KW

الشباب الفاضى

عبدالرحمن حسن علي
مؤســس المنتدى
مؤســس المنتدى
ذكر
الجنسية :
عدد المشاركات عدد المشاركات : 16042
تقييم المشترين تقييم المشترين : 49
واتساب واتساب : 201289700022
معاينة صفحة البيانات الشخصي للعضو

في الثلاثاء 1 ديسمبر - 21:43

هناك ولدان فى نهاية العقد الثانى من عمرهم ( يعنى قول كده بتاع 17 , 18 سنه ) و كان واحد منهم اسمه حنكش و التانى اسمه كرشه.

اتفق والداهما على انه لابد من العمل لأن هذا هو الذى سيجعل الصبيان يتحملان المسؤوليه , و هو الذى سيقودهم الى النجاح.

و بخصوص موضوع الشغل جرى الحوار الاتى بين حنكش و كرشه....

حنكش: ايه رأيك فى حوار الشغل ده؟
كرشه: هيكون إيه يعنى أهو نوع من أنواع المزاولة خلينا معاهم للآخر.
حنكش: طيب وهنشتغل إيه؟
كرشه: هيكون إيه يعنى أكيد شغلانة محترمة مثلا يعنى مدير علاقات عامة
حنكش: لا لا لازم الواحد يكون واقعى ممكن مثلا مندوب مبيعات.
كرشه: بص هو أبويا قال لى الحاجة الوحيدة اللى هأساعدك بيها إنى أديك كارت لواحد زميلى فى شركة تشغيل.
حنكش: حلو الكلام يعنى معانا واسطة بينا عليه.
كرشه: طيب نروح الأول نطقم كده ونلبس الوش النموذجى إنت عارف العالم دى يهمها المظاهر.
حنكش: اوك يامان.

و ذهبا حنكش و كرشه الى الشركه و عند الباب قابلا ظابط الامن.

الامن: رايح فين ياكابتن انتا و هو؟
كرشه: انتا بتكلمنى انا؟
الامن: ايوه.
كرشه:
اولا انا مش كابتن شايفنى لابس شورت و فانيله و لا فيا شبه من حسام حسن
عشان تقوللى يا كابتن. ثانيا حنا جايين بكارت لصلاح بيه ابو رحاب.
الامن: بخصوص؟
كرشه: بخصوص الشغل.
الامن: شايفين الأمة اللى هناك دول؟
كرشه: آه
الامن: إركن على جنب معاهم لغاية ما ننده عليك وخد إملى الورقة دى وحطها عند السكرتيرة.

حنكش: هو إيه النظام دى حاجة ما تطمنش.
كرشه: هو أبويا ده أنا بأخاف من توصيته شكله كده موصيه يبهدلنا.
حنكش: لا انا مش حمل بهدله بص يا صاحبى انا فى الخليعه.
كرشه: خليك جدع أومال نملى البيانات ونظبط السكرتيرة.

و بالفعل ملأ حنكش و كرشه البيانات و ذهبا الى السكرتيره .

حنكش: ياما هى دى السكرتيره؟
كرشه: إثبت أومال خليك راجل للآخر.

وجلس حنكش و كرشه وسط كم هائل من الشباب. و لكى يطمئن سال حنكش احد الشباب..

حنكش: كابتن. هى إيه الوظائف هنا؟
الكابتن: حراس أمن.
حنكش: نعم!!!! كل دول حراس امن, ده لو كانوا حراس امن للبيت الابيض ماكانش هايبقى كل دول.
الكابتن: بيت ابيض ايه؟ دا احنا هانبقى حراس فى مولات و عمارات.
حنكش: حلوه حكاية المولات دى , الواحد يظبط فيها بنات للصبح.

بعد 4 ساعات يفضل 4 شباب منهم حنكش و كرشه.
و السكرتيره نادت اتنين , و يبقى فاضل حنكش و كرشه....

حنكش: لو سمحت سعادتك هو لسه فاضل وظائف؟
السكرتيره: ( بقرف ) فاضل وظيفتين وأنتم 4 اللى دخلو دلوقتى وانتم بعد المقابلة هنقرر.
كرشه: بس احنا معانا كارت لصلاح بيه ابو رحاب.
السكرتيره: ماهو عشان كده هيقابلكم والا كنا استكفينا بالعدد اللى عندنا

ودخل حنكش و كرشه الى صلاح بيه ابو رحاب...

صلاح
بيه: اهلا يا حنكش ازيك يا كرشه. عارفين, انا بقالى 12 سنه ماقابلتش باباك
بس عايشين على الذكريات الحلوه اللى بينا. انتوا بقى جريجين كليه ايه؟
كرشه: حضرتك احنا لسه ماتخرجناش بس فى ظروف كده و لازم نشتغل.
صلاح بيه: ظروف ايه كفل الشر!!! الوالد بخير؟
كرشه: هو بخير بس إحنا السنة دى بنعيد السنة للمرة التانية وما عندناش حضور فقلنا نشتغل يعنى.
حنكش: لا يا صلاح بيه مش احنا الى قررنا . هما اللى قرروا يبهدلونا فى الشغل.
صلاح بيه: ليه يابنى هو الشغل بهدلة؟
حنكش: لا مش قصدى بس يعنى......
صلاح بيه: مش مهم.

نظر صلاح بيه الى اوراق بياناتهم ثم قال:
صلاح
بيه: شوفو يا أولاد هاكلمكم بصراحة كان فاضل وظيفتين حراس أمن فترة ليلية
الشابين اللى دخلو قبلكم واحد فيهم فى بكالوريوس هندسة بينجح بتفوق كل سنة
ومحتاج الشغل عشان يوفر تمن المشروع بتاع التخرج والتانى فى كلية تجارة
إنجليزى مصاريفها عالية ووالده متوفى المعاش يادوب يكفى والدته وإخواته .
لو انتا مكانى يا كرشه تشغل مين؟ وبعدين انا عايز انضباط.
كرشه: هو إحنا قلنا هنشتغل رئيس وزراء ده حارس أمن يادوب ب200 ملطوش ما يكفوش مواصلات والسجاير.
صلاح بيه: انا فعلا باهنىء والدك على حسن تربيته ليك. روح دلوقتى و لو فى شغل هابقى ابعتلكوا.

و بعدما خرجوااحسوا بالاحراج....

كرشه ( يقلده ): صلملى على بابا . ايه الانزحه دى؟
حنكش: انا عارف يا عم , ادى اللى بييجى من ورا ابوك.
كرشه: و بعدين هانعمل ايه؟
حنكش : و لا قبلين بينا نقعد على القهوة زى الملايين اللى قاعدين دول.
جرسون القهوة: ايوة جاى قهوة شاى كازوزه شيشه...
حنكش: هات ارخص حاجه عندك.
الجرسون: ليه بس يابو الشباب ده انتوا شكلكوا بهوات!!!
حنكش: بهوات ايه و نيلة ايه... عندك هنا حد عنده وظايف خاليه؟
الجرسون: طبعا فى, بس من بدرى كل يوم فيه مقاول بييجى يحمل من عندى انفار لاعمال البنا بس ايه موووووووووووز.
حنكش: و دول يوميتهم كام؟
الجرسون: من 10 الى 15 جنيه حسب التخصص.
كرشه: تخصص ايه يا عم انتا؟
الجرسون: ماهو سعادتك عدم اللامؤاخذه تشيل بس و ناس تخلط و ناس تصب و هكذا.
كرشه: حتى البنايين محتاجين فن و خبرة.
الجرسون: الشاى سعادتك؟
كرشه: فكك من شغل المعمار ده يا حنكش خلينا فى المكاتب احسن.
حنكش: تعالى نروح لخالى , عنده شركة كمبيوتر.

حنكش: خالو عايزين نشتغل.
الخال: بس كده بتعرفوا ايه فى الكمبيوتر؟
حنكش: آخرنا ريستارت.
الخال: طيب عاملين ايه فى النت؟
حنكش : ممتازين فى الشات.
الخال: و ايه اخبار اللغه؟
حنكش: عربى مكسر و انجليزى و فرنساوى طشاش.
الخال: طيب عايزين تشتغلوا ايه؟
حنكش: فى اى مكان مكيف و من غير بهدلة.
الخال:
مش عارف أقولكم إيه يا أولاد بس فعلا لازم تاخدو دورة كمبيوتر ودورة
إنجليزى على الأقل عشان تفتح كلام فى موضوع الشغل فى أى مكان.
حنكش: بتبيعنا يعنى ياخالو يعنى أروح أشتغل فى المعمار مثلا أشيل طوب واللا إيه
الخال:
لا والله ماهى كده بس هى الحياة كده لازم تكون معاك صنعة أو متميز فى شىء
عشان تعرف تلاقى مكان وسط الملايين اللى حواليك. بصو يا أولاد تعالو من
بكرة هأديكم دورة كمبيوتر مجانية وانتو وشطارتكم .
كرشه: عاجبك كده واحد يهزءنا والتانى يتصدق علينا هى دى أخرتها.
حنكش: مش عارف والله إيه اللى بيحصللنا وعندى سؤال واحد مش عارف له إجابة .


النهايه




█║▌│█│║▌║││█║▌│║█║▌
النّاجحون يبحثون دائماً عن الفرص لمساعدة الآخرين بينما الفاشلون يسألون دائماً ماذا سوف نستفيد نحن من ذلك
إرسال مساهمة في موضوع
اعلانات مشابهة