KW

اسئلة خنيقة اوي لازم نسمعها كل يوم من اي بني آدم

عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الثلاثاء 1 ديسمبر - 20:25

خلـونـــا نشــوف أمثلة


***********



إنت في أوضتك .. على السرير وطافي النور ومتغطي


ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟



(( أظن ده مش وضع الرقص يعني !!! واضح ان انا هنام ))


***********



انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟



(( لا لسه ))



***********



والعكس : انت لابس هدومك و متأنتك و على سنجة عشرة وريحة البارفان واصله
لاخر الشارع .. وخلاص بتفتح باب الشقة,, يجي حد من أهلك وينادي بصوت عالي
: انت خااااارج ولاّ اييييييييييه



(( !!! لاء دانا لسه راجع ))


***********



أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟


يقولك : انت رايح الشغل يابيه ؟



(( لا.. العربية واحشاني ))


***********



مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟




(( لا.. بتفرّج عليه ))


***********



مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟



(( تقوم رامي الكتاب و تقوله لااااااااء ))


***********



ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟



(( لاء.. هفرطها ))


***********



ولاّ تعالــو شوفو قنواتنا واسئلتهم البديهية البايخة


برنامج اهداءات يتصل واحد يطلب أغنيه


ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟



(( لأ.... بخنق عليكي ))


***********



أو مثلا في العيد



المذيع : هههههه هههههههه هههههه نتعرّف بيك


المواطن : فلان الفلاني


المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه


المواطن : أقولهم كل عام وأنتم بخير



(( أكيد يعني مش هيقولهم البقاء لله ))



***********



,,,المذيعة الظريفـة : وياترى بقى هتعملوا ايه العيد ده هتقضوه ازاي ؟


أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع
و تفسحوا أولادكم ونتصل بالمعارف نعيّد عليهم و نقولهم كل سنة و انتو
طيبين



(( سبتيله ايه يقوله يارخمة ؟ ))


***********





█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
إرسال مساهمة في موضوع
اعلانات مشابهة