KW

الشتاء جه !! الناس الي عيزه تعمل تكتيل وضخامه للعضله فقط فقط وفي اقصر وقت ممكن

عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في السبت 26 سبتمبر - 20:21

احب ارحب بأحلى اعضاء في احلى واجمل قسم في اعظم منتدى وهوه الدي في دي ياارب تكونوا بخير وفي كاامل الصحه والعافيه بأزن الله وان يتقبل الله منا ومنكم صالح الاعمال ويجعلها في ميزان حسناتنا امين

الموضوع الجديد هوه موضوع صغير اوي بس مهم جدا للناس الي عملوا فرمه كويسه مثلا في فترة تمرين بس بينقصهم الضخامه العضليه والتكتيل للعضله هوه موضوع شبه معروف بس حبيت اكتبه ممكن حد ميكونش ورد عليه وكده

[b][b]الموضوع بيتكلم عن ازاي اعمل فرمه حلوه وضخامه وتكتيل في 6 شهور الخريف والشتااء(او بمعنى اصح قبل ما الصيف يهجم علينا)[/b][/b]


الموضوع ده ياجماعه بجد بيبقه فرصه لاي حد بيمارس رياضة كمال الاجسام انه ما بيصدق بييجي الشتاء علي شان يزود نفسه ويكتل العضله بس الحجات ديه بتبقه ليها اصول وترتيبات وان شاء الله نوصل لافضل النتاائج بازن الله




[b]وهنقسم الموضوع ده 3 مستوايات للضخامه العضليه:
1-مستوى اول من ناحية الضخامه(ضعيف)
2-مستوى تاني (متوسط الضخامه والتكتيل العضلي)
3-مستوى تالت (جيد الضخامه والتكتيل العضلي)
[/b]


طبعا احنا هنركز علي المستويين الاولنيين كويس اوي لان دول اساس الموضوع وبعد كده هنتكلم عن التالت شويه برده



[b]اول حاجه هناخد المستوى الاول خالص من ناحية التقسيم العضلي :[/b]



[b][b]بمعنى انته دلوقتي لعبت حديد لمدة معينه وجسمك اتقسم بس بمعنى العضله مرسومه فقط علي الجسم مفيش اي ضخاامه او تكتيل يدوبك تقسيم بس اقولك متخفش فرصتك انك تغير من شكل جسمك للمستوى التااني مش بعيده وان شاء الله ديه مش هتاخد وقت طويل وهنلعب علي عامل الشتاء
هنفرض مثلا ان الطول 180 والوزن 65 يعني ممكن يكون الشكل ده قريب من الي احنا بنتخيله وهنشتغل علي جسمه
هنبتدي ان شاء الله التمرين عادي جدا بالاوزان الي انته بتتدرب بيها عادي جدا في الصيف (الكلام ده من بعد ما تقرا الموضوع عليك انك تنفذه كويس اوي ) لمدة 3 ايام حب تقسيمك للعضلات المهم يكون الجسم كله استعد كويس اوي اوي
ونبدا بعديها بقه القرص التدريبي للتمارين:
مثلا اول يوم بنش(صدر):
هنلعب 3 مجموعات كل مجموعه 10 عدات ده زي ما احنا متعودين عادي انته كنت بتلعب ب10 و10 لا هتخش اول دور 15 و15 هتقلي ياكوتش طيب انا دلوقتي مش هقدر العب ب15 و15 هقولك عيش مع جو الصاله او النادي انده اي حد بكل ثقه(اقف بس معايه ياكوتش الدور ده ) الكلام ده لو انته بتلعب لوحدك حاول متضيعش الشتا من ايدك لازم تعمل فيه حاجه حاول تشوف اي حد بيتمرن قريب منك ليك كلام معاه حتى لو تعرفه سلام سلام في النادي كده ظبط معاه واتمرن معاه المهم نكمل موضوعنا انته قلتله معايه عايز منك اقل حاجه 8 عدات انتحار وعيزك تصوت وتطلع صوت جامد اوي وانته بتلعب
يعني تموت نفسك في الاخر(طبعا تكون مسخن بش كويس اوي ضغط وكابل ومظبط نفسك كويس اوي)
[/b][/b]
l]
خلصت الدور الاول خش في الدور التاني هنلعب 20 و20 بنش هتقولي ياكوتش انته بتهزر علي فكره اقولك لا انا عيزك تخرج من التمرين ديه البنش ولع وانته تعبت(مدة الراحه بين التمارين 30 ثانيه متزودش ) وبرده خليه واقف معاك
الدور التالت ههههههه متخفش هيبقه 20 و20 برده اقل حاجه للعدد الي المفروض تجيبه 6 عدات لو بتموت ومش قادر متنزلش البار الا بعد 6 عدات )
خلصت بار عالي وواطي بنفس الاسلوب هتجمع بقه كنت بتجمع مثلا ب10 و10 لا هتبدا 15 و15 هتبص تلاقي ايدك بدات تتعافى علي الدنبالز وهتلقي ايدك بدأت تتقل ممكن في الاول تحس ان الاعصاب فكت منك وممكن يحصل اي اصابه من الدبلز متخفش انته لازم لازم تتمرن ويكون معاك حد جنبك صحبك او اي حد في الصاله ولو امانه ومش هيحصل اي اصاابه لازم انك تعدي الوزن بتاعك في الشتاء والا عمر العضله ما هتكبر خاااااااااااالص

المهم نكمل خلصت بنش عالي وواطي وجمعت عالي وواطي برده وكملت تفتيح اوفر زي ما تحب المهم جه اليوم الي بعده كتف نفس الكلام الوزن الي بتبدأ بيه هتزود عليه نصه والدور الي بعديه هيبقه ضعفه (استحمل لازم نعمل حاجه والله في الشتاء ده) المهم خلصنا البنش والكتف والظهر والباي والتراي نفس الاسلوب برده هنرجع برده للبنش (مشيين بالترتيب بقه)
احنا كنا في الاول بدأنا 15 -20-20 كيلو صح لا هنبدا 20-25-25 كيلو عالي وواطي (طبعا انته هتقفل الموضوع وهتتخنق وهتقول ايه الراجل الي ميعرفش اي حاجه في اي حاجه ده ) علي فكره لعبت الحديد عيزه انك تحدد لنفسك خصم وهوه الوزن لازم تكسره وتتغلب عليه مع التركيز انته كده عملت كل حاجه وبرده مش عيب لمه حد يساعد خفيف معاك وحده وحده هتلاقي نفسك ظبطت جامد اوي من ناحية الاعصاب هنستمر علي النظام ده لغاية 25 كيلو في البنش لمدة 3 اسابيع (الكلام ده برده بنفس الاسلوب للكتف والظهر بس مش هشرح كل حاجه علي شان منكبرش الموضوع اوي )



وعيزك بعد 3 اسابيع تيجي تجرب تلعب ب10 و10 زي ما كنت ماشي هتحس ان درااعك بيشيل الهوى ومش حاسس بحاجه خالص هتبص تلاقي نفسك بتقول ايه الوزن ده هتزود اتومتك شويه شويه هتقول لصحبك سبني اجرب كده لوحدي (بس انا عايز النقطه ديه انته كده خدت ثقه في نفسك عااااليه اوي اوي اوي خلاص انته كده بقيت باشا في الجيم بترفع اوزان كويسه عندك جرأه تزود اوزان وفي نفس الوقت العضله اشتغلت والله هتحس بتغيير رهيب جدا جدا في جسمك مع النظام ده وده مجرب كتير اوي والناس القدام يعرفوه كويس اوي اوي بس الواحد بيقول ومش عيزين الا الثواب بس مش اكتر

المستوى الاول انا برشح ليه مكمل ميجا ماس 4000 بدرجه كبيره اوي مع النظام ده (ومحدش يقولي كورسات خااالص)
مع النظام ده والميجا ماس وطبعا موضحين طريقته كويس اوي واستخدامه اكتر من مره في باقي المواضيع هتاخد 6 شهور السقعه زي ما بنقول لو مشيت علي النظام ده والميجا ماس 4000 ونظام تغذيه متزن يكون بيحتوي علي بروتينات+نشويات



(بطاطس اهم حاجه) وفواكه اهم حاجه طبعا بنظام شوف جرب مش هتخسر حاجه وهستنااك علي دلخة الصيف الي جاااي ومش عايز منك الا دعوه بس بالخير مش اكتر(ياخوفي تظبط وتيجي تضربنا بعد كده هههههههههه)
وكده ده المستوى الاول الحمدلله خلص




[b][b]نخش علي المستوى التااني: [/b][/b]



وده الناس الي لعبت حديد وعملت فرمه كويسه ضخامه معقوله جسم كويس بنسبة %75 يعني حاجه زي المنيكان الي في الصور وعيزين ضخامه عضليه يعني يزودوا علي الجسم والعضله من ناحية التكتيل هنقول الجسم ده مثلا طوله 182 ووزنه 79 مثلا يعني شبه كويس طبعا الناس ديه الكلام معاها هيبقه بحزر اوي(دول خبره ياعم الحج هههههههههه)

المهم نكمل مثلا انهرده احنا عندنا بنش هنبدا النظام ده من بعد قرأة الموضوع برده ب3 ايام تسخين شامل للعضلات(عادي النظام الي انته ماشي بيه يعني)وبعد كده نخش في النظام والكورس بتعنا
هنخش مثلا بنش عالي (بعد تسخين كويس اوي نسيت اه ناس قدام برده هههههههههه اسف ياابطال)
كنا بنتمرن مثلا 20 و20 كيلو مثلا في الاول وتاني دور 30 كيلو وتالت دور 40 كيلو مثلا(40 و40 يعني كل جنب 40 كيلو) هنمشي علي النظام ده:
هناخد اربع مجموعات :
المجموعه الاولى :هتبقه 12 عده (التكرار 12 مره) الوزن العادي الي احنا متعودين نبدأ بيه
المجموعه الثانيه: 10 عدات بوزن 30 و30كيلو (لسه بدري متقلقش التقيل جي ورا)
المجموعه الثالثه:8 عدات بوزن 40 و40كيلو
المجموعه الرابعه:6 عدات بوزن و5050 كيلو (شيفك وانته بتدعي عليه هههههههههههههه)
وبرده مفيش مشكله لمه حد يقف معاك امان حته وعيزك تصوت وتنتحر في الجم (اوعى تكتم النفس جواك اتنفس بصوت عااالي كمان مهم جدااااا)
خلصنا بنش عالي وواطي وتجميع عالي وواطي وتفتيح واوفر وفراشه زي ما تحب المهم النظام ده في كل التمارين وانته عادل النظام ده علي اوزانك كل واحد بيختلف عن التاني وبرده الكلام ده بنفس المجموعات هيطبق علي الكتف والظهر والباي والتراي والرجل كله بنفس الاسلوب ده وشوف النتاايج واقسم بالله هتدعيلي بدل ما انته عمال تدعي عليه هههههههههه

والمستوى الثاني انا برشحله كريتان من افضل المكملات للمستوى ده من وجهت نظري الشخصيه وهيجيب مفعول هاايل


معاهم برده بجانب التغذيه السليمه زي ما وضحنا فوق وهنشوفك بعد نهااية فصل الشتا ومش عيزين الا دعوه بس كويسه
وكده المستوى التااني برده انتهى



[b]المستوى الثااالث [/b]:


[b]ودول الناس الي بسم الله ما شاء الله عملوا فرمه هاايله بضخامه كويسه وعاليه والناس ديه بتبقه قدمها حاجه من اتنين اما يزود ضخامه ويشرخ العضله اما يثبت جسمه علي كده ويحافظ علي شكله بالصوره ديه
طبعا دول انا هقولهم ايه ديه ناس تقيله اوي اوي (هروح انا فين فيهم ههههههههههه) دول بقه ممكن يخدوا المستوى الثاني في حالة البطولات وهيخدوا معاه التشريخ الي هوه وزن خفيف تكرار كتير ودول ما شاء الله يعني هقول ايه مش عارف بس همه ممكن انهم يزودوا في الشتا(البحر يحب الزياده ولا ايه ) وهنصح بنظام المستوى التاني ف التمارين
[/b]

[b]ودول انا برشح ليهم امينو2222


وده علي شان يدي عضله بيور مع التمرين تحتفظ العضله بشكلها وضخامتها وتصفيها من اي نسبة دهون وهيظبط جاامد اوي معاهم
[/b]



[i]في الاخر هختم بالتغذيه ياجماعه معروف الشتاء بيحب الاكل وبيحب الحديد ده الواحد عرفه من ساعت ما بدا في اللعبه ديه




عيزك تدوس في الاكل وتاخد بالك من الحجات الي فوق كويس اوي يعني 4 او 5 وجبت يوميا علي قد ما تقدر في حكاية
الوجبات وتعمل زينا (ههههههههه احنا كنا نخلص التمرين بس الكلام ده من فتره ومثلا نبقه 5 مع بعض ندخل محل كشري مثلا او اي حاجه اسماك الي يقف قدمنا عارف كنا ندخل ناكل وننزل في اكل اول واحد هيقوم يقول انا شبعت يحاااسب لكله ههههههههه شوفوا الافترى افترى بجد تخيل 5 ........... ههههههههه بيكلوا كده هينزلوا كل بكام خراااب بيوت يعني ههههههههههههه واول واحد بيقوم بيحاسب ومش بهزار بجد هههههههه افترى حقيقي يعني)
[/i]


[b][b]وانا قصدي بس والله من الموضوع ده ان الشتاء ده ميفوتش منك خااالص بسهوله كده لازم انك تعمل حاجه فيه قول ياه دانا عملت فرمه كويسه اوي في الشتاء ده والله هتحب اللعبه طول ما فيه نتيجه ايجابيه وربنا يوفقنا يااارب لما فيه الخير للناس
موضوع طويل انا عارف وطولت عليكم بس مش هقولها تاني فعلا انا بعز الناس الي هنا جدا جدا وعمري ما هبخل علي اي حد وبشكر المشرفين طبعا الناس ديه بنتعلم منهم وربنا يوفقنا يارب للخير اامين
[/b][/b]




█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
إرسال مساهمة في موضوع
اعلانات مشابهة