KW

حوار واحد بارد مع خطيبته

عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الثلاثاء 1 ديسمبر - 16:33

بسم الله الرحمن الرحيم


هو و هى مشيين على الكورنيش .. الجو حار .. الشمس محرقة


هي : عطشانة

هو : و أنا كمان

هي : يعنى ... عايزة أشرب

هو : أكيد مادام عطشانة يبقى عايزة تشربي

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة

هو : ومين اللي هيحاسب ؟؟

هي : أنت طبعاً

هو : منين ياحسرة .. ماأنتى عارفة الكانز وغطاه

هي : ماقلتش عايزة كانز .. كفاية إزازة صاروخ

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك

هي : قصدي تعزمنى فى مكان شاعرى

هو : في الحر ده .. ماينفعش

هي : بلاش دى .. نأخد مركب على الكورنيش

هو : المراكب بتغرق اليومين دول .. خلينا ع البر أحسن

هي : بلاش المركب تعالى نأكل ترمس .. أظن ده رخيص

هو : إنتى تضمني منين إن الراجل غاسل إيده و غاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس

هي : يا سلام !! .. ماأنت كان معاك إمبارح

هو : إمبارح دخلت السينما مع بنت حلوة كدا فالفلوس خلصت

هي : بنت حلوة ؟؟!! وبتقولها فى وشى

هو : أكذب عليكى يعنى

هي : لأ .. تحرق دمى أحسن

هو : أنا مش شامم ريحة شياط يعنى

هي : يخرب بيت البرود

هو : برود إيه ؟؟ ماهو الجو مولع أهو

هي : إنت اللى بارد

هو : بارد إزاى ؟؟ دا أنا بشُر عرق

هي : بقولك إيه .. روحنى

هو : أروحك ؟! هو إنتى ماتعرفيش تروحي لوحدك

هي : آآآآه .. طب أنا ماشية

هو : ليه يا حبيبتى ؟؟

هي : حبك برص

هو : والله البرص بيفهم عشان حبنى

هي : بجد كدا كتير

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشى ؟؟

هي : أيوة و حالاً كمان

هو : طب استني لما نوصل آخر الشارع

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى

هي : لااااااااااااااااااااااا

هو : ينفع كده ترمي نفسك فى المية مين هايوصلني بقى







يارب تكون عجبتكوا




█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
إرسال مساهمة في موضوع
اعلانات مشابهة