KW

البنت الفقيرة و الامير

matrix@man
معلن جديد
معلن جديد
ذكر
الجنسية :
عدد المشاركات عدد المشاركات : 303
تقييم المشترين تقييم المشترين : 0
العمر العمر : 23
معاينة صفحة البيانات الشخصي للعضو

في الجمعة 16 يوليو - 1:08

بسم الله الرحمن الرحيم
كان يامكان
في قديم الزمان
وسالف العصر والاوان
كان في بنت مررررررة فقيرة
وكانت ام البنت دي تشتغل خدامة عند ناس اغنياء
والبنت الفقيرة دي كانت تمووووت في امير بلدتهم
ويوم
جات امها وقالتلها يابنتي ترا الامير مسوي احتفال عشان بدو يختار زوجتو من بين بنات البلدة كولهم
البنت اول شي زعلت وقالت مستحيل حيتزوجني انا من بين بنات البلدة كولهم::d
انا فقيرة ومني حلوة قدي كده عشان ينقيني
بس قالت برضو لازم اروح عالاقل اقدر اشوفو عالحقيقة
فقامت لبست احلى فستان عندها وراحت قصر الامير ولقت بنات مرررررة كتير هناكا
وبعد شويتين خرجلهم الامير وقال
انا حاعطي كلي وحدة منكم بذرة واللي تزرعها وتكبرها في ستة شهور حتكون هيا الاميرة
فقامو البنات كولهم اخدو البذرات وراحو بيوتهم
واول ما راحت البنت الفقيرة بيتها قعدت تسقي البذرة وتزبطها وحطتها في مكان يجيلو الشمس عشان تكبر وتسير احلى زرعة
بس الموشكلا انو الزرعة مهي راضية تكبر والوقت قاعد يمر
مرت تلاتة شهور وزرعة البنت ماكبرت ولا شويا
فقامت البنت راحت للمزارعين عشان يقولولها ايش تسوي وكل مايقولولها سوي شي تروح تسوي بس بدون فايدة
المهم
عدت الستة الشهور وزرعة البنت الفقيرة ما كبرت ولا شويا
ويوم الاحتفال راحت البنت وهيا زعلانة قصر الامير وفي يدها يذرتها زي ماهيا
وكلي ما تشوف بنت تلاقي معاها زرعة كبيرة وحلوة
الا شويا جا الامير وقال يللا كلي بنت توريني زرعتها عشان انقي احلى زرعة
فقامو البنات كولهم ورو الامير زرعاتهم ولمن جا دور البنت الفقيرة ورتو زرعتها وهيا مكسوفة منها
فقام قلها الامير هادي هيا نفس البذرة اللي اعطيتك هيا ؟
قالتلو ايوا
قالها خلاص انا قررت اتزوجك
فقامت البنت اتجنن ومهي مصدقة نفسها
قالتلو طيب ليش وفي زرعات كتير احلى من حقتي
قالها بس انتي الوحيدة اللي جبتي البذرة زي ماهيا وما كدبتي عليا زي الباقيين
لانو كول البذور اللي اعطيتكم هيا ميتة وما تنزرع
واتزوجها الامير وعاشو مع بعض حياة سعيدة :d:d:d


وتوتا توتا خلصت الحتوتا
عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الجمعة 16 يوليو - 2:23





█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
إرسال مساهمة في موضوع
اعلانات مشابهة