KW

رسمتك أحلى إبتسامة وعلى همي أحلى

عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الثلاثاء 8 يونيو - 14:39



مرحبا بالجميع
حبيت أنزل أول رواية لي في منتدانا ،،واتمنىا انها تعجبكم ،، هذي الروايه لصديقتي رهينهـ شوق
رسمتكـ احلىا ابتسامهـ وعلىا همي احلىا شفاها
راح ابدأ بأبطال قصتنا..
الهنوف:17سنه
في ثالث ثنوي طولها متوسط شعرها طويل لنص ظهرها لونه بني ولون عيونها بنيه
فاتحهـ جذابه حيل لو تشوفها ماتنزل عينك علىا برائتها وجمالها.فرفوشهـ تحب
المزح ماتحب تشوف احد زعلان ابد تبدي الكل علىا نفسها ..
نوف:17سنه في
ثالث ثنوي طويله شوي شعرها طويل بس مو واجد ولونه اسود وعيونها ناعسهـ
بنيه ..مزوحهـ هي ومع الهنوف ونوافهـ(راح تعرفوها الحين,لاتستعجلو
هع.)مايتفارقو ابد والكل يسميهم ثلاثي المرح..
نوافهـ:طويله شعرها شوي قصير يوصل لكتفها نشيطهـ شوي بس عليها جسم خيال..
وابطال قصتنا راح تعرفونهم بروحكم ..
عائلهـ الهنوف..
ابورائد:
طيب وحنون علىا عياله بالرغم من انهم من اغنىا الناس بالشرقيهـ لكن
ماعندهـ فرق بين الغني والفقير .مايبخل علىا عيالهـ وخاصهـ دلوعتهـ الهنوف
ام رائد:طيبهـ وحنونهـ حيل .ربهـ منزل ناجحهـ عندها اهم شىء سعاده عيالها وبس.
رائد:عمره
20 سنهـ طويل عريض جسمه رياضي اسمراني جميل وجذاب لابعد حد البنات يبون
اشارهـ منه بس مو راعي هالسوالف . مزوحي يحب يعاند اختهـ الهنوف مافي يوم
مايتشاجرون . طبعا عن مزح . مايرضىا احد يزعل الهنوف لانها(دلووعهـ البيت)
عائله نووف
ابو
نواف:طيب وحنون علىا عيالهـ طبعا عندهم شركه شراكه فيها ابو نواف وابو
رائد ومع ابو وليد(طبعا ابو رائد وابو نواف اخوان ماخذين خوات)مايرفض طلب +
ام نواف: طيبهـ حنونهـ علىا عيالها .ربهـ منزل
نواف:20 هو مع رائد وليد بالجامعهـ ومايفارقو بعض يحب يعاند اخته نوف وخاصهـ لما يتجمعو هي مع الهنوف ونوافهـ
فهد:عمره25 طويل جميل من طبعه هادي متزوج هدىا نسيبتهم (اهلها توفو بالعراق.شهيدين)يعشق هدىا وعندهم ولد اسمه سطام عمره 3 سنين
هدىا:خذت فهد عن حب قصيره شوي نعوومه حيل عمرها 23 سنهـ
عائلهـ نوافهـ
ابو وليد:طيب حنون علىا عيالهـ اهم شىا سعادتهم
ام وليد:اخت ابورائد وابو نواف طيبهـ حنونهـ اهم شىأ تشوف سعاده عيالها
وليد:تبع
شله رائد ونواف اسمر طويل واحلىا مافيه غمزاتهـ عمره 22 مع رائد ونواف
بالجامعهـ رسب سنه في الجامعهـ عشان كذا صار مع نواف ورائد وبندر
عندهم خالين
بندر:
من شله رائد ونواف وليد يدرس معهم بالجامعهـ طويل اسمرااني عريض ابتسامتهـ
دوخ الى حولهـ يموت في نوف والهنوف ونوافهـ قريب منهم حيل صديق بالنسبه
لهم..21 سنه

عبدالعزيز:عمره25 طبعا مسافر لبرا كندا صار له 5سنين راح تعرفو قصته بعدين مختفي عن اهله..
نسيت
اقول لكم(طبعا الجد والجده مافي اطيب منهم وخاصه اذا تجمعو الكل وجننو
الجد والجده عندهمم قوانين العقوبات بعد علىا حسب الى يسوونه..خخخ انواع
الفله )
وفي ابطال قصتنا بس راح تتعرفو عليهم بنفسكم..
في بيت ابو رائد
في صباح بالتحديد في غرفه الهنوف
ام رائد تفتح الستاره:الهنوف يمــهـ قومي
الهنوف: اوووه يمهــ سكري الستاره
ام رائد: يلابسك نوم قومي لاتتأخري علىا المدرسهـ
الهنوف: طيب طيب شوي وبنزل.
نزلت ام رائد تتحلطم علىا بنتها
ابو رائد: شفيك ياام رائد تكلمين نفسك.
ام رائد: في غيرها بنتك يبي لها ساعهـ علىا ماتقوم
ابو رائد: هههههه ماتعرفين بنتك يعني
كل بنزلت رائد حب راس امه وابوه: صبااح الخير
ابو وام رائد: صبااح النور
رائد يلتفت يمين ويسار كأن يدور علىا شىا: الا وين هنووو ماشوفها المزعجهـ ( هنوو اسم دلع للهنوف)
ام رائد: نايمهـ بعد وينها اصبر علىا ماتقوم
رائد وفكره جت علىا باله راح يسويها
رائد: اوك اجل بقوم انا اجلسها من النوم.
ابورائد يناظر ام رائد واستفهامات علىا وجييهم.!؟
رائد وده يضحكـ علىا اشكالهم بس سكت لاينفضح:شفيكم؟؟
ابورائد طالعهـ بنص عين: ياويلك لو سويت شىء في اختكـ
ام رائد:يمه رائد اجلس وهي بتجي كل شى ولا بنتي تخوفها.
رائد: حشىا حشىا وش بسوي فيها هذي قطوهـ بسبعهـ ارواح . بقوم اجلسها بس وقام راح صالهـ
خذ تلفون لاسلكي وضغط علىا رقم تحويلت غرفه الهنوف
رائد
وهو يصرخ بأعلىا ماعندهـ: الهنووف بسررعه الحقي شبت حرريقهـ في الحديقهـ
وامي مغمىا عليها قوومي وهو يكح .. من كثر الدخان الى في البيت ( هع ممثل
بارع ) وعلىا طول سكر الخط ويتخيل الهنوف وش راح تسوي..
عند الهنوف
الغرفه ظلام والمكيف شغال والدب حاضنتهـ من سمعت صوت رائد بهذي النبرهـ
وأول مره تحس برعب فزت من منامهارمت البطانيه الي عليها من الخوف ورمت
الدب وشعرها طايح علىا وجهها وحالتها حاله.. وكانت لابسهـ شورت اصفر
وبلوزه بيضهـ وفيها دبوب في الوسط طالع شكلها كيوت وعلىا طول ركيض علىا تحت
وتحس
انها بطيح من علىا درج من رجتها تزحلقت علىا الدرج من الخوف تصارخ:
ييييييمه ييييييييمه يييييييييييبه يييييييبه رااائد راائد وويييينكم
طبعا
رائد من سكر تلفون جلس ولاكأن مسوي شىء دورتهم في صاله مالقتهم راحت
لغرفهـ الطعام شافتهم جالسين وأول مادخلت وهي مرعوبهـ من الخوف
ام رائد وابو رائد ورائد من شافو شكلها والخوف الى بعيونها ضحكو : هههههههههههههههههههههههههههههههههههههههههههههههههه هههههههه
الهنوف عصبت .عرفت مقلب من مقالب اخوها : لاوالله انتو اهنا جالسين مبسوطين واني عايشه فلم رعب بسبب ولدكم كان جاب لي جلطه
رائد عاد اهنا ماستحمل : هههههههههههههههههههههههههههههههههههههههههههههههههه ههه
والهنوف فيها صيحهـ: ضحكت من سرك بلىا جعلك ان شاء الله غيبوبه ولاتقوم الا بعد 10 سنين
ام رائد: يؤؤ الهنوف لاتفاولين علىا اخوك
الهنوف: لاوالله مادريتي وش سوا فيني هالملعون.
ابو رائد:تعالي ياروحي انتي قولي لي وش سوا فيك
الهنوف قالت لهم
ام رائد: يمال الوجع تفاول علىا امك
رائد وللحين يضحك : هههههههه حشاك يمهـ بس مافي الا ذي الطريقهـ الى تقوم منها خيشة النوم هذي..
الهنوف: انا خيشهـ نوم يارويد..
رائد(اكره ماعليه احد يسميهـ رويد)
رائد ومعصب: انا رويد ياخيشه الرزالهنوف: انا خيشه الرز ياقوطي معووج وام رائد وابو رائد يطالعون علىا هواشهم ويضحكون عليهم
قام رائد يلحق اختهـ والهنوف تشرد وطلعت في الحوش
رائد لقىا علبهـ كلينكس ورمىا عليها
الهنوف: اااااي وجججع يارويد هين اراويك جابت صندل الكعب لقته ولحقته وهو يركض ويضحك وقف عند بركه السباحه
الهنوف وبخبث طالعه: جاك الموت ياتارك الصلاه
رائد:هنووو يلا عااد ماتشوفيني كاشخ ومتعطر وراي جامعه لااتأخر
الهنوف: عاد تسوي روحك دافور (دافور يعني شاطر هع)
تمشي شوي شوي وهي طالع علىا سما وبصوت هادي وبكل همس ورومانسيه تخلي الواحد يخق: رئودي شوف السماء
رائد بدون تردد مافكر لحظهـ انها بتكون مقلب رفع راسهـ لسما وهي بيدها دفه لما طاح في البركهـ
والهنوف : هههههههههههههههههههههههههههههههه تستاهل يارويد ومدت لسانها عليه
رائد: هين ياهنوفو اراويك
الهنوف:تصدق يبي لك صوره وانت بالشكل هذاههههههههههههههههههههههههههههههههههههههههههههههه ههه ههه
رائد:يمال الوجع ساعديني بقووم اخلص لاأتأخر مالي خلق بعد يسوون لي محاضره
الهنوف:ها
ها ها احلم ياشيخ عشان ترميني وانت تقوم كاشفه الاعيبك ترا..يلا بقوم اخذ
دش واروح المدرسهـ عشان وهي تصرخ اروووووح المدرررسه (تبي تقهر اخوها
اعناد هع) وركيض علىا داخل
ام رائد: وين رائد
الهنوف: الحين تشوفينه هالقرد
ابو رائد: ها خذيتي حقك
الهنوف وتغمز له: افا عليك اخذه واخذ ابوه بعد
ابو رائد وام رائد ضحكو عليها ( هي الى منوره البيت بزعاجها ويا اخوها)
وركبت تتروش علىا سرييع وتخلص وقعدت نص ساعهـ علىا شعرها ( لازم كل يوم غير شكل )
في بيت ابـو نواف
الكل جالس علىا الفطور ونواف بس يفتح عيونهـ ويرد يغمض من النعس
نوف:يااربي نوافوو شوف شكلك انصحك لتروح الجامعه بالشكل هذا كأنك قررد ههههههههههههههههههه
الكل قام يضحك
الانواف بملل: سكتي بس مالي خلقك
نوف: عاد انا الى خلقك اكل وانا ساكتهـ عشان اوصل بالمدرسهـ بسلام.
هدىا :حشىا بحرب انتي
نوف:: اقوىا من الحرب وش حسبالك
نواف: ياخفه دمك.
نوف : ياثقل طينتك.
ابو نواف: يالله صبااح خير ماتملون انتو كلو وكل واحد يروح دوامهـ
نوف تبوس راس ابوها : من عيوني تامر امر .. يلا سلاام
فهد: مافطررتي..
نوف : بفطر في المدرسهـ
ام وابو نواف: بحفط الرحمن
كل واحد وراح دوامهـ
في بيت ابو وليييد
وهي نازله من درج نوافه : نن نننننننن وصدمت بأخوها وليد: ايييييي وش هذاوليد يضحك علىا شكلها: حشىا وش هذا قاعدهـ تفحطي انتي
نوافهـ:لا وانت صادق اطعس وخر وخر بس خلييني افطر
وليد: الله يخلف علىا خبالك
نوافه تستهبل: بدون خبالي ماعيش
وليد : ابشرك اجل بشهاده تفوق الجنون
نوافهـ: اقول اسكت عني وليدووو
سلمت علىا ابوها وامها وجلسو يفطرون
نشوووف وش صار علىا الهنوف ورائد
نزلت وحبت راس امها وابوها ( ماكأنها من شوي شايفتنهم)
الهنوف: اجل وين رويد وتلتفت يمين ويسار
ام رائد:وش سويتي بالولد سبحتيه الله يهديك
الهنوف بغرور: خليه يعرف من الهنوف مو الهنوف حيا الله اسكت عن حقي.
ابو رائد: ابعدي والله يابنتي طالعه علي
ام رائد: كله بسبب دلعك لبنتك
الهنوف: هااا يمهـ وطالعها بنص عين. اشوفك تغاارين
ام رائد:هاوو يمه استحي علىا وجهك وشو له اغاار
الهنوف: اعترفي اعترفي يمه ترا مافي احد غريب انا بنتك وهذا حبيب القلب
ابو رائد: هههههههههه استحي يابنت وقومي علىا مدرستكـ
الهنوف: ههههههه اي يصفا لكم الجو ها
ام رائد وهي ماسكه علبه الكلينكس بترميها عليها: اقول روحي ولا بوجهك هذي يابنت
الهنوف وتسوي روحها زعلانه: اشدعووه يمه اني اني الهنوف تقولين لي كذا
ام رائد علىا نياتها: امزح معاك يابنتي عاد ماقدر علىا زعلك دلووعه البيت انتي..
الهنوف تبوس راس امها وابوها: الله يخليكم لنا
ام رائد: مافطرتي يمه.
الهنوف:
بفطر في المدرسه تاخرت.. بقووم بعد لاتشوف رويد القوطي المعووج اسمعها
رائد وهو نازل من الدرج ..: انا رويد يالــ..... علىا طول انحاشت عشان
لاتنعاد المعركه مره ثانيهـ
سلم رائد علىا امه وابوه وطلع لايتأخر اكثر من كذا علىا الجامعهـ
ابو رائد: الله يخليهم لنا والله من دونهم مايسوىا البيت بالهدوء
ام رائد: اي والله صدقت..
تووووقعاااتكم. ابي اشوف ردوود اذا عجبتكم راح اكمل اتمنىا انها تعجبكم..




█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
إرسال مساهمة في موضوع
اعلانات مشابهة