KW

القصه الإماراتيه(ياهي خساره سنيني حبك وحبي)

matrix@man
معلن جديد
معلن جديد
ذكر
الجنسية :
عدد المشاركات عدد المشاركات : 303
تقييم المشترين تقييم المشترين : 0
العمر العمر : 23
معاينة صفحة البيانات الشخصي للعضو

في الجمعة 16 يوليو - 0:54


هاي القصه إهداء لجميييع القراء وحبي القصص الرومانسيه....تابعو الأجزاء..
عايله كبيره فالشارجه...يملكون بييت عود ومزارع كثيره....مؤلفه من عده أفراد...تابعو معانا هاي الأحداث...
نوره بنت عمرها 22 سنه تدرس فجامعه فالعين ...وساكنه عند خالتها شيخه..
البارت 1...........
حمدان دخل بيتهم: السلام عليكم
نوره روحها فالصاله:وعليكم السلام
حمدان: اشحالج نوره؟
نوره: بخير ربيي يعافييك
حمدان: وين امي؟
نوره: فالمطبخ
حمدان: نوره حبيبتي أباج فموضوع
نوره استحت وتمت ساكته...هذا حمدان ولد خالتها وهي تحترمه وايد هو اصغر عنها بسنه وحده وكلما شافها يقولهاحبيبتي وحياتي وهالسوالف وهي فالبدايه كانت تتضايق بس الحين اتعودت ومرات تحس ان هويحبها ومرات تقول هو جي متعود يرمس وتطوف السالفه..
حمدان:نوره بلاج؟
نوره: ها ما شي ...شو السالفه؟
حمدان: أنا اليوم مواعد...بشوف أسما
نوره: إلي ماكنت ترمسها إلا عالمسن؟
حمدان: هييه حياتي ...شو البس وشو اقول ...أنا وايد متوتر..
نوره: خلك على طبيعتك...بتحبك هي أكيد
حمدان: ثانكس حبي
نوره: أنا اليوم بسير بييت ابوي
حمدان: أفاا
نوره: اشتقتلهم
حمدان:منو بيودييج؟
نوره: أنا بسير روحي
حمدان: عيل اظهري من وقت
نوره:أوك بظهر بعد شوي
حمدان: أحبج
نوره تمت ساكته وقافطه وحمدان تم يطالع ويهها ...هاي أول مره يقولها ويخلي نوره محتاره منه...شوي ولا تزقره امه وسار لها ويوم رد حق نوره ما حصلها ...كانت فالسياره سايره بيتهم...
وفالدرب....
نوره كانت تسوق ومبطله الجامات وشكلها غلط مب حاطه شي على ويهها وشكلها وايد تعبانه...
نوره فخاطرها:ليش جي أنا...أحس إني أحبه يوم يقول حبيبتي...أحس اني أعشقه يوم يقول حياتي...واليوم يوم قال أحبج نساني الدنيا وما فيها...شسالفه جي أنا جي؟ هويحبني صدق؟...لأ وأسما؟ آآآخ بوقف المحطه
وقفت نوره المحطه وهي تفكر بحمدان...
نوره كانت بنوته حلوه واااايد وويها ملامحه طفوليه...شعرهاناعم ومب وايد طويل وعيونها عسليات وشفايفها عذاااب...
نزلت نوره من السياره وراحت تشتري شي تاكله لأنها مييته يوع ...سارت صوب السندوجات وخذت لها وحده بالجبن وسخنتها عقب سارت تسوي كابجينو...وهي تتريا القهوه مالتها يولها 2 وتمو يسوون لها حركات...وهي تتلفت وتسوي عمرها ما تجوووف...
الأول: صوبنا صوبنا
الثاني: فديت أنا هالعيووون محلاهم
الأول يقرب مننوره زياده : حبيبتي عطيني فونج شوي بتصل فربيعي
الثاني يضحك بصووت عالي
نوره:يالله منااك
الأول: شو؟
وقرب منها وحط إييده على جتفها ...جان إيي واحد لابس قمييص وبنطلون وشعره أسود وكثيييف ودزه بعيييد...
الأول: إيييه
الريال وهو يأشر عليها: خوزو عنها
الثاني: ومنو تكون حضرتك؟
الريال يطالعها بعصبيه : ولد عمها
الأول: آآآآ أنا آسف اخوي ..
الثاني: هييه حقك علينا
الريال: اجلبو ويووهكم
نوره تمت ساكته والدموع فعينها
الريال: أنا حمد,,, يودي قهوتج
وسار حمد وشل له ريد بول وسار عند الكاشير وشل علبتين جقاير وظهرو ركب سيارته السبورتيه ...وتم يالس فيها
أما نوره فمسحت دموعها وشلت أغراضها وحاسبت وظهرت من المحطه وركبت السيياره وروحت...
تمت تمشي فالدرب وهي تفكر فحمدان وأسما ..
أما حمد فكان يقول فخاطره: حليلها هالبنوته شكله يغمض...ما اروم انسى شكلها وهي تصييح...
صوب نوره كانت تسوق مسرعه عقب شوي استوت الإشاره بتستوي حمرا فمشت والصوب الثاني عاليمييين سايق شاحنه عوووده يشوف الإشاره صفرا بتستوي خضرا فمشا ودعم سياره نوره من على يسار دبه السياره وين مايصبووون بتروول تمت سيااره نووره تلف جي على شكل دايره وانجلبت جلبتيين...
حمد كان توه واصل الإشاره شاف العرب والهنود متيمعييين على السياره الجلووبه ...نزل حمد مسرع عند الناس وقال: حد يخبرني شو مستوي؟
ريال: شي وحده مسويه حادث ونجلبه عليها السياره وها إلي أعرفه...
سيده سار حمد صوب السياره وبصعوبه وصل وهناك قالوله ان هم مب رايميين يوصلون لها لأنها قافله البيبان...
سارحمد صوب السياره وحاول يبطل بابها بس الباب كان مقفول مثل ما قالو والإسعاف كانت يايه بالدرب...
فصخحمد قمييصه ولفه على إييده حييل تم يضرب الجام حييل وبدت الجام تتهشم جان إيي واحد ميوول حديده وضرب الجام بالقو اتكسرت شوي...المهم حمد كسر الجام بإييده وحتى القطع الصغيره وإيييده كلها يروووح وقمييصه كله فتحات وتم لافه على إييده ودخل داخل السياره والكل تم يتريى...
حمد داخل حصل نوره مغمى عليها و شعرها ظاهروعباتها عالقه المهم حمد تم يالس داخل يرمسها ما ترد جان يبطل الباب ويغطي شعرها ويشيلها ويوديها صوب الاسعاف والناس يصفقوون والكل يالس يصوور ويطالع وجي...
وفالإسعاف...
حمد عطى سويج سيارته حق واحد من الشرطه وطلب نقل سياره نوره باسمه...وبدا التحقيق ويا السايق...
مشت سياره الإسعاف وسارت مستشفى بوظبي العود...
فسياره الإسعاف كانت أسمه راقده..وحاطين هالشي على حلجها عسب تتنفس وجي....
حمد يحط إيده على ويها ويقول فخاطره: سبحان إلي خلقج محلاااج...يالله عاد نشي لا تخليني روحي...
الممرضه: ده انت بتنزف جامد أوي...إديني ابص عليها..
حمد: لا ما يحتاي أهم شي هي..
الممرضه: ده انت بتعرفها؟
حمد: هييه هييه أكيد...
وتم ساكت عقب...ووصلو... وهناك..
الدكتور: لو سمحت انت تعرفها؟
حمد: هييه
الدكتور: ومنو حضرتك؟
حمد: أنا ولد عمها
الدكتور: أها ..أوك انت الحين سير تحت صوب الطوارئ وأنا بدخلها عالجراحه ولا تحاتي...دير بالك على إيدك..
حمد: طزز..فإيدي اهم شي هي
الدكتور: هههههه اتوكل على الله والباقي علي أنا
حمد: والنعم بالله..

خلص أول جزء...وهاي هي بدايه قصتي إلي ماراح تكتمل إلا بوجود ردودكم...أوك؟
شو بتكون حاله نوره وكيف بيتصرف حمد؟
كيف بتكون رده فعل عايلتها؟
وشو استوى بين حمدان وأسمه؟
ها كل بتعرفونه فالجزء الياي باذن الله...
فداعه الرحمن
عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 16 يوليو - 2:29





█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
إرسال مساهمة في موضوع
اعلانات مشابهة