيب نتفاهم بعدين يلا يا بنات بآخذ لكم سفري والا اطلبو في البيت ترا ضاقت

البنات : اففففففففففففففففففف

نجود : خلاص يا ناصر هدي ،، نوفه ما تقصد والله ما تقصد

نوف بصوت واطي : الا اقصد

ناصر : وش قلتي يا نوف ؟

نوف بخوف : ولا شي

نجود : يلا يا بنات بكره نطلع ان شاءالله ناصر ما نام وتعبان يلا وبدون صوت




█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 16 أبريل - 0:05

<tr valign="top"></tr>










يتبع الفصل الأول




ناصر بالسياره ورافع حاجبه ولا قال ولا كلمه والسياره هااااااديه مرررره ما ينسمع فيها الا صوت
همس البنات


نوف رجعت ورا وخلت الكرسي اللي بجنبه فاضي


وناصر ما علق على الموضوع


وقف الجيب قدام بيت ابو خالد ونزلت نوف والماس


و قدم شوي لبيت خاله الثاني اللي بجنبه ونزلت نجود والهنوف والعنود


بيت جدهم على يمينه بيت ابو خالد (راشد) وعلى يساره بيت ولده الثاني ابو دانه (فواز)


اما بيت ابو سالم نسيبهم اللي ماخذ اختهم العمه ساره بـحي ثاني قريب من عندهم



نزل ناصر ومعه اخته بتول للبيت


بتول وهي خايفه تمشي بسرعه تبغى تصعد بالاصنصير

ناصر : تبوله تعالي ابغى اكلمك

بتول : هلا


ناصر : نوف علامها اليوم ؟ من الحفله وهي كأنها شايله بقلبها علي

بتول : والله ياخوي اني ماادري بس نوف تعزك مره هذا اللي اعرفه

ناصر : عارف بس كنها سامعه شي !! ماهي طبيعيه اليوم

بتول : هي كل سوالفها مع نجود ، تبغاني ادق على نجود واعرف السالفه ؟

ناصر : لا انا اعرف بطريقتي نوف ما تحط فقلبها اعرفها ،، وانتي لا تجيبين لهم طاري

بتول : ابشر ،، تصبح على خير

ناصر : تلقين خير

-----------------------------
----------------------------





الساعه 10 الصباح في الرياض


فبيت متوسط الحال بحي اقل من عادي .. كانت منيرة قاعدة مع زوجها مبارك يتقهون بحوشهم
والسوالف خذتهم الى وقت اذان الظهر

مبارك ابو تركي : ياا تررررررررركي ياااااااا عبدالعزيز الصلاااااااااه يا عياااااااال



تركي وهو يرد كمومه ويزينها : مشينا مشينا


عبدالعزيز : يلا مشينا تفضلو


طلعو ثلاثتهم تاركين وراهم امهم منيره وخواتهم ساره والجوهره


ساره : يوووو يالجوهره قلت لك تكفين

الجوهره : والله عجزانه كم مره اقولك شغلك مالي علاقه فيه

ساره : والله انك نذله آآآآه بس لو امي تعرف تقرا وتكتب كان ساعدتني

الجوهره : والله ما اظن ،، شغلك انتي يسم الحال

ساره : الله يسامحك راح تخرجين من جامعتك وتوظفين وتلحقيني هذا وجهي ان ساعدتك يالخايسه

الجوهره : لانك اكبر مني ماراح ارد عليك بس على فكره انا اول ما اتخرج بتزوج ماني بقاعده عندكم

ساره : اي والله ياختي الله يوفقك وعساك ما تقعدين قعدتي هذي

الجوهره : يووووه يا ساره لا تقولين كذا كنك عجوز توك قمر اللي يسمعك ما يقول هذي عمرها 24 سنه

ساره بحزن : صديقاتي يا ساره كلهم تزوجو وعيلو ..

الجوهره : نصيب يا اختي ،، تبيني اعلمك ؟؟ انتي كبيره وعارفه ان الموضوع كله قسمة ونصيب وانتي رزقك بيجيك
تدرين شلون عطيني اساعدك


ساره : يا عمري يا ختي والله اني عارفه ان قلبك طيب

الجوهره : عساه ينفع بس ههههههه



/







تركي 30 سنه حالف ما يتزوج الا لما يزوج خواته وراح العمر وهو ما تزوج ونص حمل البيت فوق
راسه موظف بشركة عادية





ساره 24 سنه معلمة رياض اطفال ليلحين ماجاها نصيبها



عبدالعزيز 19 سنه يدرس في الكليه يبغى يتوظف بسرعه لانه محتاج المال



الجوهره 18 سنه اول سنه جامعه تهتم بجمالها وهو من اول اهتماماتها رغم بساطة العيش عندهم الا انها تعتبر من اجمل بنات الكليه


..


عايله بسيطه اكبر واهم اهتماماتها كيف تدخل الفرحه على افرادها
كل منهم قلبه على قلب الثاني
الزعل بينهم ما يطول اكثر من دقيقه






............






الجده سلمى جالسه فبيتها مع بنتها ساره (ام سالم)

سلمى : والله يا سويره ماودي اقعد فهالقصر لوحدي اطفش

ام سالم : يمه انا قايلتلك وش لك بهالتعب وهالمسؤوليه تعالي بيتي واذا احتجتي شي من هنا انا
اجيبك برسم الخدمه وارجعك

سلمى : والله انا قلت لابو راشد ( سامي) بس ماهو براضي يقول مافيه احسن من الواحد يجلس في بيته معزز مكرم

ام سالم : افا يمه يعني لما تكوني فبيت بنتك ما تعيشي معززه مكرمه ؟؟ وش هالكلام ؟ الله يسامحه
والله ان سلمان ( ابو سالم) يوم المنى عنده لما تشرفين عندنا

سلمى : انا تعودت يا سويره خلاص ان ضقت دقيت عليك والا على وحده من حريم العيال اهن بعد ما يقصرن

ام سالم وهي تعوج فمها : محد نفس بنتك لو وش يعملون

سلمى : لا حول ولا قوة الا بالله والله انا غلطت يوم علمتك عن اللي فصدري انتي وش فيك عليهن

والله ينحطن عالجرح يبرى قصي الحق من نفسك يا سويره

ام سالم : ايه الله يخليكم لبعض انا طالعه لبيتي ابشوف هالعيال يمكن محتاجين شي

سلمى
: فمان الله بس قبل لا تطلعين البسي شي استر من هذا حتى لو البيت بجنب
البيت لازم تلبسين عباتك انتي مره كبيره يمكن احد يمر يشوفك


ام سالم : لحول حتى فبيتنا ماحنا مرتاحين مع السلامه يمه

سلمى : الله يسلمك




//



في قصر ابو دانه



دانه بصوت خفيف : هلا عبدالله

عبدالله : هلا حياتي انتي وينك ما تباني ؟؟

دانه : انا اللي ما ابين والا انت اللي غاط ؟ ما ينعرف ارضك من سماك ؟

عبدالله : تعرفين يا دانو انا مشغول فشركة ابوي الله يرحمه

دانه : الا تعال انت من جدك بطران ؟ احساسي يقول انك منتف

عبدالله انقهر انها عرفت حقيقته قال بثقه : هههههههههههه انا عبدالله العبدالرحمن ما تعرفيني ؟؟
والله انتي غريبه يا بنت الناس َ!!

دانه : ما علينا ! انا ابغى آخذ شآور باي

عبدالله رد بسرعه : لحظه لحظه

دانه : وش بغيت ؟

عبدالله : ابغى اشوفك يا قلب قلبي زمان عنك

دانه : أممممم لما اطلع من الباث روم ارد عليك خلني افكر هههه

عبدالله بقلبه مالت عليك : اي حياتي بس لا تبطين

عبدالله هذا واحد من الشباب اللي اعرفتهم دانه ومرو في حياتها

تطلع من شاب وتدخل بواحد جديد وهذي حياتها .. تافهه خالية من التفكير بمستقبلها بجديه





//



الماس ماسكه جوالها : ردي ردي يا هبله افففففففففففف انا مادري ليه شاريلها الموبايل


نوف وهي تعدل بيجامتها : من هذي ؟ العنود والا الهنوف ؟


الماس اخت نوف : ضحكتيني ياختي انا اتصل بالهبزران ؟ انا اقصد تبوله محد فاهمني الا هي فديت قلبها


نوف : عاد بنات عمي فواز زي عمرك ،، وش له تروحين لتبوله ؟


الماس : الحمد لله والشكر الحين بيني وبينها سنه خليتيها مشكله ؟

انا انزل تحت عند ابوي واخواني احسن

نوف : فكه




















█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 16 أبريل - 0:05

::
في بيت العمه ساره ام سالم

سالم وهو يتمغط : آآآآه يا يمه احس اني نمت عن سنه كامله


ساره ام سالم : نوم العوافي يا عمري يله انا طالعه تبغى شي ؟؟


سالم : ليه وين يالغاليه ؟


ساره : ابروح مع خويتي ام نادر تبغى تجهز لبنتها بتعرس


سالم وهو يعدل جلسته : ها ؟ ناديه بتتزوج ؟ ياحليلها خابرها بزر


ساره : والبزر ما يكبر ؟؟ اذا قعدوا اخوانك من النوم خل الشغاله تحط لهم الغدا سلام











وفي الغرفه بتول تحاكي الماس بالجوال




بتول : هلا يا عمري وراك معصبه


الماس : من الصباح وانا اتصل فيك ليه ما تردين ؟؟ لو اني نجود والا نوف رديتي


بتول : والله كنت عند امي وابوي ،، وتو علمني سالم ان جوالي يدق


الماس : آهآ ، ، المهم ليه ما تجينا البيت والله مشتاقتلك يالخايسه البارحه ماجلسنا مع بعض


بتول : لا لا لا امي مو في البيت وسعودي عندي انتي تعالي


الماس : والله عجزانه البس واكشخ


بتول : شدعوه ترا بيت عمتك وش له الكشخه خابرينك يا لموووووو


الماس : والله مدري اشوف نوف وارد لك خبر


بتول : اي والله تكفين والله ضايقه مره ،، خليني اتصل بالخبلات ونجود اشوفهم يقدرون يجون والا لا


الماس : يلا باي











//







في بيت ابو تركي (مبارك)


عبدالعزيز 19 سنه : اقول يمه أبغى اسألك سؤال


الجوهره وهي تصبغ اضافرها : لحوووووول رجعنا لأسئلة النابغه الله يعينك عليه يمه


عبدالعزيز : والله جد سؤالي مره مهم اسمعي وانتي ساكته


الجوهره : يلا اتحفنا


ام تركي : هلا يمه وش بغيت تعرف


عبدالعزيز : ليه يمه جدي ما يبغى يشوفنا ،، وش عملنا له ؟ ذابحين أحد من عياله ؟


ام تركي تضايقت وتغير لونها : يمه عبدالعزيز وش قلنا حنا ،، ما سكرنا هالموضوع من زمان ؟؟؟ الله يهداك بس


عبدالعزيز : ألا يمه سكرناه بس لما اشوف فارس ولد خالي ولما اشوف نايف والا ناصر كل الجروح ترجع تنفتح


ابي اعرف وشسالفه بالضبط ؟؟؟ حتى كلام ما نكلمهم حنا نعرفهم بس هم ما يعرفونا


ام تركي عصبت ووقفت : اسمعني يا عبدالعزيز ان تكلمت بهالموضوع مره ثانيه والله ما يردني عنك

الا ابوك فاهم والا لا ؟؟؟ عمرنا ما احتجنا لاحد جاي عقب هالعمر تفشلنا مع خوالك وجدك


كم مره اقولك ما نبي منهم شي يوووه








الجوهره : ارتحت الحين ؟؟؟ هذا انت ما تتغير ، ، تحسبني ساكته وعاجبني الوضع ان جدي سامي ما

ترك لنا شي الا اسمه ؟؟ والا تحسبني ساكته وراضيه لما اشوف بنات خوالي معاي في الكليه من

احلى البنات واكشخهم .. يا عبدالعزيز انا ساكته عشان امي ،، امي ما تستاهل كذا ،، صدق حنا ما

نعرف السالفه الحقيقيه لكن الاهم امي انت علامك ؟؟









عبدالعزيز : يا الجوهره انا ما اقصد ازعل امي بس هذا حقنا


الجوهره : خلاص يا عبدالعزيز تكفى لا تفتحه مره ثانيه واذا لك حق بتاخذه اذا مهو اليوم بكره ،،
صار لنا سنين عنهم فاكينا من شرهم مانبي منهم شي ،، تبي تعرف وتدور دور لحالك بعيد عن امي



عبدالعزيز : هانت هانت يالجوهره محد عارف السالفه الا انا والايام بتثبتلك



















//









قصر ابو سالم





بتول : يا هلا والله حي الله بنات خالي


نجود وهي تخلع عباتها : الله يحييك ويبقيك وين البنات ؟


الهنوف والعنود : ماتعرفين الماس ؟ لازم تلبس كل اللي في الكبت











بتول : حياكم حياكم بتجلسون هنا والا فوق
نجود لا فوق اريح



بتول : ميري صعدي القهوه والحلا فوق


الهنوف : ولا تنسين المكسرات


بتول : ههههههه المكسرات فوق انتي بس اصعدي كل شي جاهز



//




فبيت راشد























نوف : الله يقلعك يا لموووو زودتيها


الماس: والله جهزت الا اخوك وينه ؟؟


نوف : السواق اللي راح يوصلنا ،، خالد في الشركه ونايف راقد


الماس وهي تدور : امانه نوفه وشرايك ؟؟


نوف : كني اول مره اشوفك ؟؟ ماكنك فخلقتي من الصباح !!


الماس : انتي اخت انتي ؟؟؟ ولا مره طلعت من فمك كلمت مدح لي


نوف : طيب انزلي انزلي ،، تأخرنا مره عالبنات


الماس : عادي هذا بيت عمتوووو واذا تأخرنا عندهم شوي مافيها شي


نوف : انا ان جلست اسمع لك ماراح اوصل اخلصي خلينا ننزل


الماس : اففف يلا امشي













//


في اكبر شركه بالرياض شركت سامي السامي


من اقوى رجال االاعمال في المملكه




خالد وهو مبسوط على اللي وصل له : ههههههههه ههههههههههههههههههههههههههههه


ابو دانه : وش فيك وانا عمك ؟؟ ضحكنا معك


خالد : وانت تشوف اللي صار ما يبسط حد ؟؟


خالد يوقف ويأشر باصبعه : يا عمي حنا مسحنا شركة النايف مسح ربحنا الصفقه اللي مفروض

تكون من نصيبهم ،، يعني بخطه بسيطه ربحنا كم مليار وحنا حاطين رجل على رجل


ابو دانه وهو مبسوط : ماشاءالله عليك يا ابو فيصل ربي يحفظك لعيالك ولاهلك والله انك داهيه


خالد : هههههه تربية الجد سامي الله يحفظه وعساي ... عساااااااااااي ابلغ ربع عقليته


ابو خالد اللي من اول ما دخل وهو ساكت وشايل هموم الدنيا على راسه : الله يبارك في هالمال


خالد : علامك يبه عسى ما شر ،، ؟ فيه شي مضايقك ؟؟


ابو خالد : والله مدري وش اقولك يا خالد خلها على ربك


خالد والفرحه تقرب تروح من وجهه : افا يبه تضايق وانا موجود ؟؟ يا يبه انا ما ابيك تفكر بشي وانا

عايش وراسي يشم الهوى .. عطني همومك وحطها كلها علي !! افا عليك بس



ابو خالد وهو يناظر في ولده اللي جالس عند رجوله : لكل حادث حديث خلني اتأكد من الموضوع
وصدقني بتكون اول العارفين فيه طمن بالك ،، الله لا يخليني منك












خالد : الله يريح بالك يالغالي انا طالع البيت تبغون شي ؟؟ آخذك معي يبه ؟


ابو خالد : لا لا عندي كم شغله اخلصها وارجع ،، بس خواتك تراهم في بيت خالتهم ساره اذا خلصو

مرهم مابيهم يرجعو مع السواق بالليل لوحدهم





خالد ابشر يبه من عيوني ،، فمان الله




█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 16 أبريل - 0:05


الفصل الثاني




نوف وهي نازله من السياره بعبايتها الفخمه و بجمالها الساحر الواضح حتى من تحت الغطا

نوف فقلبها : هذي سيارة نصور ،، يعني هو هني .. معقوله ليلحين راقد !!

الماس بصوت عالي : نووووووووووووف علامك متنحه ؟؟ منتي بصاحيه ؟؟

نوف وعيونها طايره من الصدمه : لموووووو وجعه ليه قاطه الغطا ؟؟؟

الماس : والله احسب عندك سالفه مشي بس امشي

فتح الخادم الباب لهم ودخلو وهم في الحديقه صادفو سالم

نوف وهي تقط الغطا وبصوت خفيف : لمووو ارتحتي هذا سالم

الحين ما نخلص بيسلم علينا سلام سنه كامله يا كرهي له وبس

الماس : هههههه وجعه لا يسمعك ،، انا ما اطيقه بس الشكوى لله محسوب علينا ولد عمه


سالم عار ف انها ما تطيقه بس وش يسوي القلب وما يهوى :
هلا وغلا والله حي الله نوفه ولمووووو


الماس : وع يا شين اسمي بفمه كرهت دلعي وع وع

نوف بصوت ناعم مره : هلا فيك يا سالم كيفك؟

سالم : بخير دامك بخير بشرينا عنك ؟

نوف : أبد كل شي تمام ،، يلا حنا بندخل جوا تآمر على شي ؟؟

سالم : وليه مستعجله ؟؟

الماس : اقول انا طالعه باااااااي

نوف : الماس لموووووووو

سالم : افا مو عاجبتك الوقفه معي ؟؟ ترا ما اعض

نوف بضحكه بارده ودها تخنقه ودها تذبحه وتعلقه : لا شدعوه بس البرد برا ذبحني

سالم ويفتح عيونه : افا بنت عمي بردانه بعز الصيف ؟؟؟ على العموم حياك حياك ارحبي

نوف : والبقى يا سالم لا هنت ياخوي

سالم فقلبه أخوك ؟؟؟ : حياك حياك

وبهالوقت هذا ناصر واقف على الشباك ومربع يدينه ويناظر فنوف وسالم اللي صارلهم ساعه يسولفون !!


نوف دخلت ولقت بتول واقفه سلمت عليها وبتول طبعا عارفه انه سالم محد
يبلعه من البنات لانهم عارفين حبه للبنات وهم يكرهوون هالنوعيه وخاصه نوف
ونجود



بتول : سالم ما كنت تبغى تطلع من شوي ؟؟؟

سالم : ها ؟ مدري حسيت ا ني تعبان شوي ،، ابشوف لي بندول والا شي والله مدري شكلي ماني بطالع

نوف : اقول بتول وين البنات ؟

سالم يحب يشوف نوف ويسمع صوتها ويحب المكان اللي تكون

فيه مع انه عارف ان اخوه يعشقها بس ما يدري ليه يعمل كذا

دايم يقول انا مالي دخل بـنوف لازم انساها بس من يشوفها

ينسى كل كلامه جمالها يجذبه والبحه اللي في صوتها تنسيه كل شي


بتول : فوق اطلعي لهم انا جايه

نوف : يلا لمووو



//


وهي طالعه من الاصنصير طلع فوجهها ناصر

ناظرته من فوق لتحت وكان لابس ثوب النوم وشعره مبهذل

وحاط يده بخصره ورافع حاجبه وباين عليه الاستغراب


ناظرته واتركته ومشت

وقفها صوته اللي باين انه قاعد من النوم : نوف ؟؟

نوف التفتت له برزتها : هلا !!

ناصر: ما انتي قادره تسلمين علي دقيقه وصارلك ساعه جالسه

مع سالم ؟؟؟ ها ؟؟

نوف : ما اظن فيها شي لما اكلم سالم ،، ولد عمي وحسبت اخوي العيب اني اكلم ..... والا خلني ساكته ازين

ناصر : ايه اكلم ؟؟ كملي يا نوف ؟؟

نوف : ولا شي

ناصر : ولا شي ؟؟؟؟؟؟؟؟ تراك زودتيها يا نوف سكت لك امس

لاني تعبان ،، والله ماتروحي الا وانا عارف السالفه وانا حلفت

بالله


نوف وهي مقهوره ماسكه بطرف عباتها : ناصر رجاءا لا

تخليني اقول كلام انا ما ابغى اقوله !!


ناصر : انا حلفت وانتي تعرفيني لما احلف ،، ما طلبت منك شي صعب ابي اعرف وش اللي مغيرك علي من يوم الحفله ؟؟
وش اللي تغير يا نويف ؟؟







في بيت مبارك ابو تركي
ساره تصلي العشاء وبجنبها الجوهره تدرس

ابو تركي : تركي يااااااا تركي

تركي : هلا يبه سم

ابو تركي (مبارك) : سم الله عدوك انا ابغاك تقهوى معنا عشان نطلع نصلي

تركي : ابشر بس وين عزيز والبنات ؟

ام تركي (منيره ) : عبدالعزيز ؟؟؟ الله يرحم حاله ماهو عاجبني هالولد

ابو تركي ينزل فنجاله : ليه عسى ما شر وش فيه ؟

ام تركي بقلة حيله : ولا شي بس اشوفه تعبان بس ما يعلم احد .. !

ابو تركي : لا لا ما عليه شر ان شاءلله ،، هذا اسد والاسد ما ينخاف عليه

ام تركي : الله يحفظه ان شاءالله

تركي : انا طالع للبنات اشوفهم من امس ما شفتهم



//


الجوهره : من ؟؟

\تركي : انا تركي

الجوهره قفزت من مكانها : هلا وغلا باخوي حبيبي

تركي بابتسامه ساحره : هلا فيك وينكم انتم ما تبانون ؟؟

الجووهره : والله ياخوك مشاغل هههههههههه

تركي : هزلت اللي الجوهره تنشغل هههههه

ساره : والسلام بس للجوهره ؟؟

تركي : لا والله بس اشوفك تصلين كيف الدوام معك ؟؟

ساره : الله لا يوريك ياخوي ،، مابقى فيني الا شعره وشكلها بتنقطع

تركي : افا ،، تساهيل باذن الله

ساره : الا انت وشلونك مع الشركه ؟ ليلحين ما رقوك ؟؟

تركي يتنهد : مايندرى عنهم بهالشركه ،، اللي يتعب ويكد يظل

مكانه واللي ياخذ لقمته بالحرام وهو راقد فبيتهم تجيه الترقيه وهو مرتاح ،، ماينعرف لهم !!


ساره : والله انك تستاهل تصير مديرهم كل الشغل فوق راسك ،، الله يعطيك على قد نيتك ياخوي

تركي يوقف : انا نازل اصلي بدكم شي ؟

الجوهره : هههههههه والله وقمنا نحكي سوري وش السالفه ؟؟

الجوهره بخبث : معكم سوريات في الشركه ؟؟

تركي : هههههههه هبله انتي ؟؟ الا قولي الربع كلهم سوريين وفلسطن

الجوهره : اها اجل ما بدنا شي خيي اتيسر ،، لا اله الا الله
تركي وهو يضحك على خبال اخته : هههههههه محمد رسول الله




█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 16 أبريل - 0:07




نوف : يا ناصر خلني اطلع للبنات والله مو حلوه بحقي

ناصر : نوفه يا قلبي انتي ابغى اعرف السالفه

نوف وتعمل حالها زعلانه : لا تقول يا قلبي

ناصر : طيب ،، قولي وش السالفه يا بنت خالي !!

نوف تبغى تخرب السالفه وتفك نفسها من هالهم : افففففففف دامك تبي تعرف ،، ابيك ما تعصب

ناصر : اعصب على ايش ؟؟ احكي

نوف : انا سمعتك لما كنت تحاكي خويتك اقصد البنت والله مدري وش اسميها بس ... ( دمعت عيونها)

وهي تقول فقلبها : لا يا نوف لا تبكين يا هبله لا يصير قلبك خبل امسكي نفسك وسوي نفسك مو مهتمه )

ناصر باستغراب : انا اكلم بنت ؟؟؟ متى ؟؟؟ وين طيب ؟؟

نوف : ناصر خلاص انت بتعرف السالفه وعرفتها خلاص عاد
ياربي منك

ناصر وهو معصب مره شوي ويذبحها ( قرب لعندها ) وقال :
لا تخليني اضربك هني تكلمي نفس الناس يا نويف انا من متى

احاكي بنات انتي اكثر وحده عارفه اني ما اشوف بهالدنيا كلها الا بنت وحده ! ومحد مالي عين ناصر الا هي .. ! كيف تبغيني احاكي غيرها
؟؟؟


نوف انحرجت وبدلع قالت : انا سمعت باذني كيف كنت تحاكيها وتقول لها حاضر يا حبيبتي كل شي بيوصلك عند باب غرفتك انتي بس خليك مرتاحه



ناصر
راحت عقدت حواجبه وضحك بقوه :
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههه



نوف فتحت عيونها ومسحت دموعها وجت تبغى تطلع للبنات

وناصر ماسك ضحكته ويعدل شعره : هههههههههههههههه تعالي يا هبله والله انك خبلتيني معك هههههههههه


نوف تتخصر : ناصر جاي تتمصخر علي انت ؟ وش اللي يضحكك
انا الغلطانه اللي واقفه معك

ناصر : والله ما اتمصخر افا عليك بس انا اتمصخر على نوفه ؟؟؟

ناصر وهو حاط يده على الباب : اللي كنت احاكيها امي ههههههه والله امي

نوف : امك تقول لها حبيبتي ؟؟؟

ناصر
ويطالع نوف : اي والله واقولها عمري وحياتي وروحي وفيه اغلى من امي ؟؟؟؟
لا لا امي لا تغارين منها لانك بتتعبي ههههههههههههههههههههه


نوف ودها الارض تنشق وتبلعها : ومن قالك اني اغار عليك ؟؟؟ انا اصلا بس حبيت انصحك

ناصر كسرت خاطره انحرجت مره
قال لها وهو يحك خده : ايه ايه صح صادقه اهم شي النصيحه الله يجزاك خير (ماقدر يمسك ضحكته)

نوف خلاص وصلت للآخر : خذت جنطتها وركضت لغرفة البنات وهي معصبه

راحت وهي تسمع صوت ضحكات ناصر باذنها ليلحين ماراحت
انحرجت بس ارتاحت هم وانزاح عن قلبها

يااااااي يا نوفه شكاكه مره ،، تدرين ناصر يحبك ليه تدخلي الشيطان بينكم ؟؟



نجود قاعده على الصوفا : ما بغيتي تجين !! جايه تشوفينا والا تشوفين نويصر ؟؟ مالت بس مالت

نوف : الاثنين كلكم غالين

نجود بصوت خفيف : تصالحتو ؟والا غسلتي شراعه ؟ ههههه

نوف عصبت : وجعه هذا ناصر ،، تصالحنا وطلعت فاهمه غلط

نجود انصمت : جد ؟؟؟ تعالي الصاله الثاني ابي اعرف السالفه تكفين

نوف : عيب مو بألحين انتظري ليما ارجع البيت واكلمك عالجوال فشله بتول موجوده وحنا رايحين نسولف

بتول وهي داخله : ياويلي على اخوي

نوف خافت : من هو ؟؟

بتول : هههههههه ياويلي على اخوي بيروح من يدنا

نوف : وجعه

نجود : ليه وش فيه ؟؟؟؟

بتول : نويصر طالع يغني ويضحك مدري وش فيه ،، لاااا ،،تدرون وين الصدمه ؟

نوف تسمع باهتمام

الهنوف وهي تاكل فستق : وين ؟؟؟ ?

بتول : قلت له ناصر : قالي هلا يا عمري

نوف : ههههههههه وانتي وش قلتي له؟

بتول : من الصدمه رحت وتركته مدري وش كنت ابغى منه !!!

العنود : يازينه ناصر والله محظوظين فيه ياليته اخوي آآآآآآآآه

نوف : وجعه يا عدوها وش آه انتي ؟؟

العنود : يووووه عاد جبتو طاري ناصر ؟؟؟

نوف : اقول تبوله حياتي جيبي الفيلم خلينا نشوفه احسن من القعده مع هالبزارين

العنود : هالبزارين اللي ماهم عاجبينك بيشوفون معك الفيلم

نوف : ياااااااكرهك

بتول : هههههههههههههههههه

//




█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 16 أبريل - 0:10



يتبع الفصل الثاني





في بيت الجد سامي


سامي : والله يا راشد ما ودي دانه تاخذ من برا العايله كافي خالد اخذ وحده ماهي منا

خالد : يا جدي انت تروح وترجع لهالموضوع ،، خل كل واحد ياخذ اللي يبيها لا تغصبونهم الله يطولنا
فعمرك

سامي وهو يكح : لا .. انت خربت كل شي لا تعلمهم على العصيان نايف موافق وما عنده مشكله
ياخذ دانه


ابو خالد : خالد انت مالك دعوه اترك كل شي على جدك ،، وما اظن احد بيعصيه


خالد : طيب انتو وش دراكم ان نايف يبي دانه ،، ليه ما يكون يبي يتزوجها بس عشان يرضيكم ؟؟؟


ابو دانه : أفا يا خالد ليه وانا عمك دانه فيها شي يعيبها ؟؟؟ والا ما هي بالعين شي ؟؟


خالد وهو يقوم يبوس راس عمه : لا لا يا عم وش ذا الكلام والله ان دانه مثل اختي ،، والكلام هذا
اقوله حتى لو واحد من عيال عمتي بياخذ نوف والا الماس الله يسامحك بس


ابو دانه : خلاص اجل لا تدخل وتقوى شوكتهم علينا

خالد : طيب ابغى اسألك بالله عليك يا عمي دانه عارفه انها لنايف ؟؟

ابو دانه : اليوم مادرت بكره تدري

خالد تضايق : شفتو ؟؟ لا تلومونهم اذا تطلقو بعدين ،،

سامي : يا خالد للمره المليون اقولك لا تدخل ،، لا تحسب اني تاركك تكلم يعني معطيك الضوء
الاخضر ،، لا ،، ترا ان فتحت فمك عند نايف والا دانه صدقني ماراح يصير طيب

خالد : ماني متكلم لا عندكم ولا عندهم بس تذكرو حكيي بعدين

انا طالع فمان الله

وهو طالع خالد من بيت جده صادف نايف اخوه داخل

نايف : وين وين اذا حضرت الشياطين ذهبت الملائكه ؟؟ وين يا بو فيصل

سامي ياشر لخالد يخرج: خله خله يقول ما شاف عياله من مبطي تعال انت بحاكيك

خالد قرب عند نايف وقال : الله يعينك يا حرم دانه استلم

نايف عرف السالفه ودخل الصاله

وبهاللحظه جت جدتهم سلمى وسلمو عليها وجلست معهم

نايف : سم يا جدي وش بغيت ؟

سامي: نايف وش رايك فدانه بنت عمك؟

نايف ماعنده مشكله ياخذ دانه او غيرها لان من كثر ما كانو يضغطون عليه

ويقنعونه بدانه سلم للامر الواقع وصارت دانه واقع لا مفر منه

نايف التفت لعمه ابو دانه : والله يا جدي دانه يكفيها انها بنت عمي فواز ،، فيه احد ما يحب القرب منه

ابو دانه : الله لا يهينك يا نايف والله انك رجال ابن رجال

نايف بغصه : الله يسلمك انا والله جاي اسلم واطلع تامرون على شي ؟؟

الكل : سلامتك




نايف وهو طالع لبيته يمشي .. فكر بمستقبله وحياته مع دانه كيف بتكون ؟؟

كان يفكر ويقول ياليتها نجود على الاقل اعرفها من سوالف نوف عنها ومن

مدحها لها ودمها الخفيف وجمالها وحب الكل لها ويقول ياليتها حتى بتول

على الاقل اخت سالم وناصر والكل يمدح فيها

بس ليه دانه بالذات ؟؟ وانا ما اسمع عنها الا كل شين ،، شايفه حالها رغم

بساطة شكلها ،، ما ترضى بالقليل لو ايش كان

..................... سمع صوت سياره وخالد جوا

راح لعنده وهو متضايق : وين على الله ؟؟

خالد : رايح اجيب خواتك من بيت عمتي ،، وشكلي بجيب بنات عمي فواز معهم

نايف : الساعه 12 والله انهن مفهيات

خالد : لا عادي سامح لهم الوالد

نايف : يلا اجل سلام انا طالع ارتاح

خالد وهو يحرك : سلام

//





قصر ابو سالم



نوف و الماس ما يعرفون ان اللي راح يرجعهم للبيت خالد والا كان مافكرو يخرجو من بيتهم

اول ما سمعت نوف صوت جوالها اغنية عبدالمجيد عبدالله ( روحي تحبك )

قفزت من مكانها : ه ه هلا خ خالد والله ابوي سمح لنا والحين نرجع والله الحين

خالد : بسم الله عليك وشفيك ؟؟ عارف انا جاي اصلا اخذكم 5 دقايق وانزلو انتو وبنات عمي فواز ( وسكر الخط فوجهها)

نوف وهي تناظر فجوالها والبنات يناظرونها : خالد

الماس تخرعت : شيبغى ؟

نوف : يقول انلزو بسرعه اقصد انزلو بسرعه آه يا بطني

نجود : ههههههههههه تستاهلون يا ليتني اشوفكم معه والله احلى منظر ههههههههههه

نوف : تضحكين ها ؟؟ نسيت اقولك انتو بعد ويانا ههههههههههههه

نجود : تخسين روحي بلحالك ،، والله لو اموت ماروح معه هذا معقد يخوف يمه

نوف : اخلصي ترا وربي معصب مره وكأن وده يقتل احد

نجود : يمه لا والله مالي دعوه اصلا انا ابغى انام عند عمتي اليوم صح تبوووله ؟

بتول : يا عيون بتول صح مالومك والله

نوف : والله انا قلت لك وانتي كيفك ،، ان هاوشني يا ويلك يا نجيد

نجود : والله مشكلتك اخوك وانا وش دخلني اذا هو على اي شي تافه يعصب

الماس تصايح تحت : نوووووووووووووووف يا نوووووووووووووووف ياويلي بتجيبلي الجلطه هالبنت

ناصر وهو ماسك الكابتشينو : وشفيك تصايحين كذا احد ميت لك

الماس : اف كملت ،، خالد برا وهذي تسولف فوق ياويلنا

ناصر : تبغيني اطلع اقتله ؟؟

الماس : اسمالله على اخوي ،، عشان اذبحك انا

ناصر : ما تقدرين نوف ماهي مخليتك

الماس : ويلي يالثقه والله مصدق عمرك ،، اللي يسمعك يقول اختي ميته عليك

نوف نزلت تركض ولما شافت ناصر عصبت ما تبغاه يشوفها بهالشكل وهي خايفه

نوف ومعها الهنوف والعنود : يلا يا بنات

ناصر ما شال عينه عن نوف : نوف والله لاذبح اختك خليها تسكت ترا حكيها يجيب الضغط

نوف وهي تلبس شيلتها : وش قالت ؟

ناصر وهو يطلع معهم للحديقه اسأليها في البيت أنا اوريك يا لمو

نوف : ياويلي يا ناصر من خالد والله يذبحنا

ناصر : والله مدري ليه معطينه اكبر من حجمه تراه يخاف من الفار

نوف : ناصر ؟؟؟؟ هذا اخوي

العنود : احلفي انه اخوك ؟؟

الهنوف : ومحد رافع ضغطنا بالعيله الا هو الله......

الماس : الله وشو ؟؟؟؟

الهنوف : الله يوفقه

ناصر : الحين اوريكم فيه

خالد ينزل من سيارته ويسلم على ناصر

ناصر : يا هلا بولد الخال ارحب ارحب قهوه شاي ماي عصير عيش
دجاج تفاح موز



خالد وهو يسلم عليه : تنكت انت ووجهك ؟

ناصر : لا والله بس وش فيك ماعاد تدخل بيتنا حتى امي زعلانه عليك

خالد وهو يأشر لنوف والبنات يركبو السياره : والله يا ناصر ناوي اجيكم

بس الشكوى لله الوقت ما عاد يمدينا

ناصر : ما عليه الله يعينكم ،، وراك مخوف البنات وش عامل لهم

نوف في السياره وحاطه يديها على راسها : الله ياخذ عدوك ياناصر
فضحتنا



الماس : هذا ما ينقال له شي فضيييييييحه

العنود : ياويلنا

خالد وهو يشعل زقاره : ليه مشتكيات لك ؟

ناصر وهو يناظر فنوف : لا .. بس نوف من شوي بغت تطيح على
وجهها.. احساس وانا اخوك



نوف : مالت عليك انا انزل اقتله ؟؟

الماس : القتل شوي عليه

خالد : آهآ لا لا ماعليه ــ ماتبغى تخليني انتظر

خالد بصوت عالي : نجود ودانه وينهم ؟

نوف بصوت ناعم : دانه ما جت ونجود تبغى تقعد عند بتول

خالد : ما اسمعك ؟؟

نوف : الله ياخذك يا ناصر لازم تجي ؟؟

الماس : انسي الذرابه شوي وعلي صوتك لا يجي ،، تر كل ما يقرب تتلف اعصابي

العنود : ابعدي ابعدي ،، (بصوت عالي يفجر الاذان ) دانه ماجت ونجود تبغى تقعد عند بتووووووووووووول

خالد ناقد عليها : طيب قصري حسك سمعنا سمعنا

العنود : ما تستاهل مالت على اختك

نوف : وجعه انا وش دخلني

العنود : مهوب انتي اقصد لموووو

الماس : جعل تريلا تدعسك يالخايسه وش فيك حاطه دوبك من دوبي يالسوسه

نوف : اسكتو اسكتو جا خالد

خالد وهو يناظر في الهنوف : اطلعي يالعنود ناديها .. بسررررررعه

الهنوف وهي ترتجف : بس انا مو بالعنود

خالد بصوت عالي ويحذف الزقاره : وانا وش دخلني ووش همني ؟ انزلي

ناديها لا اصعد لها .. تعرفي كيف ؟؟ ناصر اصعد نادها لو ما عليك امر ...

ناصر : ابشر ،، فمان الله

خالد : فمان الكريم

//

ناصر : نجوووووووووووووود ( هههههه)

نجود من فوق تطل على ناصر : هلا

ناصر : جاك الموت ياتارك الصلاه ،، خالد يبغاك هههههههههه ماعنده

بنات ينامو برا بيتهم

نجود : وهو وش دخله ؟؟؟ ابوي هو والا اخوي

ناصر : وانتي الصادقه ولد عمك اخلصي تراه معصب

نجود : اففففففف والله بيجلطني هالخالد

//

وبالسياره ماصارت مواقف لان السياره كان يعمها الهدوووووء حتى الهمس معدوووووووم

ما يسمعون الا صوت محمد عبده وبس

..
يتبع الفصل الثاني



يوم الجمعه الساعه 2ونص متجمعين عايله ابو تركي (مبارك) على الغدا


غدا زي كل يوم رز ودجاج ،، غدا بسيط بس كان الكل يجتمع حوله ومحد يتأخر

ابو تركي ،، وام تركي ،، وتركي ،،وساره ،، وعبدالعزيز ،، و الجوهره

سوالف وضحك ما تخلص .. اما منيره ام تركي تعمل حالها مو مهتمه انها تيتمت رغم وجود امها وابوها

عايشين ابوها التاجر الكبير وامها الطيبه الحبيبه كل ما تذكرهم يبكي قلبها من الحرقه ما تدري ليه ابوها

عمل زي كذا ،،

معقوله ابوي يكرهني ؟؟ الله يسامحه والله اني مسامحتهم كلهم من كبيرهم لصغيرهم ،، قامت فجآه عن

الغدا وطلعت غرفتها حتى بدون لا تغسل يدها وجلست تبكي ( دموع بدون صوت )

حسو فيها بناتها وراحو لها


الجوهره : افا يمه والله دموعك غاليه علينا لا تعذبي نفسك كذا

ساره ماهي قادره تخفف عن امها ان حكت بكت معها وهي ما تبغى تزيد المها

الجوهره بابتسامه وهي تضم امها : انتي لا تفكري فيهم انسيهم مثل ما نسوك

منيره (ام تركي) تزيد في بكيها : ومن قالك انهم نسوني انتي وش دراك .. اللي يحب ما ينسى وانا بنتهم

كيف تبغينهم ينسوني

الجوهره : قوليلي طيب وينهم ؟؟ عمرهم سألو عنك ؟؟ حتى في الاعياد ما ينشافون ؟؟ اصلا انا ما اعرف

اشكالهم الا بناتهم من كلام الناس عنهم ؟. كيف يكونوا اهل ؟؟؟؟

ساره : خلاص يا الجوهره نبيك عون صرتي فرعون يا تقولي خير يا تسكتي

الجوهره : يا ساره انا اقول هالكلام والله عشانها ،، لي متى بتشيل فقلبها وتكتم اللوعه ،، تراها تعبت وهذا

مو بزين لصحتها تراها بشر وتحس

منيره ام تركي : الجوهره كل هالكلام اللي قلتيه والله عارفته يابنيتي بس وش تسوين بقلب مره ماشافت

امها من 30 سنه ؟؟ ماشافت اختها واخوانها من 30 سنه ؟؟ وهم بمنطقه وحده ماهو ظلم ؟؟؟

الجوهره : اذا بنجي للظلم فهو ظلم ،، وكبير بعد لكن مهو بأنتي اللي قلتي شوفيهم بالجامعه واتركيهم ورا

ظهرك ؟؟ لا تحاكينهم ؟؟ وبتسمعين كلام يالجوهره وطنشي ؟؟ يمه تبغيني اطنش وانتي بكبرك ترشين ملح

على الجرح ؟؟؟
ساره : تراك زودتيها امي تقول كلمه وانتي تردي بعشر ؟؟؟

الجوهره : انا كرهتهم مع اني ما عرفتهم بس اللي يحرق قلب امي انا اكرهه وابغضه حتى لو هو فيه خير

والا فيه احد ينسى بنته 30 سنه ؟؟ وين عايشين سوالف افلام ؟؟؟

منيره : اتركيها يا ساره والله انها صادقه

اعذريني يا بنتي


الجوهره وعينها مليانه دموع بس ما نزلو : خلاص يالغاليه اذا منتي بقادره تنسينهم ،، تناسيهم غصب ،،

وعيشي حياتك ،، فيه ناس يتمنو يشوفو ابتسامه منك وعايشين من شانك الله يسامحك بس

منيره ابتسمت : الله يحفظكم لي روحو كملو غداكم

الجوهره تمغط : انا شبعت الحمد لله بروح اناااااااااااااام واقوم اكمل مسلسلي

ساره : اي مسلسل مهو امس اخر حلقه ؟؟؟

الجوهره : ياويلي عنك تحسبه 30 حلقه ،، الناس توها في البدايه ،، هذا مسلسل تركي

ساره : والله احسبه عبدالعزيز

الجوهره : وع لا تنكتين مره ثانيه ،، احسك خبله هههههههه

ساره تناظر باختها : ههههههههههه والله انك نذله اضحكي لو مجامله








//



نايف : الو

بتول : هلا

نايف : هلا بتول ،،

بتول : من نايف ؟؟؟

نايف : ايوه ،، كيفك

بتول : تمام ،، كيفك انت والبنات

نايف : والله كل شي تمام

بتول : آمر وش بغيت

نايف : ناصر ادق عليه ما يرد ولا 10 مكالمات

بتول : ايه هو في الملحق مع العمال ،، يمكن ناسي جواله ،، انا ابلغه

نايف : الله لا يهينك ،‘ ُ سلآم

بتول : باي



//



بتول تنادي اخوها الصغير : سعوووووووووودي

سعد : نعم يا مشكلتي في الحياه

بتول تفتح عيونها على كبرها : هاه وش قلت ؟؟ من وين سامع هالحكي .. جد ما في حيا


سعد وهو ياخذ له كم نظره على التلفزيون خطافي وكنه مافيه صبر : يوووه دايم اسمع ناصر يقولها لك

بتول : طيب اسكت اسكت ،، هاك هذا جوال ناصر روح وده له بالملحق

سعد : يوووو يا بتول ما تشوفي الخدم عندك ؟؟ ابغى اكمل كونان

بتول : كونان ماهو بطاير بعدين ناصر مايحب احد يجي جواله

سعد : طيب بس لا تعيديها مره ثانيه تراي مشغول بالببايات


بتول : فديت اللي يتابع كونان انا يلا روح بسررعه وقوله ترا نايف داق عليك



/


/


بالملحق
:


سالم : وين يابابا انا قايلك ما ابغى هالترخيم كيف تسمع انت ؟؟


العامل : واللهي حضرتك انت قلت كده امبارح !

سالم : يا كذبك يا مصطفى أبك متى قلته انا ؟؟ اصلا البارحه كله ما شفتك ،، ياخي كذب كويس والا لا تكذب

العامل : حضرتك انا حعملك اللي انته عايزه ولا يهمك

سالم : لا يكثر شوف شغلك

ناصر وهو ماسك انواع الخام للستاير : سالم انا طالع اوريهم امي وبتول عشان يختارون الالوان

سالم : لا تأخر ترا دايخ وابغى انام

ناصر : ابشر







//


ناصر : انت يالنتفه وين امي ؟؟ وش ذا اللي معك ؟؟ هذا جوالي !!!!!!!!!1

سعد : ايه تقولك بتول نايف يتصل فيك ماليوم

ناصر : وبتول وش دخلها ها ؟؟ وش له تفتح جوالي ؟؟؟

سعد : وانا شدراني روح اسألها انا بروح لكونان

ناصر : كونان !! الله يخلف على اهلك

بتول في غرفتها تعمل ميك أب صديقاتها بيجون البيت

ناصر بعد ما طق الباب : بتول من سمح لك تفتحي جوالي

بتول : وانت من سمح لك تدخل قبل لا اسمح لك ،، يمكن كنت البس ؟؟

ناصر : لا تغيري الموضوع

بتول : وانت كل شي لازم تكبره !! يا انك شكاك يا ناصر الله يعين امرتك عليك

ناصر : وش دخل مرتي في الموضوع ردي على سؤالي

بتول وهي ترجع تكمل مكياجها : ناصر اتصل في البيت وقال ابغى احاكي ناصر ضروري ورحت
خليت سعد يوصله لك فيها شي ؟؟


ناصر : آهآ .. قولي كذا من الاول ..

بتول : طيب سكر الباب معك لو سمحت

ناصر وهو يجلس على السرير : هلا نايف السموحه ياخوي توها قالت لي بتول
... ايه ايه خلاص تم ,, اشوفك بالمزرعه ان شاءالله سلم سلم



بتول بصوت مو مسموع : افففف يقعد بدون استاذان ويدخل بدون استاذان مدري كيف عايش ؟؟

ناصر : وش قلتي يا تبوله ؟؟

بتول : هاه ولا شي اقول ابي خصوصيتي شوي

ناصر: يا كبر الكلمه بفمك ،، لك جناح خاص فيك وامي وابوي مدلعينك اخر دلع وش اكبر من هالخصوصيه بعد !!

بتول: وانت وش قاهرك ؟؟

ناصر : على طاري نوف ،، ما حاكيتيها اليوم ؟ وينها اشتقنا لها

بتول وسعت عينها : اولا من جاب طاري نوف ،، ثانيا متى امداك تشتاق لها توك شايفها البارحه

ناصر : ما قلتي من شوي الله يعين مرتك عليك ؟؟ اكيد تقصدي نوفه ؟؟

بتول : ياااي على ثقتك ياخوي من قالك ان نوفه لك ؟؟ تحسب ابوي وعمامي بيتركونها لك ؟؟ نوف عندهم

صفقه وساعتها ماهم سامعين كلام البزارين


ناصر عصب : بزارين بعينك ،، عطيتك وجه الظاهر ،، بعدين وش سالفة الصفقات بنوف ؟؟ ها تكلمي بسرعه



بتول : اسمع ناصر انا ما احب اكون نقالة كلام بس انت اخوي وما ابيك تنكسر عشان وحده حتى لو كانت وحده انا احبها واعزها


ناصر : بتول حياتي تراك زودتيها والله لو مقلب لأكون ذابحك


بتول : انت تعرفني بهالامور مافيه مقالب

ناصر : اجل قوليلي السالفه

بتول : السالفه مني انا ماراح تسمعهااااااااااااااااااااااا نوفه حلفتني خلاص يا ناصر

ناصر : اها السالفه فيها نويف لا ومحلفتك ؟؟ اسمعي يا تبوله نوفه والله محد ماخذها الا انا وراح تشوفي بعدين

بتول : كفو يا اخوي بس هذيلا عمامي وانت عارفهم ،، اللي يبغون يزوجوه يزوجوه واللي يبغون يطلقوه يطلقوه بمزاجهم



ناصر : يصير خيـر ،، انا طالع واذا سألك عني سالم قولي له مو فيه

بتول بقلبها (ياويلي من نوف والله لتذبحني)









...... : تخيلي عندنا سياره فخمه ويفتح لك الباب سواق وعندك قصر ما تعرفين شكله من داخل من كبر حجمه

وتخيلي انا كل ثانيه اسوي تسريحاتي للجامعه عند المشغل وملابسي ما توصلني الا من باريس و******ا آآآآآآآآه وتخيلي . أجـ



ساره : بسسسسسسس ترا راح تتعبي ،، نفسيتك خربت يا حرام


الجوهره : اسكتي تكفين والله مالي الا الاحلام اسلي نفسي فيها

ساره : المشكله اذا صدقتيها

الجوهره : ياختي انا احس مكاني ماهو بهنا احسه بقصر بين الخدم والحشم والاستقبالات والحفلات أحس

بنات خوالي وخالتي مايستاهلو الخير اللي هم فيه ،، ودي اجيبهم يوم عندنا عشان يحمدو ربهم على

اللي هم فيه


ساره تنهدت : احمدي ربك ابوك و تركي مو مخلين عليك قاصر هذا تركي دايم ياخذنا وينزلنا المول ونشتري

كل اللي خاطرنا فيه


الجوهره : وانا ما قلت انه مقصر ،، لوما تركي اصلا ما كان شفتيني عايشه ،، كان مت من زمان آخ بس


ساره : تكفين يالجوهره لا تتكلمي كذا والله تخوفيني ، ،

الجوهره : لا تخافي يا اختي انتي عارفتني لا يمكن اغلط ،، هذي بس فضفضه ،، من لي غيرك اشكي له

ساره : اذا هي فضفضت هموم انا مستعده اشيلها كلها بس اذا لك خطط تكفين انسيها اذا لي غلاه عندك

الجوهره : يعني وش بسوي ، ، باسرق ؟؟ عاد لابق علي ههههههههههه عيوني زي عيون السروق

هههههههههه


ساره : ههههههههه مفارقك والله ،، والله ان البراءه كلها بعيونك

الجوهره : ههه فديتك ،، خلاص تطمني



//




في زاوية من الرياض المزارع والاسطبلات اللي يروحون لها الشباب وتعتبر من المتنفسات القليله هناك



ناصر و نايف : السلام علييييييييييكم


الشباب وقفو : وعلييييييييكم السلام ارحبوووووووووو ارحبووووووو


ناصر : والبقى والبقى


نايف : ماشاءالله الشله كلها هنا وش صاير ؟؟؟


عبدالعزيز ولد ام تركي : درينا انكم فيه وحبينا نشوفكم

ناصر وهو يسلم على عزيز : نكسب شوفتكم يا عبدالعزيز وينك غاط ؟؟

عبدالعزيز يناظر فولد خالته والنعمه باينه فعيونه : عايش بس الاشغال ماخذتنا

ناصر جلس بجنب عبدالعزيز وهو ماهو عارف من ولده : اذا محتاج تمشية اوراق او فيزه او محتاج وظيفه ترانا حاضرين


عبدالعزيز انقهر مع ان ناصر قالها عن طيب نيه : لا مشكور كل اموري تمام انا طالب وما افكر بالوظيفه

ناصر : عسى عسى .. دوم ان شاءالله وامورك تمام

عبدالعزيز : الا قولي يا ناصر عندك شي بكره ؟؟

ناصر : حاليا لا ،، بس ليه تسال ؟

عبدالعزيز : سلامتك بس عازمك على العشا بكره

ناصر : أبشر بس فأي مطعم ؟؟


عبدالعزيز فقلبه ( عزالله بطران ما تعشى الا فالمطاعم الفخمه ) : كيف ؟؟ لا انت حسبة واحد من الاهل ،، عازمك فبيتنا


ناصر استغرب : وعازم الشباب كلهم ؟؟

عبدالعزيز : لا بس .. لا انا اصلا ما اعرفهم كلهم ،، عازمك بس انت حياك بكره ..

ناصر كان حاب يرفض لانه بيروح لبيت خاله راشد يتفاهم مع نوف ويحاول يشوفها ولو دقيقه يعرف السالفه

بس ماهي من عادته يرفض : تم ابشر


عبدالعزيز بابتسامه وراها طيبه ممزوجه بشي غريب هو نفسه ماهو عارف ليه سوا كذا .. اصلا ما خطط

لهالشي ،، ناصر ينحب واعماله الكل يشهد له فيها ماراح آذيه لو وش صار


تعشو الشباب ومارجعو بيوتهم الا الساعه 3الفجر





█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 16 أبريل - 0:12

الفصل الثالث


خالد : وينك يالغلا


نوره ومعاها الصينيه : جايه

خالد وهو مبسوط بحياته مع نوره : ياترا يانوره لو كنت ماخذ وحده غيرك كان صرت مبسوط كذا؟؟؟

نوره بنت حبوبه وتحملت كثير لعيون خالد ولعيون عيالها ،، يكفي كلام الجد سامي ،، يقطها فالوجه
ولا يفكر بمشاعر احد

نوره بثقه : أكيد لا يا قلبي ،، اصلا مكتوبه السعاده لي ولك وحنا مع بعض

خالد : الله لا يخليني منك يا ام فيصل والله انك غاليه تحملتي كثير

نوره : خلاص خالد لا تعيد القديم ،، الحين جدي سامي يعدني وحده من بناته

خالد فقلبه (ماتدرين انه للحين يحكي بزواجي منك والله انك على نياتك) : الله يصفي القلوب اكثر من ماهي صافيه

نوره بحرقه : آمين







//


في جناح البنات

صوت المسجل عااااااالي وصوت راشد الماجد مالي المكان

الماس ترقص ونوف قاعده على سريرها تلعب بشعرها

نوف : الماس تهقين ناصر في البيت الحين ؟؟

الماس : وانا شدراني امه والا مربيته

نوف : وجعه تكلمي زين // اقصد ان صديقات بتول جايات العشا عندها يمكن كان في البيت طيب يمكن شافهم وشافوه طيب تتوقعي

كان قاعد ؟؟ انا اتوقع نايم لانه مفروض يكون نايم

الماس تلمس جبهة اختها : نوفه حياتي عليك صخونه ؟؟؟؟

نوف توخر يد اختها : لمووووووو انا اكلمك جد
،، تعرفي وين المشكله !! اتصل على تبوله وما ترد علي ودي اخنقها اذا احتجت
لها ما القاها وانا اذا طاحت بمشكله ركضت لها


الماس : لا تمني عليها ،، مو لانها تحبك وتغليك ما تروح الا الك انتي

نوف : عارفه بس ليه ماترد

الماس : متى اتصلتي على جوالها ؟

نوف : من 10 دقايق

الماس بصدمه : من جدك انتي والا تتريقي ؟؟؟ اتصلت واتصلت واتصلت آخرتك من 10 دقايق ؟؟ الساعه قربت

على الاربع البنت نايمه صارلها 4 ساعات امحق بس احيان احس مخك مركب بالمقلوب

نوف : والله لما اكلمك احس اني هبله ،، وراك كل كلمه والثانيه تنقديني على نفسي ياليت نجود فيه كان سايرتني


الماس راحت تكمل رقصها ولعبها

نوف حاطه يدها على خدها مو جايها نوم : انا الغلطانه اللي عازمتك بغرفتي يلا اطلعي برا

الماس : من حلاتك والا من حلات غرفتك الحين اطلع وتجلسي لوحدك

نوف : ها ؟ لا خليك خليك وامري لله ،، اجلسي استهبلي برقصك وضحكيني هههههههه

الماس : نعم ؟ وش قلتي ما سمعت ؟؟ وش قالولك ارقوز جايبني ابوك ؟؟

نوف : وجعه ابوي ابوك يا هبله

الماس : طيب اسكتي اسكتي وشوفي هالرقصه وش تذكرك فيه ؟؟

نوف ماتت من الضحك : ههههههههههههههههههههههههههههههههههه

هههههههههههههههههههههههه مو كنها رقصة عمت ابوي المره الكبيره الخبله ؟؟ هههههههههههههههههههههه


الماس : ههههههههههههههههه تذكري بآخر عرس يوم هبلنا فيها ؟؟؟؟ انا وبتول خليناها تشرب 7 بيبسي
مره وحده ههههههههههههههههه

بغت تموت عليهم بالسياره

كل ماشربت كاس قلنا لها شاي يا عمه شاي ههههههههه

نوف : شكله عاجبها والا ما شربت 7 العن يومكم مو بنات

الماس : ههههههههههههه


نايف توه راجع وسمع صوت البنات مر غرفة محمد اخوه الصغير (11 سنه) لقاه راقد وبجنبه البلي ستيشن

شغاله دخل وطفاها وطلع لغرفته غير ملابسه وراح لخواته يمكن يوسعو صدره بخبالهم كالعاده

سمعو صوت الباب ركضت نوف تطفي المسجل تحسبه ابوها وركضت الماس لبست برمودتها فوق الشورت القصير مره

وبصوت واحد تفضل

الماس : يوووووه نايف حياك حياك تو مانورت غرفة نوف

نوف : وش له تكلمي بلساني ،، حياك نووووويف (تذكرت ناصر لانه محد يناديها نويف الا هو ) يا هلا

نايف : وش له كل هالترحيب اول مره تشوفوني ؟

نوف : من زمان عنك والله اشتقنا لك ،، اشتقنا لتكانتك وهدوءك وطيبتك و

نايف : لحظه لحظه انتو وش شاربين هههههههه تراي استحي

الماس : ترا نايف حتى لو انت انسان طبيعي حنا نشوفك مثالي لانا نقارنك بخالد

نوف : يمه لا تجيبي اسمه تكفين

نايف : ههههههههههههه والله مدري ليه يخوفكم خالد

نوف : حتى ناصر يقو ..

نايف : وش يقول ناصر ؟

نوف : ( انا وش لقفني ياربي ليتني ساكته) : اقصد ناصر يقول ليه تخافون من خالد انه حبيب وكذا يعني

نايف : اها وهو صادق والله مافيه اطيب من قلبه ،، اصلا ما احس انه يخوف الا لما تحكون عنه انتم يالبنات
احس تتكلمو عن شخص ثاني مو خالد

نوف : تكفى اسكت كل ما جبنا طاريه جا ،، انا طالعه اتوضآ اذن الفجر

نايف : انا طالع اصلي اكيد ابوي قام من النوم تامرون على شي

الماس ونوف : سلامتك







في بيت ابو دانه (فواز)


قامت دانه من نومها على صوت المسج اللي يقول :

على كيفي ابصبر والصبر لهـ في النهايهـ {{ حدّ

وإلى منهـ وصل حدّهـ..

{{ تأكد منت لاقيني..!!
المرسل : عبدالله



دانه : وهي توخر شعرها عن عيونها : اففففف نسيت عبودي والله اني مفهيه

اتصلت فعبدالله على طول ومن دون تفكير

عبدالله : يا صباح الورد والكادي والياسمين وكل شي حلو

دانه : ههههههههه جبتها من الآخر ها ،، كيفك

عبدالله : اكيد بخير دامي سمعت صوتك ،، من قدي سمعت صوتك وانتي توك جالسه من النوم ،،

دانه : صادق اول صوت اصبح عليه

عبدالله (من سوء حظي ) : ها وش قلتي ترا مليت وانا انتظرك

دانه : مممممم اشوفك بعد ساعه في المملكه ولوحدك بليز

عبدالله : وانا ارضى احد يشوفك غيري يا بعد عمري انتي ؟

دانه : ههههههه تغار علي ها ؟؟ ههههههه

عبدالله (هذا اللي ناقص) : شفتي شلون ! يلا انا لازم اسكر بروح اجهز يا عمري

دانه : يلا باي يا قلبي

عبدالله : (يا شينها بلسانك) : باي
/
/



دانه :: ماما مااااااااااااااااما

ام دانه : هلا يمه وش فيه

دانه ابغى سينيثيا وينها فيه ؟؟؟

ام دانه : طيب الناس تصبح على امها تقول صباح الخير

دانه تبوس راس امها : ماما حياتي صديقاتي متجمعين يبون يفطرون في المملكه وانا تأخرت عليهم ..

ام دانه : طيب اخذي نجود معك يمه

دانه : لا يمه لا يا حبيبتي اصلا انا سمعت نجود تقول ان نوفه تبغى تمرها انا رايحه آخذ دوش

ام دانه : على راحتك

دانه تروشت ولبست أحلى ماعندها في الدولاب وأخذت الكعب المسمار العالي و استشورت شعرها الطويل

الاسود وانتهت من الميك اب تعطرت ونزلت لتحت

ابو دانه يفطر عشان يطلع للشركه وبجنبه ام دانه تقهويه ونجود تقرى الجريده كالعاده

والهنوف والعنود يناظرو بصور اللاعبين في الملحق الرياضي ،، وكل ما شافو صوره لسعد الحارثي والا ياسر

شهقوااااااااا وكل وحده تقول : لا والله ولد عمي راشد احلى ،، والثانيه تقول : لا والله ان عيال عمتي ساره
أزين و بواجد

(سوالف مراهقات)



دانه بتوتر : بابا حياتي انا طالعه تامر على شي ؟؟

ابو دانه : على وين ؟

دانه : صديقاتي متجمعات في المملكه تعرف ندور على الوقت اللي مايكون زحمه فيه ونجتمع ونفطر

ابو دانه : اها روحي بس لا تبطين وخلي السواق ينتظر عندك لا يرجع

دانه بابتسامه عريضه : ابشر يبه

نجود راحت للباب وسبقت دانه : لوين ؟؟

دانه : ما سمعتيني ؟

نجود : انا نجيد ماني ابوك والا امك تضحكي عليهم بكم كلمه

دانه : والله مانتي مصدقه اضربي راسك في الجدار

فجأه دخل نايف وتنحنح بعد ما سمع آخر جمله قالتها دانه

نجود ركضت تغير بجامتها

شافها نايف وشاف ان نجود لابقه له اكثر من دانه بس وش السواه ؟؟

نايف : كيفك دانه

دانه : تمام انت كيفك ؟

نايف ابد بخير وين طالعه في هالصباح عسى ما شر

دانه باستغراب : كيف ؟؟

نايف بنفس النبره : اقولك وين طالعه في هالصباح ؟؟

دانه : بابا يقولك جوا حياك يا ولد عمي (عطته ظهرها وراحت)

نايف (هذا اللي تعلمتيه يا دانه افا بس لو وحده من خواتي عملت كذا كان مسحت وجهها في الارض بس كل واحد وتربيته)

دخل نايف عند عمه معصب بس كالعاده عصبيته ما تتعدى صدره

السلام عليكم


ابو دانه : وعليكم السلام

الهنوف والعنود فجأه وصعدو لفوق شكله لان عيونهم منفخه من النوم مهو بحيا ولا شي

اما الريم حاطه رجل على رجل : كيفك نايف ؟

نايف يبتسم كل ما يشوفها يحسها ولد مو بنت : هلا ريوم كيفك ؟

الريم : كويسه

ابو دانه : ام دانه الريم اصعدو لفوق شوي

....... : ان شاءالله

نايف : هلا يا عم وش بغيت آمر


فواز : والله يا ناي فانا ما ودي اغصبك على شي بس مثل ما انت عارف خير البر عاجله والبنت عمرها 22
ونبي نفرح فيكم


نايف اصطنع الضحكه : اللي تامر فيه يا عمي انا حاضر

فواز : ما ودي تسوي شي ماهو بودك او مغصوبن عليه مثل ما قال اخوك خالد

قاطعه نايف : لا يا عمي دانه كل واحد يتمناها وانا ودي اعرس اليوم قبل بكره انتو خيطو وحنا نلبس

فواز : طول عمرك ذوق يا ولدي يا نايف

حاول ينسى همومه نايف لما شاف الابتسامه على عمه .. ترخص منه وطلع لمكتبه لأن نايف يعتبر من

المهندسين الجدد في الرياض تصاميمه كلها مبتكره ويشاركه صاحبه أحمد توهم خريجين من الجامعه

واشتهرو بسرعه بهالسنه








نجود : وش جاب نايف على هالصبح

الهنوف تاكل كورن فلكس على الطاوله : اكيد عشان موضوعه مع دانه ،، ترا مايبيها بس دبسوه عمامي

وجدي فيها

نجود : وجعه وش ناقصها اختك

العنود : ولا شي ،، بس وش ذنبه نايف الطيب ياخذ وحد ملسنه زي اختك دانه ؟؟؟ ليه ما اخذك انتي ؟؟ والله

انك لابقتله

نجود بعصبيه : والله انك قليلة ادب هذا بيصير رجل اختك عيب عليك

الهنوف : وش دعوه عصبتي كذا ترا حنا نمزح !!


نجود شوي وتكسر الطاوله فوق راسهم : اصعد للنت أحسلي من وجيهكم

الهنوف : ايه عند الحباااااااايب

نجود قربت عندها وضربتها على كتفها : وجعه لحد يسمعك ويصدق اصلا انا طالعه اشبك ماوراي شغل نوفه

سهرانه امس يعني الحين نايمه



الهنوف : اي صح صح روحي روحي






الجوهره لابسه وكاشخه وتناظر بنفسها بالمرايه : ( يازينك ماشاءالله يالجوهره وش ذا الجسم الجنان ) دخلت امها


منيره ام تركي : لا اله الا الله اقري على نفسك يمه وش ذا الحلا

الجوهره تبوس راس امها : طالعه عليك يمه ،، تامرين بشي يمه

منيره : يوووه يالجوهره حنا ماصدقنا ترتاحي بالاجازه وانت ماخذه مواد بهالصيف

الجوهره : ياماما ياحبيبتي حنا مو اتفقنا وسكرنا هالموضوع لا يسمعونك اخواني وابوي ويغيرو رايهم ،، بالله

عليك اجلس في البيت وش اعمل ؟؟ على الاقل اشوف صاحباتي اطلع للجامعه اشم هوا

منيره : اللي تشوفينه تركي ينتظرك تحت

الجوهره : باااااااي ماماتي

تركي : وش هالمكياج كله يا الجوهره

الجوهره بزعل: ليه مو بحلو ؟

تركي لا ما اقصد بس انا خايف عليك خففيه شوي

الجوهره : ياخوي الجامعه كلها بنات ماتبغاني اكشخ

تركي : لسانك هذا ما يسكت تعملي اللي تبغيه دايم امشي بس امشي

الجوهره حذفت الغطا عليها وطلعت فرحانه بانتصارها على تركي وامها



//





سامي اتصل بعياله وحريمهم وبنته وقالهم يجو عنده ،، وهم مايحبون يردوله طلب راحو كلهم مع بناتهم اللي

مخططين يطلعو من البيت

الصاله وعلى يمينها سامي ابو راشد وبجنبه عياله راشد وفواز وبجنبهم رجل بنته سلمان ابو سالم

وبجنبه احفاده خالد وسالم يسولفون ،، ونايف وناصر وفارس جالسين يسمعون الجد سامي وسوالفه الحلوه

وعلى اليمين الحريم يتقهون ويقهو الرياجيل (( سلمى وام خالد وزوجة خالد نوره ،، وام دانه و ام سالم ))

والبنات شوي وصعدو فوق يكملو مخططاتهم

نوف : احم احم بما اني اكبر وحده فيكن واحلاكن ماراح احاكي جدي وحده غيري تحاكيه هالمره

نجود : طبعا مو بأنا لو أحاكيه يطردني برا القصر مافيه اسلوب ههههههههه

الماس : تأشر بيدها وتقول : (آبسولوتلي نوت مي ) : أكيد مش أنا

الهنوف : اذا تبغوني احاكيه انا واطلبه ماعندي مانع بس والله ماهو من مصلحتكم ،، لتباتون ودمعتكم على

خدكم


العنود : مو لازم احكي انا وش بيصير لانكم عارفين اني ما انقص عن اختي المصون الهنوف وربي اجيب فيكم العيد

والكل قعد يناظر في بتول اللي جالسه تلعب مع العصافير من بعيد خايفه منهم وكأنهم اسد مو عصافير بقفص .. !!

بتول لاحظت الهدوء التفتت لهم و كانو يناظرون فيها استغربت : بسم الله فيكم شي ؟؟

نوف زحفت لعندها : تبوله حياتي نبغاك تحاكي جدي نطلع لوحدنا هالحزه مغرب عادي يعني

بتول : هاهاها تحلمين يلا مناك

نوف : انا نوفه حبيبتك تكفين

بتول : والله جدي يغليك اكثر روحي حاكيه

نوف : والله استحي بعدين العيال تحت

بتول : والله العيال ماقامو عندك ولا قعدو مستحيه لا يحرجك جدي قدام اخوي نويصر ههههههههه

نوف وكأنها انكشفت : ها ؟ وش دخله في الموضوع ناصر ؟ ياكرهي لك لما تشغلي مخك ،، احسك من زمان

مو مفكره فيه !

بتول وهي تلعب بشعرها : ايه صح وش دخله ناصر بسم الله

الله يخليني لكم بس بشرط كلكم تنزلو معي واذا فشلني جدو ما تضحكو علي و و وشو بعد ؟؟ ايه اذا
احرجني تردو عليه معي طيب ؟؟


نوف : وش هالطلبات ؟؟

نجود : مالت بس لو محاكيته انا احسن ،، اللي يسمعك طالبين كونداليزا رايس تحاكيه مو تبوله ام 18 سنه

بتول : 18 سنه بعينك بكمل 19 بعد كم شهر

نجود : اللي هو بتحاكينه والا اروح اشوف الدي في دي انا ونوفه ؟؟؟ ترا ماحنا فايقين للعب البزارين

بتول : نجيد احترمي نفسك مو يقولولك بزر وتحطي الحره فيني ترا اللي بيني وبينك سنه


نوف : يووووووووووه خلاص عاد جد بزارين امشو يلا قبل لا يذن العشا وندخل في التسع


بتول : يلا امشو وراي

نجود : تخسين انتي تعالي وراي

بتول لا انتي وراي

وجلسوا يتهاوشو على السلم ليما وصل صوتهم للي تحت

ابو خالد : صووووووت يا بناااات ؟؟


سامي : خلهم على راحتهم ،، يازينهم خلهم ينزلو والله وحشوني هالبسس

ناصر : هههههههههههههههههههه اي بسس يا جدي هذولا اسود لبوات البسس لا تهش ولا تنش

سامي : وانت وش عرفك وبناتي لا يهشو ولا ينشو ،، انتم منقهر

ودخلو البنات على صوت ناصر وجده

ناصر : وش انقهر منه ،، من زينهن هه شوف بعينك بالله وش انقهر عليه


وجلسو البنات مثل ما خططو وحده على يمين جدها والثانيه على يساره والباقي يجلسو قدامه بهدووووء

الكل ما استغرب حركتهم لانهم اتعودو البنات اذا في بيت جدهم يشيخون اكثر ويطلبو اللي يبغونه على طول
من سامي


نوف وهي ماسكه يد جدها : كيفك جدي ؟؟

سالم وناصر فزت قلوبهم

سامي : والله كنت تعبان بس من شفتك وانا بخير

نوف : ههههههه فديتك يا جدو الله يخليك لي

ناصر (يخرب بيت عدوك يا نويف)

الهنوف : افا يا جدي بس نوف اللي تنبسط فيها وحنا مو شي ؟؟


الريم : هيه انتي وش لك بجدي ،، مزاجه يغلي اللي يبغى ؟

الهنوف : هيه انت وجعه مافي اسلوب حتى

الريم : مخليه الاسلوب لك يالكمخه

سامي : لا لا بابا الريم عيب هذي اختك الكبيره

الهنوف زعلت وطلعت لفوق انحرجت يا حرام ولحقتها العنود توامها

نجود : الريم وش ذا الكلام الحين الهنوف كلمتك والا كلمت جدي ؟؟؟ روحي تأسفي لها

الريم : بعدين بعدين

بتول بصوت مبحوح بالغصب يطلع : جدي كح كح جدي

سامي : اسمالله عليك جيبو لها مويا

نوف (ماتت ضحك تعرف بتول تنحرج اذا فيه احد )

بتول تغمز لها يعني اسكتي : اقول جدي

سامي : يا عيونه

بتول : نبغى نطلع شوي انا ونوف والبنات شوي ونرجع ما نطول يوصلنا السواق ويرجعنا

سامي : بهالليل عاد ؟؟ انتو تعرفون اني ابغاكم تنبسطو بس عندكم الصباح والعصاري اما المغرب وبهالليل
والله اني اخاف عليكم

بتول : لا جدي ما حنا مطولين بس نتسوق شوي ونرجع والله ما حنا مطولين

سامي : ساعه تكفيكم ؟

بتول فصخت الحيا مره وحده : خلها ساعتين

خالد : جالسه فمزاد انتي ؟؟

بتول : ..........

سامي : ساعتين اذا زادت صدقوني ماراح تنعاد

نوف : مشكور يا جدي

سامي : دانه بتروح معكم صح ؟

نوف بخيبة امل : لا دانه فوق راقده تقول اذا مشوا هلي قعدوني

(دانه بصاله فوق تحاكي بالجوال من اول ما وصلت)



سامي : والله مادري ليه هالبنت ما تطلع ولا تشم هوا زي هالبنات

ام دانه : لا ما عليك يا عمي تطلع وتروح بس تلقاها شوي تعبانه

سامي : اجيب لها الطبيب ؟

ابو دانه : لا ما يحتاج مايحتاج الحين تنزل

نوف والبنات عدلو لبسهم والميك اب ولبسو عباياتهم الكشخه ونزلو من الباب الثاني عشان ما يشوفونهم

اهلهم ويغيرو رايهم بس وراهم الشباب ما حيتركوهم






عند الباب واقفات بدون شيال بس يكركرن على اتف الاشياء كنهن شاربات شي



نوف : تبوله والله انك ضحكتيني علام السانك انربط ما هقيتك كذا

نجود : ههههههههههه احلى شي ان الهنوف والعنود ماهن رايحات

بتول : فكه

نجود : وجعه انا اللي بس اقول

بتول : ههههههههههه

نجود : ههههههههههه

الماس : ياحرام يواسن بعض فوق هههههههههه

اول مره تعمل شي زين الريم خخخخخخ

نوف : ما انتن بصاحيات ،، المهم اخاف انروح حنا الاربعه بس !!

....

سالم طلع من الباب الثاني مع العيال : الا ما قلتو لنا على وين ؟؟؟


البنات يتلفتوا واول شخص دورو عليه خالد اذا مو فيه يعرفو يردو عليهم


نوف (اشوه خالد مو معهم) : رايحين للمول نشتري كم شغله ناقصه تبوله وجايين

بتول بصوت خفيف : أنا يا كذابه .. ؟

نوف تسكتها : أششش

ناصر : آه منك يا نويف ومن خططك (يأشر لنايف) تراهذي الراس المدبر

نايف : تعلمني فيها ؟؟؟ اختي وخابزها ؟؟

سالم : حرام عليكم وش فيكم كلكم على البنت ؟؟

نوف تفرح اذا شافت سالم يحكي بهالطريقه تفرح لما تشوف وجه ناصر منقهر

فارس ولد ساره : أروح معكم ؟؟

ألماس بصوت خفيف : حياك الله

بتول تحاكيها : الله لا يحييك يا لمووو وش نبي فيه والله ينكد علينا هذا اكبر مغازل في المملكه مشهووووووووور هناك


ألماس بخيبة امل : فارس ؟؟ مو بلابق

نايف : نجود وراك ساكته ؟؟

نجود ارتبكت (ليه كل ما يكلمني هالنايف أخق ليه ؟؟؟) : لا عادي

(امحق هذا رد مالت علي وعلى وجههي وشهو اللي عادي ؟؟؟)

دخلو سالم ونايف لداخل وبقى فارس وناصر

نوف : يلا يا بنات لا نتأخر الساعتين راح منهم الكثير

ناصر يخزها : راح منهم الكثير ها ؟؟؟

نوف : ناصر وراك تعلق على حكيي ياربي وش سويت له انا

ناصر : فارس ابوي يناديك جوا .. ؟

فارس: ما اسمع شي

ناصر : قاعد يصايح استح على وجهك

فارس: يووووه قول ادخل لجوا وفكنا ياخي

ناصر : شسوي فيك دلخ منت راضي تفهم

وهني مشت نوف للسياره تلحق البنات اللي ينتظروها جوا

ناصر : لا والله اخليه يدخل جوا عشان تروحي وتتركيني ؟؟؟

نوف : ان قعدت معك راحت الساعه

ناصر : وليه مستخسرتها فيني ؟؟؟

نوف : ما اقصد بس حرام البنات


ناصر : تكفين يالبنات ، اللي يسمعك يقول شايله همومهم ،، ما كأنك موديتهم للسوق

نوف : ناصر وش عندك ،، وش تبي الحين ؟؟

ناصر : طيب تغطي الحين السواق جا

نوف وحطت الغطا على وجهها تنتظر ناصر يكمل حكيه

ناصر : وش سالفة الخطبة مدري الصفقه

نوف وتتحسب على بتول (يا جعلك للموت يا بتول كانك ما ينقال لك شي الشرهه مو عليك على نجيد وش
يفكني منه الحين ؟)


نوف :اي صفقه ؟ وانا وش دخلني ؟

ناصر : مافيه وقت لمزحك تكلمي ،، البنات يطالعون فينا مهيب حلوه




نوف : علم حالك ،، خلني اروح يا ناصر

ناصر وحس كأن صوتها تغير بس كمل حكيه : وش موضوع الصفقه يا نويف مين هذا اللي يبون يلزقونك فيه

نوف بصوت مبحوح مره : مافيه سالفه

ناصر استغرب نوف تبكي ؟؟ اكيد فيه شي : نويف يا قلبي ليه تبكين ؟؟

سحب الغطا وطلعت نوف غرقانه بالدموع انصدم من ملامحها كيف تغيرت !!!!!


ناصر والخوف بان عليه : نوف فيه شي انا ما اعرفه ؟؟؟ علميني واللي يرحم والديك

نوف : ...............


ناصر يرد شعره لورا : اخلصي يا بنت الناس ما انتي بطالعه الا لين تقولين


نوف : ناصر والله لو احد من اخواني يشوفني كذا ليشك بشي

ناصر : مافيها شي ياما سولفنا مع بعض وين المشكله


نوف : انا اقصد شكلي ووجهي

ناصر : غطي وجهك الحين وتكلمي يلا اسمعك انا


جتهم بتول تركض: واحنا هذي حالتنا مايخرب طلعتنا الا انت او نو.....

(جت تبغي تكلم وسمعت صوت نوف تبكي وناصر يأشر لها تروح للسياره) راحت بدون ولا همسه


نوف وهي تبكي : ناصر وغلاتي عندك لا تسأل هالسؤال حتى الطلعه ماابغاها بروح جوا

ناصر : تحلفيني بغلاتك وانتي عارفه اني ماني رادك ،، عالعموم بقعد طول اليوم مهموم وضايق صدري الله يسامحك يا نوف

نوف (ياويل حالي لا والله ما ابغاك كذا بس كيف تبغاني اشرح لك والله ما فيني ،، حتى ماقالي نويف يعني
اكيد زعلان)


نوف : فمان الله يا ناصر

دخلت لجوا ولحقوها البنات

نجود : ياويلي على نوف انتي متأكده انها تبكي ؟

بتول : ايه يا عمري قطعت قلبي وربي

الماس : اففففففففف حوبت الهبلات كله منهن


نجود : حنا وين وانتي وين




█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 16 أبريل - 0:14

الفصل الرابع




الجوهره جالسه تحلم كعادتها ولا بسه بيجامة البيت و بجنبها امها تقص السلطه بيجيهم ضيف

الجوهره : يمه ما تعرفي مين هذا اللي محتفي فيه عزيز ؟؟؟



منيره ام تركي : ومن متى اخوك يعلم بخوياه اذا جو والا راحو ؟



الجوهره : طيب تتوقعي كيف شكله ؟؟



منيره : وجعه قومي ساعديني بدال هالكلام اللي مامنه فايده



الجوهره بدون نفس : طيب

ساره بالمطبخ تعمل الرز والدجاج طباخه على امها وست بيت ما شاءالله

عزيز متعطر ومبخر الديوانيه ومكلم ابوه وتركي عشان يستقبلون الضيف معه



وابو تركي وتركي مستغربين ما يدرون من هذا اللي جايهم واللي عزيز فرحان فيه





//


........ : يا حياتي علامك وش صار بينكم ؟؟



نوف : ...........



نجود : يا بنات شوي اطلعو برا بس كم دقيقه بعدين تعالو


دانه دخلت عليهم والا نوف تبكي

دانه : هههههههههههههه وش فيك يا نوف اول مره اشوفك تبكين




نجود تناظر باختها مصدومه : وآخر مره ان شاءالله



شوي يا بنات ابغى احاكيها شوي

دانه : تطرديني وانا اكبر منك ؟ وهذي قعده ماني بطالعه أبغى اتفرج هههههههه



ألماس : وش اللي يضحكك يا دانه عيب عليك هذي بنت عمك


دانه : حتى البزارين طلع لهم لسان يحكون فيه !!



نوف : الماس خلاص عاد هذي اكبر منك عيب



دانه : هذي لها اسم يا نويف




نوف بعصبيه يا شينه على لسانك : لا تقولي نويف فاهمه اسمي نوف والا اقولك لا تجيبي اسمي خير شر



وطلعت من الغرفه متنرفزه (الله يسامحك يا خالد كذا تخلي دموعي تنزل وتشوفها الناس وتتشمت فيني الله يسامحك)

لحقتها نجود تحس قلبها يتقطع على بنت عمها واللي اكثر من اختها




نوف
ما تترك احد زعلان تحاول تضحكه لين ما ينسى لكن لما تحتاج لحد كلن يروح
وابقى انا عندها لا اقدر اضحكها ولا انسيها الشي الوحيد اللي اقدر له اني
اسمعها بكل حواسي واحس فيها وابكي معها



نجود سكرت الباب : هاه يا نوف بقينا لوحدنا احكي تكفين قطعتي قلبي



نوف : ناصر نا نا ص (بكت زياده)



نجود تلمها : وشفيه احكي ،، ناصر وشفيه



نوف : ماقدرت اقوله شي من الموضوع كل ما اجي احكي له ينربط لساني وكأني توني اتعلم كيف اتكلم



نجود : ياربي منك يا نوف ان شاءالله ما يصير الا كل خير وان شاءالله تطلع السالفه كلها كلام في كلام الله
يهداك بس ليه معذبه نفسك ومعذبتني معك



البنات برا شوي ويموتون عليك وانتي تصيحين



نوف : والله مو قصدي بس ناصر اذا عرف احتمال يصير فيه شي او يسوي شي هذا مجنون



نجود وقفت : بس بس لا تبكين خلاص انسي السالفه كلها ان شاءالله كلها كلام يا بنت الحلال ،، بعدين
كيف تقوليله وهي ما صارت لهالحين



نوف : وانتظرها ليما تصير والله ليقتلني يحسب اني راضيه آخذ واحد غيره (بكت اكثر)



نجود : نوفه حياتي وربي انك تخوفيني كذا بلا هالدموع كلها صوتك وصل تحت لا تشاهقي كذا اشربي اشربي مويا



نوف : والله ان خذيت غيره لاقتل نفسي ،، تعرفي شنو اقتل نفسي هذا ناصر



نجود
: عارفه يا عمري والله عارفه بس انا ماراح اسكت والله لو اروح لعمي راشد
واخوك النذل خالد واخرب كل شي عليهم بس ما اشوف دموعك كذا




نوف : ياويلي كرهت نفسي والله
وناصر ماعاد يكلمني لاني مارديت عليه




نجود : انتي رقمه مو عندك كلميه



نوف : اكلمه وش اقول ؟؟ ما اعرف ماني قادر هانا بالغصب ارسل له مسجات حاله حال فارس وسالم



نجود : طيب ارسليله السالفه مسج



نوف : والله اخاف يصير فيه شي ،، هذا بغى يزعل من اخوه سالم وهالحين تبغيني احاكيه بالموضوع اقولك اخاف اخاف

نجود : تبيني اقوله ؟؟



نوف : يانجود افهمي انا ما اخاف منه اخاف عليه ،، نفس الشي ماكنك غيرتي شي



نجود : طيب وش تبغيني اعمل ؟؟



نوف : يا قلبي يا نجيد ياحبني لك والله خليها على ربك وهو يحلها



نجود : سبحانه




ناصر في بيتهم لوحده


بصوت عالي : ميييييييييييري ميري ما تسمعين انتي ؟؟



جيبي ثوبي



ميري وكانها زاريه عليه : بابا ثوب قدامك !



ناصر بصوت اعلى وكنه يحط الحره فيها : وين جزمتي الثانيه ؟؟ الجديده وينها ؟؟

ميري وعليها علامة تعجب كبيره : هذي بابا كلو موجود

ناصر : طيب روحي عن وجههي



وجلس يناظر نفسه في التسريحه (وراك معصب وش ذنبها المسكينه ؟ لا والله ماهي بذي المسكينه .. ، ،

المسكينه نويف كيفها الحين ؟؟ كيف اتركها وهي بهالحاله ؟؟ حتى ماعرفت منها القصه ؟؟ ذابحتني العزايم

مالت علي و وعلى المواجيب ،، اوجب نفسك بالاول !!! ودي اتصل فيها بس ياربي ماني بمتعود اتصل فيها

هي بالذات ،، الا ليه ما اتصل فيها حالها حال نجود والماس ليه احاكيهم واسلم عليهم فجوالاتهم ؟؟ مممم لا

لا نوف غير ما تحب احاكيها فيه افففففف)



انا تأخرت : والله مادري من وين طلعت لي يا عبدالعزيز


//





....... : هلا هلا والله حياك يا ولدي



نورت البيت والله بجيتك



ناصر وهو يناظر في البيت : هلا فيك يا عمي كيفك ؟



الجوهره فزت على صوته وريح عطره واصله لعندها تناظر من فتحت الباب : ياااااااااااااااااي يازينه وربي انه
افدع وش ذا الحلا




ساره اللي مالها في هالسوالف جت ركض من كلام اختها،، عاد الجوهره ما تمدح الا اللي عليهم القيمه

على قولتهم : وخري خليني اناظر يا شينك



الجوهره : خلاص دخل ،، اقول عشاك مضبوط ؟؟؟ عساه يبيض الوجه ؟؟



ساره : تدبين من عشاي وغداي صارلك سنييين والحين جايه تنشدين اذا يبض الوجه والا لا ؟؟

الجوهره: يووووووه اسكتي طيب ،، اقول يمه وش سويتو مقبلات ؟؟



منيره : منهو هذا ؟؟


الجوهره : هههههههههههه مقبلات يمه يعني مممممممم سلطات وحركات وش سويتو



منيره : ايه ايه كل خير يمه

الجوهره : تبغون مساعده تبغون حلا اعمله لكم ؟؟؟



منيره : وش ذا السنع اللي جا فجأه ؟؟؟ عساه اوله



الجوهره :يمه لازم تعرفين من ذا اللي جاينا تكفين يمه طلبتك



منيره : والله ماعدتي تستحين يا بنت عيب ما تفهمي معنى عيب ؟؟؟



الجوهره زعلت : ياااااااااااااااااااربي علامكم علي !!!!

منيره : اذلفي زيني السفره بلا قعدتك اللي ما منها فايده



الجوهره : الله يمه ازينها ويشوفني ويعجب فيني ويتزوجني زي الافلام ؟؟؟

منيره : يالله لك الحمد البنت طار عقلها خلاص ترا يمدحون شهار



الجوهره مشت بدون ولا كلمه تكمل حلمها اللي تشوفه كبيررررررررر وهو في الحقيقه صغير و لو يتحقق
بتطمح لاحلام اكبر منه بيكون هالحلم تافه وصغير لبنت بجمالها

لكن حلمها ما تحقق لان فارس احلامها سولف وهرج وتقهوى وتعشى ومشى






....... : اقول يبه وش رايك بصديقي ؟


مبارك : وش فيه زود عن ربعك الباقين ؟ حاله حالهم ؟



عزيز : افا يبه مالاحظت الرزه والكشخه والغنى



مبارك ابو تركي : عزيز انا شام ريحة مهيب بزينه لا تبلي ابن الناس بشرك وش تبي فيه ؟؟



عزيز تضايق لهالدرجه اهله يشوفوه حقير ومستعد يبع اي شي عشان الفلوس : افا يبه انا صرت بلاء الحين

ما قصرت والله يا بو تركي ،، انا تربيتك بس انا حبيت اسولف معك واشوف رايك




مبارك : رايي انه رجال من ظهر رجال كلامه واسلوبه ما تعطيه حتى 30 سنه ماشاءالله



عزيز : ايه يبه ترا 20 سنه اعتقد او 21



مبارك : الا منهو ولده ؟؟



عزيز : ها



مبارك : من قال هاه سمع ؟ من ولده ،، لو انه اللي في بالي والله لازعل منك يا عزيز



عزيز خاف ما توقع هالشي بيضيق صدر ابوه : وش دراني من ولده ؟ انا امه ؟؟؟



مبارك ذكي ويلقطها وهي طايره : تكلم يا عزيز




الجوهره استغربت ابوه ليه يحاكيه كذا واذا من ولده وش بتفرق يعني ؟؟؟ وشمعنى هالرجال بالذات ؟؟؟؟


عزيز : عطني الامان يا بو تركي



ام تركي : ........ ؟؟؟؟؟؟؟؟؟؟؟؟





الجوهره : !!!!!!!!!!!!




تركي : اخلص يا عزيز وش فيك ؟؟




مبارك بو تركي وبنبرة عالية مره : عزيز ،، هذا من عيال خوالك صح ؟



عزيز : ............ !



الجوهره بصدمه : خوالي ؟؟؟؟؟

عزيز : يبه والله ما كنت اقصد بس ......



مبارك : ولا كلمه مابي اسمع منك ولا كلمه بس قبلها لازم تعرف اني اا ما انحط بمثل هالموقف وش موقفي
لو كان الولد عارف اني زوج خالته والا عمته ؟؟؟ بطلع خبل بنظره ؟؟ ها ؟؟



عزيز : لا يبه محشووووم والله محشوم



تركي : هد اعصابك يبه كل شي يجي بالتفاهم

منيره وبنتها ساره طلعو لفوق



والجوهره ضلت مكانها مصدومه (سواها عزيز وجابه ،، صحيح انه وده يقرب ويرجع صلة الرحم بس مو بهالطريقه)


عزيز : والله يا يبه ما يعرف شي



مبارك : ترا على فكره كنت عارف انك جايب احد من عيال خوالك ولما ناظرت فيه تأكدت ،، لكن ما حبيت

احرجك واصغرك بين الرياجيل ويقولون انك عزمت وما تميت عزيمتك لكن الشرهه مو عليك على اللي عادك رجال




عزيز : يبه السموحه والله ما قصدي



مبارك
وصوته عالي ويأشر باتجاه ولده : مليون مره قلت لك اللي باعك بيعه لا تقعد
تلحقهم زي الكلب ،، مافكرو فيك ولا درو عن هوى بالك جاي تلحقهم وتدور
رضاهم ؟ ليه طيب ؟ عشان الفلوس ؟؟ انت ماعندك عزة نفس ؟؟؟؟ جدك لو يبينا
صحيح كان بكبسة زر يدل طريقنا لكن هو ما يبغى ،، محد غصبه بس في شي اسمه
كرامه



ارخص كل شي يا ولدي الا هي


عزيز ما عندي رد كان لحظتها وده يموت ويفتك من هالكلام : .......





انتهت هالليله صعبه على بيت ابو مبارك مثل ماهي صعبه على نوف وناصر

الجده سلمى تقهوه في حديقتها الكبيره قدام بيتها وبيوت عيالها الاثنين

وبجنبها نوره زوجة خالد



سلمى : والله مادري ليه سامي ماكان موافق عليك والله انك تنحطي عالجرح يبرى



نوره محد مصبرها الا هالعجوز : الله يجزاك خير يا جده والله ان كلامك وحكي كزي البلسم



سلمى والكلام يخرج من فمها بصعوبه من التعب والشيخوخه : والله اني صادقه يا بنيتي الصباح بهالوجه الحسن وش احلى منه ؟




نوره : انا اقول جدي ليه يحبك ؟هههههههههههههههه يازين حكيك



سلمى : ههههههههه الله يسلمك يالحبيبه



خالد داخل : وكل الكلام الزين بس لنوره ؟ وانا مالي شي ؟؟



سلمي : هي اهم منك يمه هي محتاجته لانها مره تحتاج اللي يمدحها



خالد : حكيمه يا جده ،، يعني هالمدح كله كلام وبس ههههههههههه ؟



سلمى : لا والله ياوليدي يا خالد لو تدور بهالكون كله منت لاقي زي نوره محد يتصل فيني ويذكرني بأدويتي من بعد منيره الا هي



نوره : منيره من يا جده هههههههه ؟



سلمى باستغراب : وش جاب طاري منيره ؟



نوره : انتي اللي قلتي يا جده



خالد يلم السالفه : جدتي قالت ساره بس انتي سمعتيها تقول منيره



نوره روحي لعيالك ريتاج تبكي فوق عند فيصل




نوره بصدمه (وش فيه خالد ) : ابشر ،، سلا م يا جده



سلمى ودموعها تنزل : عزاااااه يا منيره والله اني مانسيتك يا بنتي شكلك نسيتي ان عندك ام



خالد : يا جده انتي وش فيك ،، مو جدي سامي قالك انها ماتبغاكم وانها عايشه في الامارات وش جاب سيرتها




سلمى
تمسح دموعها بكفوفها : يا خالد بالعقل الله يخليلك عيالك ،، وحده كانت
تمسح دموعي قبل توصل لخدي كيف تبغاها تقول انا ما ابغى امي او اهلي ؟؟؟




خالد : هاه ؟ وش يعني ؟ مانتي مصدقه جدي ؟



سلمى : جدك ؟؟ جدك اذا ما اعجبه شي وداه ورا الشمس وانت عارف ليه ما كانت عاجبته منيره الله يذكرها
بالخير


خالد وكنه يقول ماشاءالله يا ذكاءك يا جده : حرام عليك تظلميه



سلمى : قامت من الكرسي وناظرت بخالد نظره كلها حسره وكأنها تقول جيب لي بنيتي ،، ومشت واتركته




//


نوف اجلست من النوم عليها بجامتها البينك وشعرها الي على عيونها ناظرت بالساعه وانصدمت



نوف : اوووف الساعه 12 الظهر ماصليت الفجر استغفر الله استغفر الله



ركضت للتواليت بس قبلها مرت لعند الماس اللي الغطا كله ملحفه فيه الارض راحت ولحفتها زين وقومتها تصلي

اخذت شور سريع وصلت و نزلت بميك أب خفيف وبجينز أزرق غامق وتي شيرت ابيض



صباح الخير بابا صباح الورد ماما



ناظرت فخالد وما كلمته



خالد : آهآ يعني يا خالد ترا ما سلمت عليك



نايف : وش فيك خالد ما تقصد ياخوي حتى انا موجود وما صبحت علي



صبحت على امي وابوي يعني كأنها صبحت علي



هذي نوفه لا تزعلها يا خوي




نوف وبكل جرأه : صباح الياسمين يا احلى اخو في الدنيا صباح الخير يا نويف يالغلا




خالد قام من مكانه : انتي لو تستحين ما سويتي كذا ماشاءالله عليك يانوف كله من نجيد ماليه راسك

نايف وقف : خالد الله يهداك وش فيك ؟؟؟ وش دخل بنت الناس ؟؟؟ بعدين اختك ما غلطت
كبرت السالفه عشان صباح الخير ؟




ابو خالد : كملو كملو ما كأن فيه احد جالس واذا خلصتو علموني



خالد : لك الحشيمه يبه بس وش ذا الحكي انت شفت بعينك



نوف وبقوه غير معتاده : والله انا اصبح على اللي ابغى ومتى ما اشتهيت

خالد : نويف احترمي نفسك ترا الحشيمه لابوي لا تخليني اضربك ليما يطلع الدم



نوف بعصبيه مالها داعي : لا تقول نويف فاهم لا تقول نويف (وكأنه ذكرها بناصر) وجلست تبكي على الكرسي

نايف يهديها نوف حياتي هذا اخوك ما يصير تكلميه بهالطريقه



الماس وتفرك عينها من النعاس : انتم علامكم محد يرقد عندكم



خالد بصوت عالي : اذلفي فوق لا اكمل عليك



الماس من اول ماشافت خالد فتحت عيونها على كبرهم اهربت لفوق شوي وتزلق على وجهها

ام خالد مالها كلمه وبوخالد موجود جالسه وتوكل حمودي





راشد ابو خالد : اسمعني يا خالد مالك كلمه على خواتك وانا عايش فاهم ،، لا مت سو اللي تبغى
نايف اسمالله عليك يبه




خالد وهو منزل راسه : الله يطول لنا بعمرك



وراشد يكمل : والموضوع اللي خبري خبرك اللي يخص نوف والكمخه اللي جايبه ماني موافق عليه وقوله ما
عندنا بنات للزواج ( وأخيرا قلتها يا بو راشد وفكيت نفسك من التفكير )

نوف راحت دموعها وجفت فجأه (ياي يا بابا والله احبك اكثر من كل شي بهالدنيا) ركضت وباسته على راسه
الا هذي نجود داخله ..


.......... :السلام عليكم

خالد وهو يناظر لفوق : كملت

الكل : وعليكم السلام

ام خالد : تعالي يمه افطري معنا



نجود تناظر فخالد : لا يا عمه انا جايه اتطمن على نوفه



ونايف يطالع هالبنت اللي نسخه من اخته بالشكل والمضمون بس هذي حياويه اكثر قال :



نوف تنتظرك ماليوم ..

نوف بقلبها ( يا حبيبي يا نايف لسانك ما ينطق الا بالخير والله ما تستاهلك دانه الله لا
يجعلها من نصيبك)

ركضت نوف لنجود وسحبتها من يدها وركضت فيها لفوق



وفجأه لقو لموووو على السلم نايمه



ضحكو عليها وماطوفو هالمشهد لازم يصدقونه بالصور



نوف بهدوء : طلعي طلعي جوالك بسرعه



نجود وهي تطلع جوالها : هههههههه ماني قادره من الضحك طلعيه انتي هههههههههههه آه يا بطني كنها
اللي في المجاعات حقت افريقياهههههههههه



نوف حرام تبوله ما تشوف هالمنظر



واول ما طلع صوت الفلاش قامت الماس متخرعه : علامك ؟؟



نجود : مافينا شي يا عمري هههههههههه قومي نامي على سريرك ههههههههه



الماس : ابغى مره اشوفك ما تضحكين مالت



نجود تحد سنونها : النايم ما عليه شرهه اذلفي نامي لا اخنقك



طلعت تنام الماس وهي ما تشوف اللي قبالها

نايف واقف يناظر فيهم : والله انكن مفهيات ماعندكن شغل !!



نجود: ........... ؟؟؟؟

نوف وهي تتعبث بالصوره : ههههههههههه من متى وانت هني ؟؟



نايف : بشري بس ارسلتوها لتبوله ؟؟



نوف : هههههه ايه هذي هي تتصل يلا نجيد امشي
جاو خيي



نايف : جاوات


[center]

يتبع الفصل الرابع




تبوله : هههههههههههههههههههههههههههه

نوف : ههههههههههههههههههههههههههههههههه




نجود مقربه اذنها للسماعه : وش تقول ؟؟ ههههههه


نوف : بس تضحك ،، ضحكتها تضحكني

نجود : ها !! كيف يعني ؟؟

نوف : صعبه صعبه عليك ههههههه

تبوله : هههههه ودي انشرها بس قلبي ما يطاوعني بنت عمي حرام

نوف : هيه تبوله يا ويلك الحين امسحيها لا يشوفها واحد من اخوانك والله لتسود عيشتي

الماس ،، تعرفيها اهم ما عليها بريستيجها


تبوله : ابغى فارس يشوفها عشان ما تطل بوجهه وتنفش ريشها عنده ههههههه

نوف : هههههههه ياويلك من الله يلا امسحيها

تبوله : صوره مثل هذي المفروض ما تمسح بس عشانك ،، الا ما قلتيلي وش سر السعاده اليوم ؟؟؟

نوف : اقولك بعدين يا احلى بنت عمه في الكون

تبوله : ايه ايه اكذبي علي اصلا من فيه غيري من بنات عماتك ،، وحده اللي هي انا

نوف تفكر : ههههههههههههه تصدقي ،، توني الاحظ ؟؟

بتول : مالت بس خربتو .. نومتي باي

نوف : هههه بايات



نوف : امشي الغرفة

بغرفة نوف اللي ما تخلى من للمسات الانثوية الراقيه

نوف واقفه بجنب السرير: تعرفي نجود ابغى احاكي ناصر الحين ودي اطير له واقوله اللي بخاطري
وارجع لك والله ما اطول

نجود : يالله لك الحمد وين تطيرين وليه ؟؟ لهالدرجه السالفه تستاهل

نوف : ياطويلة العمر لو انك مقدمه جيتك شوي كان سمعتي النزاع السياسي اللي صار بيني وبين خالد

نجود : خالد مره وحده .

اسكتي خليني احكي لك

..........................................
[center]
قام ناصر من النوم وجلس مع سالم اللي كل ما يجلس معه لازم يسولف له عن نوف وكنه يبي يقهره

سالم : طافك امس من شفت ؟

ناصر : رجاءا بتكلم عن نوف بطلع وبترك لك الغرفه من الاخر ،، ماصارت ياخوي كنك تتعمد تضايقني


سالم وكنه وصل للي يبيه : انت علامك شبيت نار الله يهداك ؟؟ انا اقصد خويك علي

ناصر وكنه انحرج (الله يسامحك يا نويف كانك تبين تجننيني) : اها

سالم : وش سالفتك مع نوف انت ؟

ناصر : نعم ؟؟ ليه وش سالفته بعد وش تشوف حضرتك ؟؟ مابيني وبينها شي

ليه فيه شي بينك وبين دانه ؟؟


سالم : يع عاد اذكر شين زين أكيد لا ،، بس ليه تغير السالفه

ناصر : انا اقوله كمثال نوف حالها حال غيرها ،، بعدين والله ماني بناقصك انا

وبهاللحظه ارسل المسج لجوال نوف وتجرأ:


من لا يوريني غلاي وانا حـي
مابيه لامن مـت يبكـي عليـه


ومن لا يحط ايديه بالضيق بايدي
وقت الرخا كلن غني عن خويـه..!


/

نوف مسكت الجوال وصعدت فوق سريرها : نجود نجود ناصررررر وربي هو


امسكي تأكدي اقرصيني ،، عطيني كف

نجود :وش صار يعني ؟ اول مره يرسل لك يعني ،، عادي حتى حنا يرسل لنا

نوف ابتسمت : انتي مو فاهمه شي حنا متفقين ما نرسل لبعض شي كذا جت فمزاجنا

نجود وهي تقوم من مكانها : والله مانتو بصاحين اشوف ابغى اقرى تخبي شي عني

نوف وتحط اصبعها عند شفايفها : لا افا عليك بس وش ارد عليه

//




نوف كتبت له : اسم الله عليك يا ناصر من الموت عسى يومي قبل يومك ياولد عمتي

ناصر وقف يم الشباك وهو مبتسم وأشر لاخوه : بعدين بعدين نكمل

سالم حس انه فيه شي !!!

سالم قرر يتصل بنوف ويشوف اذا هي ردت بسرعه يعني هي صاحبة المسج وراح تعتقد اني انا ناصر ..

طلع من الصاله ودخل الصاله الثانيه واتصل بنوف اللي على طول فكرت انه ناصر (مع ان ناصر

موصيها ترد عليهم كلهم الا سالم ،، وسالم بالذات )


سالم ماصدق خبر ردت عليه من اول دقه

نوف بابتسامه : هلا

سالم بصوته المميز : هلا نوف كيفك ؟

نوف مصدومه : سالم ؟؟؟

سالم ايه سالم اجل تحسبينه من يا بنت خالي ! ماني فاهم

نوف : سلامتك ولا شي ،، وش بغيت ؟؟

ناصر ارسل مسج لنوف بس ما فتحته

ناصر وهو ياكل تفاحه : من تحاكي سالم ؟


سالم : وش بغيت ؟

نوف على الخط ماتدري وش ردة فعل ناصر اذا عرف انها عالخط وش بيفكر فيها (تلعب
عالحبلين !!! )،، هذا وهو وصيها ،، اففففف هذا كيف افهمه

رحتي فيها يانوف

ناصر : ياخوي بس انشدك عادي .. اسمع صوت بنت من هي هذي ؟؟



سالم ببرود : نوف

ناصر ولا حاط في باله انها نويف : نوف من ؟؟


سالم : من غيرها نوفه بنت خالي راشد

ناصر: سالم عاد احترم نفسك وبلا تريقه ترا زودتها بسالفة نوف وش سوت لك البنت حاط دوبك
ودوبها الزم حدودك ياسالم اخلص من هي هذي ؟؟؟

سالم انتظره ليما خلص حكيه : والله ياولد امي وابوي انها نوف وقال ببرود : تبغاني احلف لك على المصحف ؟؟؟

سالم : هلا نوف ،، يلا انا اكلمك بعدين تامري بشي ؟؟

نوف حاطه يدها على فمها من الصدمه (سالم حقير !! ،، ايه حقير والا ليه يسوي كذا وهو عارف ان

ناصر يحبني وانا احبه ليه يخرب كل شي وهو فرحان ؟ هذا وهو اخوه)
ناصر تركهم وصعد


سالم : ناصر يااااااااا ناصر وشفيه هذا

نوف بصوت مبحوح : فمان الله وسكرت الخط




نجود والله ماني فاهمه شي منكم ،، تبغون تجننوني انتم ؟

نوف دموع بدون ولا همس وجوالها بحضنها : ليه يحبون يحرقون قلب ناصر بالذات ليه ؟ عشانه
ارجل واحد فيهم ومايرظى بالظلم ؟ ليه؟؟؟؟؟؟؟؟؟

نجود : سمالله عليك جتك الحاله ؟؟ توك شزينك

فتحت نوف الرساله اللي من ناصر وكاتب لها فيها : ((ابغى احاكيك من جوالي دقيقه بس ..))

نوف وهي تبكي بكى يعور القلب : انا عارفه انه ما يبغى يحاكيني عقب اللي صار ،، ياليتني مارديت

ابغى احاكي ناصر طلعيه لي من تحت الارض ابوس رجلك

نجود اول مره تشوف نوف كذا :افا بس وانا اختك ،، تبغينه جوال والا اجبيه بكبره

نوف وجلست تبكي على السرير : مدري يا نجود بس ابغاه ابغى احاكيه والله ظلم


//


نجود ركضت للصاله واتصلت فيه من جوال نوف مارد عليها 3 مرات ،، ارسلت له مسج (( انا نجود رد )) مارد عليها

جا مسج فرحت نجود بس انصدمت بعد ما قرته:



علمتك القلب { الوفي ~
ما يخذلك فيه " إنتماء " !
وعلمتني كيف العشم في من تحبه .. [ يخذلك ]
ليه يا نوف تصغريني بعين اخوي ليه ؟؟؟
المرسل : ناصر



//


نجود : ياويلي هذا استخف كيف يرسل لها زي هالكلام والله ان شافته لتموت علينا ،، وش مسوي هالغبره سالم وش قايل ابفهم ؟؟؟

دقت عليه ما يرد عليها حتى من جوالها ما يرد

ياويلي عليك يانوف والله لاجيبه لك من تحت الارض

رجعت لبيتهم بعد ما تطمنت ان نوف رقدت
دانه : ياويلي منك ياعبدالله توك شايفني تراها مصخت ماني بحلاوه هههههه

عبدالله (تكرم الحلاوه عنك) : ههههه و به احد يشبع من الحلاو ؟

دانه : صادق بس ما عندي وقت انا ،،يادوب اطلع من جامعتي واجي اتغدى مع اهلي اشتقت لهم زمان عنهم

عبدالله : الله يسامحك يا دانو كذا تحرجيني ؟؟؟ لحظه لحظه معي خط

عبدالله : هلا تركي كيفك ؟

تركي : بخير الله يسلمك وش الدنيا فيك ياخوي ؟؟

عبدالله : كويس ولله الحمد

تركي : اعذرني يا اخوي تو شفت المسد كول

عبدالله : بس بغيت اعرف وين عن المزرعه مبطي؟ ؟؟؟

تركي : عندكم جمعه اليوم ؟

عبدالله : ايوه ياخوك ماعاد نشوفك الا بهالشركه السكراب ،، بتجمع الموظفين السكراب امثالي وامثالك هههههههههههههه

تركي : ياخوي احمد ربك احد محصل شغل هالايام

عبدالله الحمد لله على كل حال بس انا طايح على كنز علي بابا ان ضبطت معي الخطه فأنا امي
داعيتلي وان خربت فهي داعيه علي


تركي : الله يستر كلامك يخوف وانا اخوك على العموم الله يعطيك على قد نيتك تامر على شي ؟


عبدالله : هي هيه لحظه وش على قد نيتي ؟ ان الله عطاني على قد نيتي ماني مواجه الخير فحياتي كلها هههههههه


تركي : استغفر ربك ياولد اتركك الحين فمان الله


عبد الله : هههه سلام

عبدالله : هلا حياتي سوري طولت عليك

دانه : لا يكون تحاكي وحده ؟؟

عبدالله : لا والله احاكي خويي تركي عازمه على المزرعه

دانه : اها يلا انا نازله لمحاضرتي جاو

عبدالله : ربي يوفقك جاوات



//


قصر ابو داااااانه





نجود :بابا بابا رد علي تكفى




بااااااااااباااااااااا يااااااااااااا فواز ياااااااا بودانه

اففففففففف يا ثقل نومك يبه وش فيك اليوم ؟؟؟؟؟


[/center]

[/center]




█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 16 أبريل - 0:16

خلصت الموضوع و عايز ردود عشان ما يحصل زي الي حصل في توقيعي




█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
mohamedjss
معلن جديد
معلن جديد
ذكر
الجنسية :
عدد المشاركات عدد المشاركات : 288
تقييم المشترين تقييم المشترين : 0
العمر العمر : 26
معاينة صفحة البيانات الشخصي للعضو

في الإثنين 3 مايو - 12:26

بارك الله فيك
إرسال مساهمة في موضوع
اعلانات مشابهة